ཟླ་བ༥པའི་ཚེས༢༠ཉིན། ༢༠༡༦ལོའི་པེ་ཅིན་རྒྱལ་སྤྱིའི་ཡུལ་སྐོར་དངོས་མང་སྟོན་ཚོགས་དེ་པེ་ཅིན་རྒྱལ་ཡོངས་ཞིང་ལས་འགྲེམ་སྟོན་ཁང་དུ་ཚོགས་འགོ་ཚུགས་པ་རེད། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་གྱི་ཆེད་སྤེལ་འཁྲབ་སྟོན་ཐོག། ཀན་ལྷོའི་གྲངས་ཉུང་མི་རིགས་ཀྱི་གླུ་གར་འཁྲབ་སྟོན་པ་དང་ཡུལ་སྐོར་བརྙན་ཚབ་ཕོ་ཉས་གླུ་གར་འཁྲབ་སྟོན་དང་མི་རིགས་གྱོན་ཆས་ཀྱི་མཛེས་ཉམས་སྟོན་པ་སོགས་བརྒྱུད་ནས་ཀན་ལྷོ་གྲངས་ཉུང་མི་རིགས་ཀྱི་རྒྱན་གོས་དང་ས་ཁོངས་རིག་གནས། ཡུལ་སྲོལ་གོམས་གཤིས། གཟུགས་མེད་རིག་གནས་ཤུལ་བཞག་གི་ཁྱད་ཆོས་སོགས་བསྟན་ཏེ་ཀན་ལྷོ་འཛམ་གླིང་དུ་སྐྱོད་པ་དང་འཛམ་གླིང་གིས་ཀན་ལྷོར་རྒྱུས་ལོན་བྱེད་དུ་འཇུག་པ་རེད།