མི་དོན་སྤྱི་ཚོགས་པུའུ་ནས་ཤེས་རྟོགས་བྱུང་བར་གཞིགས་ན།《སྨན་བཅོས་ཀྱི་ལུས་གསོ་ལས་གཞི་ཆ་ཤས་གཞི་རྩའི་སྨན་བཅོས་འགན་སྲུང་གཏོང་སྤྲོད་བྱེད་པའི་གཞི་ཁྱོན་དུ་གསར་དུ་སྣོན་རྒྱུའི་སྐོར་གྱི་བརྡ་ཐོ》ཉེ་དུས་ཁྱབ་བསྒྲགས་བྱས་ཏེ། ས་གནས་སོ་སོར་ད་ལོའི་ཟླ་བ6པའི་ཚེས30ཉིན་གྱི་གོང་ལུས་གསོ་ལ་ཕྱོགས་བསྡུས་དཔྱད་བསྡུར་དང་གཏན་འབེབས་བྱེད་པ་སོགས་ལུས་གསོ་བདེ་ཐང་གི་ལས་གཞི་ཁག20དེ་སྨན་བཅོས་གཏོང་སྤྲོད་བྱེད་པའི་གཞི་ཁྱོན་དུ་འཇུག་དགོས་པར་མ་ཟད། ས་གནས་སོ་སོས་སྔོན་མར་གཏོང་སྤྲོད་བྱེད་པའི་གཞི་ཁྱོན་དུ་འཇུག་པའི་ལུས་གསོ་ལས་གཞི་ཁག་ད་རུང་མུ་མཐུད་དེ་སྲུང་འཛིན་བྱ་དགོས་པའི་བླང་བྱ་བཏོན།
  《བརྡ་ཐོ》ཡི་ཐོག་ད་རུང་ལུས་གསོ་ལས་གཞིའི་གཏོང་སྤྲོད་གཞི་ཁྱོན་གཏན་འཁེལ་དང་། བེད་སྤྱོད་དོ་དམ། གྲོན་དངུལ་ཞིབ་བཤེར་བྱེད་པ་སོགས་ལ་བླང་བྱ་ཞིབ་ཕྲ་བཏོན་ཡོད། ཤེས་རྟོགས་བྱུང་བར་གཞིགས་ན། གསར་དུ་བསྣན་པའི་ལུས་གསོ་ལས་གཞི་ནི་རང་རྒྱལ་གྱི་ལུས་གསོ་སྨན་བཅོས་དང་སྨན་བཅོས་ཉེན་འགོག་དང་དོ་དམ་ཁྱབ་ཁོངས་ཀྱི་སྐད་གྲགས་ལྡན་པའི་ཆེད་རམས་པས་ཐུན་མོང་དུ་ཞིབ་དཔྱོད་བྱས་ཏེ་གཏན་འཁེལ་བྱ་དགོས་ཤིང་། ཡན་ལག་སྐྱོན་ཅན་གསོ་བ་དང་། བསམ་པའི་སྐྱོན་ཅན་གསོ་བ། སྐད་ཆ་བཤད་མི་ཐུབ་པའི་སྐྱོན་ཅན་གསོ་བ། རྣ་དབང་སྐྱོན་ཅན་གསོ་བ་སོགས་ལུས་གསོའི་ཁྱབ་ཁོངས་མང་པོ་འདུས་རྒྱུ་རེད།
  གྲོན་དངུལ་མགྱོགས་པོ་འཕར་བ་དང་ལུགས་དང་མི་མཐུན་པའི་གྲོན་དངུལ་སྤྱོད་ཚུལ་མ་བྱུང་སྔོན་འགོག་བྱ་ཆེད། 《བརྡ་ཐོ》ཡི་ཐོག་གཅིག་གྱུར་འཆར་འགོད་ཀྱི་ས་གནས་སོ་སོར་དངུལ་རྩའི་སྔོན་རྩིས་དང་དོ་དམ་བྱེད་ཤུགས་ཇེ་དྲག་ཏུ་གཏང་དགོས་པ་དང་། སྨན་བཅོས་ཉེན་འགོག་གི་གཏོང་སྤྲོད་བྱེད་སྟངས་ལེགས་བཅོས། ལས་གཞི་བེད་སྤྱོད་དང་ལྟ་སྐུལ་དོ་དམ། གྲོན་དངུལ་ཞིབ་བཤེར་བྱེད་པ་སོགས་ཀྱི་ལས་ཀ་ཁག་ཡག་པོ་བསྒྲུབས་ཏེ་དངུལ་རྩ་འཕྲོ་བརླག་གཏོང་བ་དང་ཚད་བརྒལ་ནས་བེད་སྤྱོད་བྱེད་ཚུལ་མ་འོངས་སྔོན་འགོག་བྱ་དགོས་པའི་བླང་བྱ་བཏོན་ནོ།།