ཞིན་ཧྭ་གསར་འགྱུར་ཁང་ཟི་ལིང་ནས་གློག་འཕྲིན་འབྱོར་གསལ། ཉེ་ཆར། ཀྲུང་གོ་མི་དམངས་སློབ་ཆེན་གྱིས་མཚོ་སྔོན་མི་རིགས་སློབ་ཆེན་ལ་ཁ་གཏད་རོགས་སྐྱོར་བྱེད་པའི་གྲོས་མཐུན་ལ་མིང་རྟགས་འགོད་པའི་མཛད་སྒོ་ཀྲུང་གོ་མི་དམངས་སློབ་ཆེན་གྱི་མིང་ཏེ་ཐོག་ཁང་དུ་སྤེལ་བ་དང་། དེ་རྗེས་ཕྱོགས་གཉིས་པོས་ཕུགས་ཕན་ལམ་སྲོལ་བཙུགས་ནས་རིམ་པ་མཐོ་བ་དང་ཁྱབ་ཁོངས་ཡངས་བའི་ཁ་གཏད་རོགས་སྐྱོར་ལས་དོན་སྤེལ་རྒྱུ་རེད།ངོ་སྤྲོད་བྱས་པར་གཞིགས་ན། ཁ་གཏད་རོགས་སྐྱོར་གྱི་ལས་དོན་དེ་རིག་གཞུང་ཚན་ཁག་གི་ཁྱབ་ཁོངས་ལེགས་སུ་གཏང་རྒྱུ་དང་། ཚན་རིག་ཞིབ་འཇུག་ལས་དོན་ལ་མཐུན་སྦྱོར་བྱ་རྒྱུ། མཉམ་འབྲེལ་གྱིས་སློབ་མ་གསོ་སྐྱོང་བྱ་རྒྱུ། ལས་བྱེད་པའི་བར་སྤེལ་རེས་དང་སྦྱོང་བརྡར་བྱ་རྒྱུ་སོགས་ཕྱོགས་མང་པོ་དང་འབྲེལ་བ་ཡོད་ཅིང་། ཀྲུང་གོ་མི་དམངས་སློབ་ཆེན་གྱིས་ཁ་གཏད་རོགས་སྐྱོར་བྱེད་སྟངས་གསར་གཏོད་ཧུར་ཐག་བྱེད་པ་དང་།“དྲ་སྦྲེལ+”གྱི་འདུ་ཤེས་འཚོལ་ཞིབ་བྱེད་པ། དྲ་རྒྱའི་ཆ་འཕྲིན་ལག་རྩལ་གཞི་རྟེན་དུ་བྱས་ཏེ་མཐོ་སློབ་ལ་རོགས་སྐྱོར་བྱེད་པའི་སྤུལ་ལེགས་ཀྱི་ཚན་རིག་ཞིབ་འཇུག་ཐོན་ཁུངས་དེ་རོགས་སྐྱོར་ཐོབ་མཁན་མཐོ་སློབ་དང་དངོས་སུ་མཉམ་སྤྱོད་ཐུབ་རྒྱུར་སྐུལ་འདེད་གཏོང་བ་བཅས་ཀྱི་ཐོག་ནས་ཕྱོགས་གཉིས་ཀྱི་དགེ་སློབ་བར་སྤེལ་རེས་དང་མཉམ་འགུལ་གྱི་གསོན་ཤུགས་གསར་པ་འཕེལ་བ་བྱ་རྒྱུ་རེད།།