ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཉེ་ལམ། ཀྲུང་གུང་ཀྲུང་དབྱང་གཞུང་སྒྲུབ་ཐིན་གྱིས«ཚན་རིག་མཐུན་ཚོགས་ཁོངས་གཏོགས་ཀྱི་བཅོས་སྒྱུར་ཟབ་སྤེལ་ལག་བསྟར་ཇུས་གཞི»དཔར་ནས་བཀྲམ་པར་མ་ཟད་བརྡ་ཐོ་བཏང་སྟེ་ས་གནས་སོ་སོ་དང་སྡེ་ཁག་སོ་སོས་དོན་དངོས་དང་སྦྲེལ་ཏེ་ལག་ལེན་མཐར་ཕྱིན་བྱེད་དགོས་པའི་རེ་བ་བཏོན།

«ལག་བསྟར་ཇུས་གཞི»ནི་ཀྲུང་དབྱང་བཅོས་སྒྱུར་ཁྱོན་ཡོངས་ནས་ཟབ་སྤེལ་བྱེད་པའི་སྤྱིའི་བཀོད་སྒྲིག་དང་ཀྲུང་གུང་ཀྲུང་དབྱང་གི་ཏང་གི་མང་ཚོགས་དང་ཚོགས་པའི་བྱ་བ་གཙིགས་འཛིན་དང་ལེགས་བཅོས་བྱེད་པའི་སྐོར་གྱི་བསམ་འཆར་གྱི་རེ་བ་ལྟར། ཚན་རིག་མཐུན་ཚོགས་ཁོངས་གཏོགས་ཀྱི་བཅོས་སྒྱུར་ཟབ་སྤེལ་བྱེད་པར་གཏན་ལ་ཕབ།

«ལག་བསྟར་ཇུས་གཞི»ལས་ཚན་རྩལ་བྱ་བ་སྒྲུབ་མཁན་ལ་འབྲེལ་འདྲིས་དང་ཞབས་ཕྱི་སྒྲུབ་པའི་སྒྲིག་གཞི་དང་ལམ་ལུགས་བཅོས་སྒྱུར་བྱེད་དགོས་ལ། སྒྲིག་གཞི་དང་ལམ་ལུགས་ཀྱི་ཐད་ནས་ཚན་རྩལ་བྱ་བ་སྒྲུབ་མཁན་དང་ཚན་རིག་མཐུན་ཚོགས་རྩ་འཛུགས་ལ་འབྲེལ་འདྲིས་བཟང་བོ་མི་བྱེད་པའི་གནད་དོན་ཐག་གཅོད་བྱས་ནས། ཏང་དང་སྲིད་གཞུང་གིས་ཚན་རྩལ་བྱ་བ་སྒྲུབ་མཁན་ལ་འབྲེལ་འདྲིས་བྱེད་པའི་ནུས་པ་འདོན་སྤེལ་བཟང་བོ་བྱེད་དགོས་པ་གཏན་ལ་ཕབ།  །