ཞིན་ཧྭ་གསར་འགྱུར་ཁང་པེ་ཅིན་ནས་ཟླ3པའི་ཚེས16ཉིན་འབྱོར་བའི་གཏམ་གསར།སློབ་གསོ་པུའུ་ནས་ཤེས་རྟོགས་བྱུང་དོན།རྒྱལ་ཁབ་ཀྱི་ཐུན་མོང་དུ་སྤྱོད་པའི་སྐད་ཡིད་ཚད་དང་མཐུན་པའི་སྒོ་ནས་བེད་སྤྱོད་བྱས་པ་དང་ཚན་རིག་དང་མཐུན་པའི་སྒོ་ནས་མི་རིགས་སོ་སོའི་སྐད་དང་ཡི་གེར་སྲུང་སྐྱོང་བྱེད་པའི་ཆེད་དུ།རང་རྒྱལ་གྱིས2005ལོར་ཀྲུང་གོའི་སྐད་ཡིག་གི་ཐོན་ཁུངས་སྲུང་སྐྱོང་གི་ལས་གྲྭ་སྤེལ་འགོ་བཙུགས་ཤིང་།མིག་སྔར་འཆར་གཞི་ལྟར་གྲངས་ཉུང་མི་རིགས་ཀྱི་སྐད་ཡིག་བརྟག་དཔྱད་བྱེད་གནས81དང་རྒྱ་སྐད་ཀྱི་ཡུལ་སྐད53གྱི་བརྟག་དཔྱད་བྱེད་གནས།སྐད་ཡིག་རིག་གནས32ཀྱི་བརྟག་དཔྱད་བྱེད་གནས་བཅས་ཀྱི་ལས་འགན་གྲུབ་པ་རེད།
　　ངོ་སྤྲོད་བྱས་པར་གཞིགས་ན།སློབ་གསོ་པུའུ་དང་རྒྱལ་ཁབ་སྐད་ཡིག་ཨུ་ལྷན་གྱིས2015ལོའི་ཟླ5པར《ཀྲུང་གོའི་སྐད་ཡིག་གི་ཐོན་ཁུངས་སྲུང་སྐྱོང་གི་ལས་གྲྭ་འགོ་ཚུགས་པའི་སྐོར་གྱི་བརྡ་ཁྱབ》དཔར་འགྲེམ་བྱས་ནས།རྒྱལ་ཡོངས་སུ་སྐད་ཡིག་གི་ཐོན་ཁུངས་ལ་བརྟག་དཔྱད་དང་སྲུང་འཛིན།འགྲེམ་སྟོན་དང་གསར་འབྱེད་བཀོལ་སྤྱོད་སོགས་གཙོ་བོར་བྱེད་པའི་ལས་འགན་ཁག་སྤེལ་བ་རེད།ལས་གྲྭ་འདིའི་དམིགས་ཡུལ་ནི་གཅིག་གྱུར་གྱི་ལས་ཀ་དང་ལག་རྩལ་གྱི་ཚད་གཞི་ལྟར་སྐད་ཡིག་དང་ཡུལ་སྐད་ལ་བརྟག་དཔྱད་དང་འཚོལ་ཞིབ་ཐོ་འགོད།ལས་སྣོན་དང་ལེགས་སྒྲིག་བཅས་བྱས་ནས།གཞི་ཁྱོན་ཆེ་བ་དང་རྒྱུན་མཐུད་འཕར་བའི་སྨྱན་མང་གི་སྐད་ཡིག་ཐོན་ཁུངས་བང་མཛོད་སྐྲུན་ཐུབ་པ་བྱེད་དགོས་ལ།དེར་ཚན་རིག་གི་རང་བཞིན་དང་ཚད་མཐུན་གྱི་རང་བཞིན་ལྡན།
　　འཆར་གཞི་ལྟར་སྐད་ཡིག་སྲུང་སྐྱོང་གི་ལས་གྲྭ་འདི་ལོ་ལྔའི་ནང་དུ་བསྐྲུན་ཚར་བ་བྱ་རྒྱུ།