ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ3པའི་ཚེས27ཉིན་འབྱོར་བའི་གཏམ་གསར། 2016ལོ་ནི་ཀྲུང་གོའི་བོད་ལྗོངས་ཀྱི་ཞིང་བྲན་ལམ་ལུགས་འདོར་བའི་ལོ་ངོ57པ་ཡིན་ལ། བོད་ལྗོངས་ཀྱི་ཞིང་བྲན་ཁྲི་ཚོ་བརྒྱ་བཅིངས་འགྲོལ་ཐོབ་པར་དྲན་བསུ་ཞུས་པའི་ལོ་བརྒྱད་པ་ཡང་ཡིན། གལ་ཆེན་གྱི་དུས་སྐབས་དེར་དྲན་བསུ་ཞུ་ཆེད། ཀྲུང་དབྱང་གསར་འགྱུར་དངོས་པར་གློག་བརྙན་བཟོ་གྲྭས（ཚོགས་པ）གསལ་ཆ་ཆེ་བའི་ལེའུ་གཉིས་ཅན་གྱི་དངོས་པར་གློག་བརྙན《ཞིང་བྲན་ལམ་ལུགས་འདོར་བ》ཞེས་པ་དེ་བཟོ་སྐྲུན་ལེགས་འགྲུབ་བྱས་ཏེ་ཟླ་བ3པའི་ཚེས25དང26ཉིན་གཉིས་སུ་ཀྲུང་དབྱང་བརྙན་འཕྲིན་ཁང་གི་རྒྱལ་སྤྱིའི་འཕྲིན་ལམ་དུ་བཏང་བ་རེད།《ཞིང་བྲན་ལམ་ལུགས་འདོར་བ》ཞེས་པར་ཤུགས་ཆེན་པོས་བོད་ལྗོངས་ཀྱི་ཞིབ་བྲན་ཁྲི་ཚོ་བརྒྱ་བཅིངས་འགྲོལ་ཐོབ་པའི་དུས་རབས་ཉེར་གཅིག་པའི་མིའི་རིགས་ཀྱི་འཕེལ་རྒྱས་གཏོང་བའི་ལོ་རྒྱུས་ཐོག་གི་རླབས་ཆེན་གྱི་ལོ་རྒྱུས་མཚོན་ཡོད། བོད་ལྗོངས་ཞིང་བྲན་ལམ་ལུགས་ཀྱི་འབྱུང་ཁུངས་དང་ཞིང་བྲན་ལམ་ལུགས་ཀྱི་མུན་ནག་དང་གདུག་རྩུབ་བཤད་པར་བརྒྱུད། བོད་ལྗོངས་ཀྱི་ཞིང་བྲན་ལམ་ལུགས་འདོར་བའི་ལས་འགུལ་དེས་བོད་ལྗོངས་དང་བོད་ལྗོངས་སྤུན་ཟླ། འཛམ་བུ་གླིང་གི་མིའི་ཐོབ་ཐང་གི་བྱ་གཞག་འཕེལ་རྒྱས་གཏོང་བར་བཏོན་པའི་གལ་ཆེའི་རང་བཞིན་བཤད་ཡོད། དུས་མཚུངས་སུ་བོད་ལྗོངས་གསར་པ་གོང་འཕེལ་ཡར་ཐོན་ཡོང་བར་མཚོན་ཡོད། ལེའུ་གཉིས་ཅན་གྱི་དངོས་པར་གློག་བརྙན་དེ་ཟླ་བ3པའི་ཚེས28ཉིན་གྱི་ཕྱི་དྲོའི་ཚུ་ཚོད20ཐོག་ཀྲུང་དབྱང་བརྙན་འཕྲིན་ཁང་གི་ཕྱོགས་བསྡུས་འཕྲིན་ལམ་དུ་ཡང་བསྐྱར་གཏང་རྒྱུ་རེད།