རང་སྐྱོང་ལྗོངས་རིག་གནས་ཐིང་གི་འབྲེལ་ཡོད་འགན་འཁུར་བས་བོད་སྐད་ཐོན་ཁུངས་འཛུགས་སྐྱོང་ལྟེ་གནས་རང་ལྗོངས་སུ་བཙུགས་པ་དེས་ཕུལ་བྱུང་རིག་གནས་ཐོན་ཁུངས་ཀྱི་བོད་སྐད་སྒྱུར་བཟོ་དང་།མཁོ་སྤྲོད།བསྡུ་སྒྲིལ་བཅས་ཀྱི་ཐད་ས་གནས་ཀྱི་ཁྱད་ཆོས་ལྡན་པའི་བོད་སྐད་ཐོན་ཁུངས་མཛོད་ཆགས་པ་དང་སྤྱི་པའི་གྲངས་འཛིན་རིག་གནས་འཛུགས་སྐྱོང་ལ་སྐུལ་འདེད་གཏོང་རྒྱུར་དོན་སྙིང་ཧ་ཅང་ཆེན་པོ་ལྡན་ཡོད།གོམ་སྟབས་རྗེས་མར་རང་ལྗོངས་ཀྱིས་བོད་སྐད་ཐོན་ཁུངས་སྒྱུར་བཟོའི་ལས་དོན་སྤེལ་ཤུགས་སྔར་བས་ཆེ་རུ་བཏང་ནས་མཉམ་སྤྱོད་འདུ་འགོད་ཀྱི་གྲངས་འཛིན་ཐོན་ཁུངས་ཀྱི་ནང་དོན་རྒྱ་ཆེར་བཏང་ཐོག་རྒྱ་ཆེའི་མི་དམངས་མང་ཚོགས་ལ་མཐོང་ཐུབ་པ་དང་།ཉན་ཐུབ་པ།སྤྱོད་གོ་ཆོད་པ་བཅས་ཀྱི་ལྟ་འདོད་ཅིང་ཉན་སྤྲོ་བའི་སྣ་མང་ཕུན་སུམ་ཚོགས་པའི་གྲངས་འཛིན་རིག་གནས་ཀྱི་ཞབས་ཞུ་བྱ་རྒྱུ་རེད་ཅེས་བཤད་པ་རེད།སྒོ་བྱང་བཀལ་བའི་མཛད་སྒོའི་ཐོག་རྒྱལ་སའི་དཔེ་མཛོད་ཁང་དང་ཧྲན་ཏུང་ཞིང་ཆེན་གྱི་དཔེ་མཛོད་ཁང་སོགས་ཚན་པས་རང་ལྗོངས་ལ་སྒོར་ཁྲི་130རི་བའི་དཔེ་དེབ་དང་སྒྲིག་ཆས་ཞལ་འདེབས་སུ་ཕུལ་བ་རེད།