སྤྱི་ཟླ1པའི་ཚེས29ཉིན། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི།རྒྱལ་ཁབ་ཀྱི་ཀྲུའུ་ཞི།ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་ཞི་ཅིན་ཕིང་གིས་མི་དམངས་ཚོགས་ཁང་ཆེན་མོའི་ནང་དམངས་གཙོ་ཏང་ཁག་སོ་སོའི་ཀྲུང་དབྱང་དང་རྒྱལ་ཡོངས་བཟོ་ཚོང་མཉམ་འབྲེལ་ལྷན་ཚོགས་ཀྱི་འགན་ཁུར་མི་སྣ།ཏང་ཁག་གང་ལའང་མི་གཏོགས་པའི་འཐུས་ཚབ་པ་ཚོ་དང་ལྷན་དུ་འཛོམས་ནས་ལུགས་རྙིང་ལོ་སར་བསུས།ཞི་ཅིན་ཕིང་གིས་ཀྲུང་གུང་ཀྲུང་དབྱང་གི་ཚབ་མཛད་དེ་དམངས་གཙོ་ཏང་ཁག་སོ་སོ་དང་བཟོ་ཚོང་མཉམ་འབྲེལ།ཏང་ཁག་གང་ལའང་མི་གཏོགས་པའི་མི་སྣ།འཐབ་ཕྱོགས་གཅིག་གྱུར་གྱི་རྒྱ་ཆེའི་ཁོངས་མི་བཅས་ལ་ལོ་སར་གྱི་འཚམས་འདྲི་དང་ལྷད་མེད་ཀྱི་སྨོན་འདུན་ཞུས།
　　ཞི་ཅིན་ཕིང་གིས་ད་ལོ་ནི་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པར་རྒྱལ་ཁ་ཐག་གཅོད་བྱེད་པ་འགོ་བརྩམས་པའི་ལོ་རེད།འགོ་ལེགས་པོར་བརྩམ་པར་རྡོག་རྩ་གཅིག་སྒྲིལ་དང་མཐུན་སྒྲིལ་ཧུར་བརྩོན་ལ་འབྲེལ་བ་དམ་པོ་ཡོད་པ་རེད།ང་ཚོར་བགྲོད་ལམ་དང་ཁ་ཕྱོགས།དམིགས་འབེན་ཐད་ནས་གཅིག་མཐུན་གྱི་འདུ་ཤེས་ཆགས་དགོས།བསམ་བློ་དང་བྱ་སྤྱོད་ཀྲུང་གུང་ཀྲུང་དབྱང་གི་གྲོད་ཆོད་བཀོད་སྒྲིག་དང་ལོ་ལྔའི་འཆར་ཞི་བཅུ་གསུམ་གྱི་འཕེལ་རྒྱས།གསར་གཏོར་དང་མཐུན་སྦྱོར།ལྗང་མདོགསྒོ་འབྱེད།མཉམ་སྤྱོད་བཅས་ཀྱི་འཕེལ་རྒྱས་འདུ་ཤེས་སྟེང་གཅིག་ཏུ་སྒྲིལ་ཏེ་སྙིང་སྟོབས་ཀྱི་ནང་སྙིང་ལ་ངོས་འཛིན་དང་དགོངས་དོན་གྱི་དཀྱིལ་སྙིང་ལ་ཚོད་འཛིན།གཏིང་ཟབ་པའི་ཞིབ་འཇུག་བརྟག་དཔྱད་བྱས་ཏེ་དོན་དངོས་དང་མཐུན་པའི་བསམ་འཆར་འདོན་དགོས་ཞེས་བསྟན།།