སྤྱི་ཟླ1པོའི་ཚེས30དང་ཚེས31ཉིན། ཉི་ཧོང་བོད་ཀྱི་རྩོམ་རིག་ཞིབ་འཇུག་ཚོགས་པས་བོད་ཀྱི་རྩོམ་རིག་དང་གློག་བརྙན་བཟོ་བསྐྲུན་གྱི་གནས་བབ་ཅེས་པའི་གླེང་སྟེགས་དང་གློག་བརྙན་གཟིགས་འབུལ་གྱི་བྱེད་སྒོ་ལོ་རྒྱུས་ལྡན་པ་ཞིག་སྤེལ་བ་རུ། སྙན་ངག་པ་དང་གློག་བརྙན་འཁྲབ་འཁྲིད་པ་སྐུ་ཞབས་ལྗང་བུ་དང་། ཀྲུང་དབྱང་མི་རིཊ་སློབ་ཆེན་གྱི་དགེ་རྒན་བཀྲ་བྷ། བོད་ཀྱི་གཅེས་ཕྲུག་ཅེས་པའི་རྩོམ་པ་པོ་སྐུ་ཞབས་ལྷ་བྱམས་རྒྱལ་བཅས་བོད་ཀྱི་རྩོམ་རིག་སྒྱུ་རྩལ་གྱི་འཐུས་ཚབ་གསུམ་ཉི་ཧོང་ཐོའོ་ཁེའོ་རུ་གདན་འདྲེན་གྱིས། ཉི་ཧོང་བོད་ཀྱི་རྩོམ་རིག་ཞིབ་འཇུག་ཚོགས་པའི་བསྟི་གནས་སམ་གཙོ་འགན་བཞེས་མཁན་དགེ་རྒན་འཆི་མེད་ལས་བཞུགས་ཀྱི་ཐོའོ་ཁེའོ་ཕྱི་སྐད་སློབ་ཆེན་ནས་གླེང་སྟེགས་འདི་འདྲ་ཞིག་སྤེལ་བ་ནི། བོད་ཀྱི་རྩོམ་པ་པོ་གདན་འདྲེན་བྱས་པའི་གླེང་སྟེགས་ཐོག་མ་དེ་ཡིན། ཁོ་ཚོས་ཉི་ཧོང་གི་ཞིབ་འཇུག་པའི་ཚོགས་དང་རྩོམ་བསྒྱུར་བ་དག་དང་བགྲོ་གླེང་སྟུག་པོ་བྱས་པས། བོད་དང་བོད་ཀྱི་རྩོམ་རིག་ལ་དུངས་པའི་ལྷན་རྒྱས་ཚོས་བསོད་བདེ་ཆེན་པོའི་དུས་ཚོད་ཅིག་རོལ་ཐུབ་པ་བྱུང་སོང་།