དགུན་དུས་ནི་ཞིང་ལས་དལ་བའི་དུས་ཚོད་ཡིན་པས་སྔོན་མར་བོད་ལྗོངས་ཀྱི་ཞིང་པ་ཚོར་ཆ་བཞག་ནས་བཤད་ན་ཆེས་དལ་ཁམ་གྱི་དུས་ཚོད་ཡིན་པ་རེད། འོན་ཀྱང་དེང་སང་སྲོལ་རྒྱུན་དེར་རིམ་བཞིན་འཕོ་འགྱུར་བྱུང་དང་འབྱུང་བཞིན་ཡོད་པ་རེད། ཏང་གི་དམངས་ཕན་སྲིད་ཇུས་རབ་དང་རིམ་པ་ལག་ལེན་བསྟར་ནས་བོད་ལྗོངས་ཀྱི་ས་གནས་སོ་སོའི་ཞིང་འབྲོག་མང་ཚོགས་ཀྱིས་ཞིང་ལས་དལ་བའི་དུས་ཚོད་དེ་ཞིང་ལས་ལ་བྲེལ་བའི་དུས་སུ་གྱུར་པར་བརྟེན། ཞིང་འབྲོག་པ་མང་ཚོགས་ཀྱིས་ཞིང་ལས་དལ་བའི་དུས་ཚོད་བེད་སྤྱོད་བྱས་ཏེ་ལག་རྩལ་སྦྱོང་བ་དང་ཚོང་རའི་ཚོང་ལམ་བཙལ་བ། མི་ཚང་མས་ཚོང་རའི་ཐོག་རང་ཉིད་ཀྱིས་ཐོན་སྐྱེད་བྱས་པའི་ཁྱད་ཆོས་ལྡན་པའི་ཐོན་རྫས་བཙོངས་ཏེ་ཡོང་འབབ་འཕར་སྣོན་གཏོང་བ་དང་། ལས་ལ་བརྩོན་ནས་ཕྱུག་གྱུར་གྱི་སྨོན་འདུན་མངོན་འགྱུར་བྱེད་གང་ཐུབ་བྱེད་བཞིན་ཡོད་པ་རེད།