ཝང་ཏུང་མིང་གིས་གསུང་བཤད་གནང་།ཁོ་ཙུན་ཕིང་གིས་གཙོ་འགན་བཞེས་ཤིང་གསུང་བཤད་གནང་།དབྱི་ལི་གྲོས་ཚོགས་སུ་ཞུགས།
ཟླ་བ་དང་པོའི་ཚེས27ཉིན། ཞིང་ཆེན་སྲིད་གྲོས་ཀྱི་སྐབས་བཅུ་གཅིག་པའི་གྲོས་ཚོགས་ཐེངས་བཞི་པའི་གྲོས་རིམ་ཁག་བདེ་བླག་ངང་གྲུབ་ནས་ཁྲེང་ཏུའུ་རུ་མཇུག་བསྒྲིལ་བ་རེད། ཞིང་ཆེན་ཏང་ཨུའི་ཧྲུའུ་ཅི་ཝང་ཏུང་མིང་མཇུག་བསྒྲིལ་ཚོགས་ཆེན་དུ་ཞུགས་ཤིང་གསུང་བཤད་གནང་། ཞིང་ཆེན་སྲིད་གྲོས་ཀྱི་ཀྲུའུ་ཞི་ཁོ་ཙུན་ཕིང་གིས་གཙོ་འགན་བཞེས་ཤིང་གསུང་བཤད་གནང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ།ལས་ཚབ་ཞིང་དཔོན་དབྱི་ལི་གྲོས་ཚོགས་སུ་ཞུགས་ཤིང་ཀྲུའུ་ཞི་སྟེགས་བུར་བཞུགས།མཇུག་བསྒྲིལ་ཚོགས་ཆེན་མ་འཚོག་སྔོན་དུ་འདེམས་བསྐོ་ཚོགས་ཆེན་འཚོགས་ཏེ་ལི་ཏིང་ཅུས་དང་ཁྲེན་ཝུན་ཧྭ། ཐང་ཅན་བཅས་ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པར་གསབ་འདེམས་བྱས་ཤིང་། ཝང་ཅན་ཅུན་ཞིང་ཆེན་སྲིད་གྲོས་ཀྱི་དྲུང་ཡིག་ཆེན་མོ་དང་ཝང་ཧའེ་ལིན་སོགས་ཨུ་ཡོན17ཞིང་ཆེན་སྲིད་གྲོས་ཀྱི་རྒྱུན་ཨུར་གསབ་འདེམས་བྱས་པ་རེད།ཚོགས་ཆེན་གྱི་ལག་བསྟར་ཀྲུའུ་ཞི་ནི་ཁོ་ཙུན་ཕིང་དང་ལི་ཏིང་ཅུས། ཁྲེན་ཝུན་ཧྭ། ཀྲང་ཡུས་ཏུང་། ཀའོ་ཧྥེང་། ཀྲའེ་ཀྲན་དབྱི། ཝང་ཀྲེན་རུང་། ཀྲའོ་ཀྲེང་ཞན། ནོར་བུ་རྒྱལ་མཚན། ཁྲེན་ཧྥང་། ཐང་ཅན། ཝང་ཅན་ཅུན་བཅས་རེད།ཚོགས་ཆེན་ཐོག་ཞིང་ཆེན་སྲིད་གྲོས་ཀྱི་སྐབས་བཅུ་གཅིག་པའི་གྲོས་ཚོགས་ཐེངས་བཞི་པའི་གྲོས་གཞིར་ཞིབ་བཤེར་བྱས་ཚུལ་གྱི་སྙན་སེང་དང་ཞིང་ཆེན་སྲིད་གྲོས་ཀྱི་སྐབས་བཅུ་གཅིག་པའི་གྲོས་ཚོགས་ཐེངས་བཞི་པའི་གྲོས་ཆོད་ལ་གྲོས་འཆམ་བྱུང་བ་རེད།ཝང་ཏུང་མིང་གིས་བསྟན་དོན། ལོ་ལྔའི་འཆར་གཞི་བཅུ་གསུམ་པའི་འཆར་འགོད་དོན་འཁྱོལ་མཐར་ཕྱིན་བྱེད་པ་དང་སི་ཁྲོན་གྱི་ལོ་ལྔའི་འཆར་གཞི་བཅུ་གསུམ་པའི་དུས་རིམ་གྱི་འཕེལ་རྒྱས་ལ་སྐུལ་འདེད་གཏང་དགོས་ན། ངེས་པར་དུ་སྲ་བརྟན་འགྱུར་མེད་ཀྱིས་འཕེལ་རྒྱས་ཀྱི་འདུ་ཤེས་ཆེན་པོ་ལྔ་ཡིས་སི་ཁྲོན་འཕེལ་རྒྱས་གཏོང་བའི་ལག་ལེན་ལ་སྣེ་ཁྲིད་བྱས་ཏེ་དེ་ཉིད་ཁོང་དུ་དམ་པོར་ཆུད་དགོས་ངེས་དང་ཡུན་རིང་རྒྱུན་འཁྱོངས་བྱ་དགོས་པའི་བསྲུང་བྱ་གལ་ཆེན་དུ་བྱེད་ཅིང་། གསར་སྐྲུན་འཕེལ་རྒྱས་བརྒྱུད་ནས་འཕེལ་རྒྱས་ཀྱི་སྒུལ་ཤུགས་ཀྱི་གནད་དོན་ཐག་གཅོད་པ་དང་། མཐུན་སྦྱོར་འཕེལ་རྒྱས་བརྒྱུད་ནས་འཕེལ་རྒྱས་དོ་སྙོམས་མིན་པའི་གནད་དོན་ཐག་གཅོད་པ། ལྗང་མདོག་འཕེལ་རྒྱས་བརྒྱུད་ནས་མི་དང་རང་བྱུང་ཁམས་ཞི་མཐུན་གྱི་གནད་དོན་ཐག་གཅོད་པ། སྒོ་འབྱེད་འཕེལ་རྒྱས་བརྒྱུད་ནས་འཕེལ་རྒྱས་ཀྱི་ཕྱི་ནང་མཉམ་འགུལ་གྱི་གནད་དོན་ཐག་གཅོད་པ། མཉམ་སྤྱོད་འཕེལ་རྒྱས་བརྒྱུད་ནས་སྤྱི་ཚོགས་དྲང་སྙོམས་དྲང་གཞག་གི་གནད་དོན་ཐག་གཅོད་བྱེད་པ་བཅས་བྱས་ཏེ་དངོས་གནས་དྲང་གནས་སྔོན་ཐོན་གྱི་འདུ་ཤེས་དེ་དོ་དོ་དན་དན་གྱི་འཕེལ་རྒྱས་བྱ་སྤྱོད་དུ་བསྒྱུ་དགོས།ཝང་ཏུང་མིང་གིས་ནན་གསུང་གནང་དོན། ཞིང་ཆེན་ཡོངས་ཀྱི་རིམ་ཁག་སྲིད་གྲོས་རྩ་འཛུགས་ཀྱིས་ཤེས་ལྡན་མི་སྣ་དང་བློ་རིག་འཛོམས་ཤིང་འབྲེལ་བ་རྒྱ་ཆེ་བའི་ཐུན་མིན་གྱི་ལེགས་ཆ་འདོན་སྤེལ་གང་ལེགས་བྱས་ཏེ་མཐུན་སྦྱོར་ངང་ཁྱོན་ཡོངས་བཞིའི་འཐབ་ཇུས་བཀོད་སྒྲིག་དོན་འཁྱོལ་ཡོང་བའི་བར་འབྲེལ་བ་དམ་ཟབ་བྱ་རྒྱུ་དང་། འབྲེལ་བ་མཐུན་སྦྱོར་བྱེད་པ་དང་སྟོབས་ཤུགས་གཅིག་སྒྲིལ། ཐབས་འདོན་ཇུས་འདོན་བཅས་ཀྱི་ནུས་པ་གལ་ཆེན་འདོན་སྤེལ་དང་། ཐུན་མོང་ངང་གསར་སྐྲུན་གྱི་བློ་རིག་དང་ནུས་ཤུགས། གནས་བབ་བཅས་གཅིག་སྡོམ་བྱས་ཏེ་སི་ཁྲོན་གྱི་བཅོས་བསྒྱུར་དང་འཕེལ་རྒྱས། བརྟན་བརླིང་བཅས་ཀྱི་ཐད་བྱས་རྗེས་གསར་པ་གཞག་དགོས།ཁོ་ཙུན་ཕིང་གིས་ཞིང་ཆེན་ཡོངས་ཀྱི་སྲིད་གྲོས་ཀྱི་རིམ་ཁག་རྩ་འཛུགས་དང་ཞུགས་མཁན་ལས་ཁུངས། རྒྱ་ཆེ་བའི་ཨུ་ཡོན་བཅས་ཀྱིས་རིགས་གཞུང་གསར་པ་སློབ་སྦྱོང་དང་འདུ་ཤེས་གསར་པ་ལག་ལེན། འཇོན་ནུས་གསར་པ་ཁོང་དུ་ཆུད་པ། སྤྱོད་ཚུལ་གསར་པ་སྤེལ་བ་བཅས་བྱས་ཏེ་རྒྱུན་ཆད་མེད་པར་སྲིད་གྲོས་བྱ་གཞག་གི་རྣམ་པ་གསར་པ་གཏོད་དགོས་པའི་ཐུགས་རེ་གནང་བ་རེད།