ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ7པའིཚེས2ཉིན་འབྱོར་བའི་གཏམ་གསར། དམངས་སྲིད་པུའུའི་དྲྭ་ཚུགས་ནས་གོང་ཚེས་ཉིན་ཆ་འཕྲིན་བསྒྲགས་དོན། མིག་སྔ་ནི་ཆུ་རྒྱས་པའི་དུས་སྐབས་ཡིན་པས་དྲག་ཆར་གྱིས་ཆུ་ལོག་དང་ཞོད་སྐྱོན། རི་ཉིལ་བ། འདམ་རུད། རླུང་འཚུབ་དྲག་པོ་བཅས་རང་བྱུང་གི་གནོད་སྐྱོན་ཤོར་ཚུལ་ཛ་དྲག་པོ་ཡིན་སྟབས། དམངས་སྲིད་པུའུ་ཡིས་ས་གནས་ཁག་གི་དམངས་སྲིད་སྡེ་ཁག་ལ་སྔར་ལྷག་གིས་གནོད་སྐྱོབ་ལས་ཀར་བཀོད་སྒྲིག་ཡག་པོ་བྱེད་དགོས་པའི་བྲེལ་མྱུར་གྱིས་བརྡ་སྦྱོར་བཏང་བ་རེད།
      བརྡ་ཐོའི་ཐོག་སྟོན་རྒྱུར། ས་གནས་སོ་སོའི་དམངས་སྲིད་སྡེ་ཁག་གིས་རང་རང་སོ་སོའི་ས་གནས་ཀྱི་གནོད་སྐྱོབ་བྱེད་པའི་བབ་བསྟུན་སྔོན་འགོག་གི་ཇུས་གཞིའི་བླང་བྱ་ལྟར་གནོད་སྐྱོན་གྱོ ང་གུད་ཕོག་པའི་གྲངས་ཀ་དེ་དང་ལེན་བྱེད་པའི་རིམ་པ་ལ་ཐོན་པ་ཡིན་ན་དུས་ཐོག་ཏུ་གནོད་སྐྱོབ་བབ་བསྟུན་གྱི་འཆར་འགོད་ལག་བསྟར་བྱེད་དགོས་ལ། ལས་སྒྲུབ་ཚོ་ཆུང་དུས་ཐོག་མར་གནོད་སྐྱོབ་ཐེབས་ཁུལ་དུ་མངག་དགོས་པ་དང་། དུས་ཚོད་དམ་འཛིན་བྱས་ནས་གནོད་སྐྱོབ་དངོས་པོ་སྤྲོད་རྒྱུར་ལེགས་སྒྲིག་དང་སྐྱེལ་འདྲེན་བྱེད་དགོས།  གནོད་སྐྱོབ་བབ་བསྟུན་གྱི་མ་རྩ་མཐུན་སྦྱོར་བྱས་ཏེ་གཏོང་དགོས།  ནན་ཏན་གྱིས་གནོད་སྐྱོན་ཐེབས་པའི་མང་ཚོགས་ཀྱི་འཚོ་བ་རོགས་སྐྱོབ་བྱེད་པའི་ལས་ཀ་སྤེལ་ཏེ། གནོད་སྐྱོན་ཐེབས་པའི་མང་ཚོགས་ལ་ཟ་རྒྱུ་ཡོད་པ་དང་གྱོན་རྒྱུ་ཡོད་པ། དུས་ཐོག་ཏུ་སྡོད་ས་བདེ་འཇགས་ཡོད་པ། ཆུ་གཙང་མ་འཐུང་རྒྱུ་ཡོད་པ། སྨན་བཅོས་ཞབས་ཞུ་ཡོད་པ་བཅས་ཁག་ཐེག་བྱས་ཏེ་གནོད་སྐྱོན་ཐེབས་ཁུལ་གྱི་སྤྱི་ཚོགས་སྒྲིག་ལམ་ལ་སྲུང་སྐྱོང་བྱེད་གང་ཐུབ་བྱེད་དགོས། ས་གནས་དེ་གའི་གནོད་སྐྱོབ་ལས་ཀའི་དོན་དངོས་དང་འབྲེལ་ནས་ཏན་ཏིག་གིས་འཚོ་བའི་རིགས་ཀྱི་གནོད་སྐྱོབ་དངོས་པོའི་ཅ་ལག་གསོག་འཇོག་དང་གན་རྒྱ་གསོག་འཇོག་གི་ལས་ཀ་ལེགས་པོ་སྒྲུབ་དགོས། ས་གནས་དེ་གའི་འགྲིམ་འགྲུལ་དང་ལྕགས་ལམ་སོགས་སྡེ་ཁག་བར་དང་བབ་བསྟུན་གྱི་མཉམ་འགུལ་བྱེད་ཤུགས་ཆེ་རུ་བཏང་སྟེ། གནོད་སྐྱོབ་དངོས་རྫས་མགྱོ གས་ཤིང་ཉེན་མེད་ངང་གནོད་ཐེབས་ཁུལ་དུ་སྐྱེལ་བར་ཁག་ཐེག་བྱེད་དགོས།