2015ལོའི་ཟླ་བ10པའི་ཚེས26ཉིན། ཞིང་ལས་ཐོན་སྐྱེད་ཀྱི་འཕེལ་རིམ་ཧྲིལ་པོ་འཕྲུལ་ཆས་ཅན་དུ་ཡོང་བར་སྐུལ་འདེད་གཏང་རྒྱུས་བརྗོད་བྱ་གཙོ་བོར་བྱས་པའི2015ལོའི་ཀྲུང་གོའི་རྒྱལ་སྤྱིའི་ཞིང་ལས་འཕྲུལ་ཆས་ཀྱི་འགྲེམ་སྟོན་ཚོགས་འདུ་དེ་ཧྲན་ཏུང་ཅི་མོའི་ཆིན་ཏའོ་ཡི་རྒྱལ་སྤྱིའི་འགྲེམ་སྟོན་ལྟེ་གནས་སུ་འཚོག་འགོ་བཙུགས། སྐབས་དེའི་ཞིང་ལས་འཕྲུལ་ཆས་འགྲེམ་སྟོན་བྱེད་པར་རྒྱལ་ཁབ20ནས་ཡོང་བའི་ཞིང་ལས་འཕྲུལ་ཆས་ཀྱི་བཟོ་སྐྲུན་ཚོང་པས་ཞུགས་པར་འགུགས་ཡོད་ཅིང་། འགྲེམ་སྟོན་ནང་རིམ་གྲས་ཆེ་ཞིང་ཕྱོགས་བསྡུས་ཅན་དང་། འདྲུད་འཐེན་འཁོར་ལོ་དང་བརྔ་བསྡུའི་འཕྲུལ་ཆས། ཆུ་འབྲས་འཕྲུལ་ཆས། སྒྲིག་ཆས་ཞིང་ལས། ཕྱུགས་ལས་འཕྲུལ་ཆས། ཞིང་ཆུ་འདྲེན་འབུད་དང་རྩི་ཤིང་སྲུང་སྐྱོང་གི་འཕྲུལ་ཆས། ཞིང་སྤྱོད་དབོར་འདྲེན་འཕྲུལ་ཆས་སོགས་རིགས་མི་འདྲ་བའི་འགྲེམ་སྟོན་ཁུལ་བགོས་ཡོད་ཅིང་། འགྲེམ་སྟོན་བྱེད་ཁུལ་གྱི་སྤྱིའི་གཞི་ཁྱོན་སྨི་གྲུ་བཞི་མ་ཁྲི22ལ་ཟིན་པ་དང་ཟླ་བ10པའི་ཚེས28ཉིན་འགྲེམ་སྟོན་མཇུག་འགྲིལ་བ་རེད།