རང་ཁུལ་གྱིས་འཛམ་གླིང་གི་ཡུལ་སྐོར་བྱ་ཡུལ་དང་ས་ཁོངས་ཡོངས་སུ་ཡུལ་སྐོར་འཕེལ་རྒྱས་གཏོང་བའི་དཔེ་སྟོན་ས་ཁུལ་འཛུགས་སྐྲུན་ལ་དམིགས་ནས་རིག་གནས་དང་ཡུལ་སྐོར་ཟུང་འབྲེལ་བྱས་པར་སྐུལ་འདེད་གཏོང་ཞིང་། ཡུལ་སྐོར་ཐོན་ཁུངས་གསར་སྦོལ་དང་ཡུལ་སྐོར་སྣེ་ལེན་སྒྲིག་ཆས་འཛུགས་སྐྲུན་ལ་སྐུལ་འདེད་གཏོང་ཆེད། ཉེ་ཆར་ཁུལ་ཨུའི་ཧྲུའུ་ཅི་ལིའུ་ཁྲེང་མིང་གིས་ལས་སྒྲུབ་རུ་ཁག་གི་སྣེ་ཁྲིད་དེ་ཁྲེང་ཏུའུ་ལ་ཕེབས་ནས་སྔ་ཕྱིར་ཞིང་ཆེན་ཡུལ་སྐོར་ཅུས་ཀྱི་ཏང་ཙུའུ་ཧྲུའུ་ཅི། ཅུས་ཀྲང་ཧའོ་ཁང་ལི་དང་ཀྲུང་གོ་ལྕགས་བཞུ་འཛུགས་སྐྲུན་སྤྱི་གཉེར་ཁང་ལྔ་པའི་ཏང་ཨུའི་ཧྲུའུ་ཅི་ཁྲེང་པིན་ཆང་སོགས་དང་མཇལ་འཕྲད་གནང་བ་རེད།

　རང་ཁུལ་གྱིས་གོང་གི་ཕྱོགས་སོ་སོ་དང་གཙོ་གནད་ཀྱི་ཡུལ་སྐོར་རིག་གནས་ལས་གཞི་དང་ཐོན་ཁུངས་གསར་སྦོལ་སོགས་ཀྱི་ཐད་ལ་གྲོས་མོལ་བྱས་པ་རེད། ཕྱོགས་སོ་སོས་གྲོས་མོལ་བྱས་པའི་ལས་གཞི་ཁག་དོན་འཁྱོལ་ཡང་དག་པ་བྱས་ནས་ནུས་ཤུགས་ཡོད་རྒུས་རང་ཁུལ་དེ་འཛམ་གླིང་གི་ཡུལ་སྐོར་བྱ་ཡུལ་དང་ས་ཁོངས་ཡོངས་སུ་ཡུལ་སྐོར་འཕེལ་རྒྱས་གཏོང་བའི་དཔེ་སྟོན་ས་ཁུལ་དུ་འཛུགས་སྐྲུན་བྱ་རྒྱུ་ཡིན་ཞེས་བཤད་པ་རེད།

　ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཡེ་ཤེས་ཟླ་བ་དང་ཀྱི་ཁུལ་ཨུའི་རྒྱུན་ཨུ། ཁུལ་དྲིལ་བསྒྲགས་པུའུ་ཀྲང་བྱམས་བློ། ཁུལ་སྲིད་གཞུང་གི་ཁུལ་དཔོན་གཞོན་པ་གོ་ཉིང་། ཀྲང་ཡུང་ཏེ་སོགས་བྱེད་སྒོའི་ནང་ཞུགས་ཡོད།།