ཉེ་ཆར། བོད་ལྗོངས་མི་དམངས་དཔེ་སྐྲུན་ཁང་གིས་དཔེ་སྐྲུན་ཁང་བརྒྱ་དང་སློབ་གྲྭ་སྟོང་གི་དཔེ་ཀློག་བྱེད་སྒོའི་དཔེ་དེབ་ཞལ་འདེབས་མཛད་སྒོ་དེ་ལྷ་ས་གྲོང་ཁྱེར་ཁྲེང་ཀོན་ཆུས་ཉང་བྲན་སློབ་ཆུང་དུ་འཚོགས། བོད་ལྗོངས་མི་དམངས་དཔེ་སྐྲུན་ཁང་གི་སྤྱི་ཁྱབ་རྩོམ་སྒྲིག་པ་གཞོན་པ་ཀང་ཙོ་དང་ལས་བྱེད་པ་དག་གིས་སློབ་ཆུང་སློབ་མའི་ལྟ་ཀློག་ལ་འཚམས་པའི་དཔེ་དེབ་སྣ་ཁ་100 ལེགས་སྐྱེས་ཀྱི་ཚུལ་དུ་སློབ་གྲྭའི་སློབ་ཕྲུག་ཚོ་ལ་གནང་བར་མ་ཟད་བྱེད་སྒོ་སྤེལ་ཡུལ་ནས་བྱིས་པའི་དཔེ་དེབ་རྩོམ་སྒྲིག་དང་། དཔེ་སྐྲུན་སོགས་ཀྱི་གནད་དོན་ལ་རྟོག་ཞིབ་བྱས།