སློབ་གྲྭས་ཨེ་ཛིའི་འགོས་ནད་འགོག་བཅོས་བྱེད་པའི་འབོད་སྐུལ་དང་ལེན་ཧུར་ཐག་བྱེད་པ་དང་ཨེ་ཛིའི་འགོས་ནད་ཀྱི་ཤེས་བྱ་ཁྱབ་སྤེལ་བྱས་ཤིང་། དེང་རབས་སློབ་ཆེན་སློབ་མའི་རང་སྲུང་གི་འདུ་ཤེས་ཇེ་དྲག་ཏུ་གཏང་བའི་ཆེད། ཟླ་བ10པའི་ཚེས24ཉིན། སི་ཁྲོན་མི་རིགས་སློབ་གླིང་གི་སློབ་གསོ་ཚན་རིག་ཚན་ཁག་གི་གུང་གཞོན་ཚོགས་པའི་སློབ་མའི་ཚོགས་པས་སློབ་ཁངA1406ལ་ཨེ་ཛིའི་འགོས་ནད་འགོག་བཅོས་བྱེད་པའི་ཤེས་བྱའི་གསོ་སྦྱོང་བྱེད་སྒོ་སྤེལ་བ་རེད། བྱེད་སྒོ་ནང་འཛིན་གྲྭ་སོ་སོའི་འཛིན་གྲྭ་ཨུ་ཡོན་དང་སློབ་མ་འགའ་ཤས་ཞུགས་པ་རེད།

　གཟའ་འཁོར་གཉིས་སྔོན་གྱི་དྲིལ་བསྒྲགས་བཏང་བར་བརྒྱུད། སློབ་མ་རྣམས་གསོ་སྦྱོང་ཚོགས་འདུ་ནང་ཧུར་ཐག་གིས་ཞུགས་པ་དང་། གུང་གཞོན་ཚོགས་པའི་སློབ་མ་ཚོགས་པའི་འཚོ་བ་དང་འཕྲོད་བསྟེན་པུའུ་ཡི་སློབ་མ་འགན་འཁུར་མཁན་ཁྲེན་ཅ་ཞོན་གྱིས་སྒྲོག་འགྲེལ་བྱས་ཏེ། ཨེ་ཛིའི་འགོས་ནད་ཀྱི་གཞི་རྩའི་རྒྱུན་ཤེས་ངོ་སྤྲོད་བྱས་པས། སློབ་མ་རྣམས་ཀྱིས་ཨེ་ཛིའི་འགོས་ནད་ལ་ཆ་རྒྱུས་རགས་ཙམ་ལོན་པ་རེད། དེ་རྗེས་འབྲེལ་ཡོད་ཤེས་བྱའི་སྐོར་གྱི་དྲི་བ་དྲིས་ལན་བྱས་པས་སློབ་མ་རྣམས་ཀྱིས་ཨེ་ཛིའི་འགོས་ནད་ཤེས་བྱ་དང་ཨེ་ཛིའི་འགོས་ནད་གོང་འཕེལ་འགྲོ་ཚུལ་ལ་དེ་བས་ཀྱང་ཆ་རྒྱུས་གཏིང་ཟབ་ལོན་པར་མ་ཟད།ཨེ་ཛིའི་འགོས་ནད་འགོག་བཅོས་བྱེད་སྟངས་ཀྱང་ཤེས་པ་རེད།

　གདམ་གསེས་བྱས་པར་བརྒྱུད། འཛིན་གྲྭ1342ཀྱི་ཁྲེན་ཅ་ཞོན་དང་འཛིན་གྲྭ1443གྱི་ཝང་ཆིན། འཛིན་གྲྭ1443གྱི་ལིའུ་ཆན་བཅས་སློབ་མ་གསུམ་སློབ་གསོ་ཚན་རིག་ཚན་ཁག་གི་འཐུས་མི་བྱས་ཏེ་སློབ་གྲྭས་རྩ་འཛུགས་བྱས་པའི་ཨེ་ཛིའི་འགོས་ནད་འགོག་བཅོས་ཤེས་བྱའི་འགྲན་བསྡུར་བྱེད་སྒོར་ཞུགས་རྒྱུ་རེད།

　གསོ་སྦྱོང་བྱེད་སྒོ་དེས་སློབ་མ་རྣམས་ཀྱིས་ཨེ་ཛིའི་འགོས་ནད་ཀྱི་གཞི་རྩའི་ཤེས་བྱར་ཤེས་རྟོགས་བྱུང་བར་ཕན་པ་མ་ཟད། རང་ཉིད་ལ་སྲུང་སྐྱོང་ཅི་འདྲ་བྱ་དགོས་པ་ཡང་ཧ་གོ་བ་དང་། ཨེ་ཛིའི་འགོས་ནད་ཀྱི་གནོད་འཚེ་ལས་རྒྱང་དུ་བྱོལ་ཐུབ་པ་རེད།།