ཟླ་བ10པའི་ཚེས20ཉིན། ཞིང་ཆེན་ཏང་ཨུའི་བོད་ཁུལ་ལས་ཀའི་གྲོས་ཚོགས་ཁྲེང་ཏུའུ་རུ་འཚོགས། ཚོགས་ཐོག་ཀྲུང་དབྱང་གི་བོད་ཁུལ་ལས་ཀའི་བཞུགས་མོལ་ཚོགས་འདུ་ཐེངས་དྲུག་པ་དང་ཁྱད་པར་དུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་སྙིང་དོན་དོན་འཁྱོལ་མཐར་ཕྱིན་བྱེད་པ་དང་སྔར་ལྷག་གིས་གནས་བབ་ལ་དབྱེ་ཞིབ་དང་ཉམས་མྱོང་ཕྱོགས་བསྡོམས། ལས་ཀ་བཀོད་སྒྲིག་བཅས་བྱས་ནས་སི་ཁྲོན་བོད་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་དང་ཡུན་རིང་བདེ་འགོད་ལ་སྐུལ་འདེད་མགྱོགས་སུ་བཏང་བ་རེད།ཝང་ཏུང་མིང་གིས་བསྟན་དོན། བོད་ཁུལ་ལས་ཀ་ནི་ཏང་དང་རྒྱལ་ཁབ་བྱ་གཞག་གི་གྲུབ་ཆ་གལ་ཆེན་ཞིག་ཡིན་པས། མི་རིགས་མཐུན་སྒྲིལ་དང་རྒྱལ་ཁབ་གཅིག་གྱུར། བདེ་འགོད་བརྟན་ལྷིང་བཅས་ལ་གལ་ཆེ་ཞིང་དམིགས་བསལ་གྱི་དོན་སྙིང་ལྡན་པ་རེད། སི་ཁྲོན་བོད་ཁུལ་ནི་སྔར་ནས་བོད་ཁུལ་བརྟན་ལྷིང་ཡོང་བ་བྱ་དགོས་ན་སྔོན་དུ་ཁམས་པ་བདེ་འགོད་ཡོང་བ་བྱ་དགོས་པའི་འཐབ་ཇུས་ཀྱི་གནས་ཐང་དུ་གནས་ཡོད་པས། སི་ཁྲོན་བོད་ཁུལ་ལས་ཀ་ཡག་མོ་བསྒྲུབ་རྒྱུ་དེ་བོད་ཁུལ་ཡོངས་དང་ཐ་ན་རྒྱལ་ཡོངས་ཀྱི་སྤྱི་ཡོངས་དང་འབྲེལ་བ་ཡོད། ཏང་གི་ཚོགས་ཆེན་བཅོ་བརྒྱད་པ་འཚོགས་པ་ནས་བཟུང་། ཞིང་ཆེན་ཏང་ཨུས་ནན་ཏན་གྱིས་ཀྲུང་དབྱང་གི་བོད་སྐྱོང་འཐབ་ཇུས་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གསུང་བཤད་གལ་ཆེན་རབ་རིམ་གྱི་སྙིང་དོན་ལག་བསྟར་བྱས་ནས་སི་ཁྲོན་གྱི་གནས་ཚུལ་དངོས་ལ་གནས་ཏེ་ཕྱོགས་གང་ཅིའི་ཐད་ནས་བོད་ཁུལ་ལས་ཀར་ཤུགས་བསྣན་ཏེ་དཔལ་འབྱོར་རྒྱུན་སྲིང་མགྱོགས་མྱུར་ངང་འཕེལ་རྒྱས་ཡོང་བ་དང་དམངས་འཚོ་རྒྱུན་ཆད་མེད་པར་ལེགས་སུ་གཏོང་བ། སྤྱི་ཚོགས་ཀྱི་ཁྱོན་ཡོངས་སུ་བརྟན་ལྷིང་གི་རྣམ་པ་ཡག་མོ་ཞིག་ཆགས་པ་རེད།ཝང་ཏུང་མིང་གིས་བསྟན་དོན།རིམ་པ་ཁག་དང་སྡེ་ཁག་སོ་སོས་ངེས་པར་དུ་བསམ་བློ་དང་བྱ་སྤྱོད་ཀྲུང་དབྱང་གི་དགོངས་དོན་དང་ཞིང་ཆེན་ཏང་ཨུའི་འཐབ་ཇུས་བཀོད་སྒྲིག་ཐོག་གཅིག་གྱུར་ཡོང་བ་བྱས་ནས་བོད་ཁུལ་ལ་འཕྲོད་པའི་གནས་བབ་གསར་པ་དང་ལས་འགན་གསར་པར་ཁོང་དུ་གཏིང་ཟབ་ཆུད་པ་བྱེད་ཅིང་། སྔར་ལྷག་གིས་སྤྱི་ཡོངས་ཀྱི་འདུ་ཤེས་དང་རྗེས་ཡོང་སྔོན་དྲན་གྱི་འདུ་ཤེས། འགན་འཁྲིའི་འདུ་ཤེས་བཅས་ཇེ་དྲག་ཏུ་བཏང་ཞིང་འཐབ་ཇུས་བརྟན་ཤུགས་རྒྱུན་སྲིང་དང་ཡང་དག་པའི་བྱེད་ཕྱོགས་རྒྱུན་འཁྱོངས་བྱས་ནས་སྔ་མར་གཏན་འཁེལ་བྱས་པའི་བཀོད་སྒྲིག་ལྟར་རྒྱུན་སྲིང་ངང་ཤུགས་བཏོན་ནས་སི་ཁྲོན་བོད་ཁུལ་གྱི་ལས་ཀ་དེ་བས་ཡག་མོ་བསྒྲུབ་དགོས།དེང་སྐབས་དང་ཕྱིན་ཆད་ཀྱི་དུས་སྐབས་ཤིག་ལ་ཁྱོན་ཡོངས་ནས་ཀྲུང་དབྱང་གི་བོད་སྐྱོང་འཐབ་ཇུས་བསམ་བློ་དང་བཀོད་སྒྲིག་གལ་ཆེན་ལག་བསྟར་བྱས་ནས་ཁྲིམས་ལྟར་བོད་སྐྱོང་དང་དམངས་ཕྱུག་བོད་དར།ཡུན་རིང་བོད་སྐྱོང་།མི་སེམས་གོང་བུ་གཅིག་འགྲིལ།རྨང་གཞི་སྲ་བརྟན་དུ་གཏོང་བ་དང་།མེས་རྒྱལ་གཅིག་གྱུར་ལ་འཚོ་སྲུང་དང་མི་རིགས་མཐུན་སྒྲིལ་ལ་ཤུགས་བསྣན་པ་དེ་ལས་ཀའི་དམིགས་ས་དང་ཤུགས་རྒྱག་ས་བྱ་རྒྱུ་དང་།དམངས་འཚོ་ལེགས་སུ་གཏོང་ཞིང་མི་སེམས་གོང་བུ་གཅིག་ཏུ་འགྲིལ་བ་དེ་ལས་ཀའི་འགོ་འཛུགས་ས་དང་དོན་ལ་བབ་ས་བྱ་རྒྱུ། ཞིང་ཆེན་ཏང་ཨུའི་བོད་ཁུལ་ལས་ཀའི་བསམ་ཕྱོགས་གཡོ་འགུལ་མི་བྱེད་པ། དོན་ཆེན་གསུམ་མཉམ་དུ་འཛིན་པ་དང་འཐབ་ཕྱོགས་ལྔས་མཉམ་དུ་ཤུགས་རྒྱག་པའི་ལས་ཀའི་རྣམ་པ་མི་འགྱུར་བ་བཅས་རྒྱུན་འཁྱོངས་བྱས་ནས་སྤྱི་ཚོགས་ཀྱི་ཁྱོན་ཡོངས་བརྟན་ལྷིང་དང་ཡུན་རིང་བདེ་འགོད་ཡོང་བ་དང་། དཔལ་འབྱོར་སྤྱི་ཚོགས་རྒྱུན་སྲིང་ངང་སྐྱོན་བྲལ་འཕེལ་རྒྱས་ཡོང་བ། མི་རིགས་ཁག་གི་མི་དམངས་མང་ཚོགས་ཀྱི་དངོས་པོ་རིག་གནས་འཚོ་བའི་ཆུ་ཚད་རྒྱུན་ཆད་མེད་པར་ཇེ་མཐོར་ཡོང་བ། སྐྱེ་ཁམས་ཁོར་ཡུག་ཡག་མོ་ཡོང་བ་བཅས་ལ་ཁག་ཐེག་བྱ་དགོས།
ཝང་ཏུང་མིང་གིས་ནན་གསུང་གནང་དོན།ངེས་པར་དུ་འཕེལ་རྒྱས་གཏང་རྒྱུ་དེ་ལས་འགན་ཨང་དང་པོར་བརྩིས་པ་རྒྱུན་འཁྱོངས་བྱས་ནས་སེམས་ཤུགས་གཅིག་བསྒྲིམས་ཀྱིས་བོད་ཁུལ་དུས་མཉམ་དུ་སྒོ་ཀུན་ནས་འབྱོར་འབྲིང་དུ་སླེབས པའི་འགག་སྒྲོལ་ཆེན་པོ་བྱ་དགོས།མུ་མཐུད་ནས་རྨང་གཞིའི་སྒྲིག་ཆས་འཛུགས་སྐྲུན་ཡག་མོ་འཛིན་པ་དང་འགྲིམ་འགྲུལ་དེ་གལ་ཆེའི་གནས་སུ་བཞག་ནས་རེས་གསར་པའི་འགྲིམ་འགྲུལ་འགག་སྒྲོལ་ཆེན་པོ་ལག་བསྟར་བྱེད་པ་དང་། ཤུགས་ཆེན་པོས་བོད་ཁུལ་གྱི་གློག་དྲྭ་རིམ་སྤར་བཟོ་བཅོས་བྱ་རྒྱུར་སྐུལ་འདེད་གཏོང་ཞིང་། ཞིང་སྡེའི་འཐུང་ཆུ་གཙང་མའི་ལས་གཞི་འཛུགས་སྐྲུན་ལག་བསྟར་གཏིང་ཟབ་བྱེད་པ་དང་། བོད་ཁུལ་གྱི་འཕེལ་རྒྱས་དང་མང་ཚོགས་ཀྱི་འཚོ་བའི་ཆ་རྐྱེན་ལེགས་སུ་བཅོས་པར་བརྩོན་དགོས། ཤུགས་ཆེན་པོས་ཁྱད་ཆོས་ལྡན་པའི་ཐོན་ལས་འཕེལ་རྒྱས་ལ་སྐུལ་འདེད་གཏོང་ཞིང་། ཡུལ་སྐོར་འཕེལ་རྒྱས་གཏང་རྒྱུ་དེ་ཐོན་ལས་དམངས་ཕྱུག་གི་ཐབས་ལམ་དུ་བྱས་ནས་ཧུར་ཐག་གིས་དེང་རབས་ཀྱི་ཞིང་འབྲོག་ལས་འཕེལ་རྒྱས་གཏོང་བ་དང་མང་ཚོགས་ལས་ཞུགས་ཡོང་འཕར་བྱ་རྒྱུར་སྐུལ་ཁྲིད་བྱ་དགོས། སྐྱེ་ཁམས་སྲུང་སྐྱོང་བྱ་རྒྱུ་དེ་གལ་ཆེའི་གནས་སུ་བཞག་པ་རྒྱུན་འཁྱོངས་བྱས་ནས་ཤུགས་ཆེན་པོས་རང་བྱུང་ནགས་ཚལ་སྲུང་སྐྱོང་དང་རྨོས་དོར་ནགས་བཟོ།འབྲོག་དོར་རྩྭ་འདེབས་སོགས་ལས་གཞི་ལག་བསྟར་བྱ་དགོས། ཁ་གཏད་བོད་སྐྱོར་ལས་ཀ་བྱེད་ཤུགས་ཆེ་རུ་བཏང་ནས་སྔར་ལས་ལྷག་པར་བོད་ཁུལ་དང་ཕྱི་ཕྱོགས་མཉམ་ལས་ཆུ་ཚད་མཐོར་འདེགས་གཏང་དགོས།ཝང་ཏུང་མིང་གིས་ནན་གསུང་གནང་དོན། ངེས་པར་དུ་དམངས་འཚོ་ལེགས་སུ་གཏང་རྒྱུར་དམིགས་ཤིང་། མི་སེམས་གཅིག་ཏུ་བསྒྲིམས་ནས་ཤུགས་ཆེན་པོས་བོད་ཁུལ་མང་ཚོགས་ཀྱི་འཚོ་བའི་ཆུ་ཚད་མཐོར་འདེགས་གཏང་དགོས། རྒྱུན་ཆད་མེད་པར་རྒྱབ་སྐྱོར་ནུས་ཤུགས་ཆེ་རུ་བཏང་ནས་མང་ཚོགས་ལ་དོན་དངོས་བསྒྲུབ་པ་དང་། དམངས་འཚོའི་ལས་གཞི་དྲུག་གི་འཆར་གཞི་ལག་བསྟར་མགྱོགས་པོ་བྱས་ནས་སྡོད་ཁང་དང་སྨན་བཅོས། སྤྱི་ཚོགས་འགན་སྲུང་། རིག་གནས་སོགས་ཀྱི་དམངས་འཚོའི་གནད་དོན་མངོན་གསལ་དོད་པོ་ཐག་གཅོད་བྱ་རྒྱུར་བརྩོན་དགོས།མི་རིགས་ས་ཁུལ་གྱི་སློབ་གསོ་འཕེལ་རྒྱས་ཀྱི་ལོ་བཅུའི་བྱ་སྤྱོད་འཆར་གཞི་ལག་བསྟར་ཟབ་མོ་བྱས་ནས་བོད་ཁུལ་དུ་ལོ་བཅོ་ལྔར་སློབ་རིན་མི་དགོས་པ་ཡོངས་སུ་ཁེབས་པ་བྱ་ཞིང་།མུ་མཐུད་ནས་ལོ་དགུ་ཐོག་གསུམ་སྣོན་གྱི་རིན་པ་མི་དགོས་པའི་ལས་རིགས་སློབ་གསོ་ལག་བསྟར་བྱེད་པ་དང་ཤུགས་ཆེན་པོས་རྒྱང་བསྟེན་སློབ་གསོ་འཕེལ་རྒྱས་གཏང་དགོས།ཤུགས་ཆེན་པོས་ཞིང་པ་གླ་པའི་ལས་རིགས་ཀྱི་ལག་རྩལ་མཐོ་སྤར་འཆར་གཞི་དང་མི་རིགས་ས་ཁུལ་གྱི་མང་ཚོགས་ལས་རིགས་གསོ་སྦྱོང་བྱ་སྤྱོད་སྤེལ་ནས་ལས་ཞུགས་དང་སློབ་གསོ་གཅིག་གྱུར་འཆར་འགོད་བྱས་ནས་སྤྱོད་གོ་ཆོད་པའི་འཇོན་ལྡན་མི་སྣ་དེ་བས་མང་པོ་གསོ་སྐྱོང་བྱ་དགོས།　　　ཝང་ཏུང་མིང་གིས་ནན་གསུང་གནང་དོན། ངེས་པར་དུ་གཅིག་གྱུར་འཆར་འགོད་ཀྱིས་ཁྲིམས་ལྟར་དོ་དམ་དང་སློབ་གསོས་སྣེ་ཁྲིད་བྱས་ཏེ་བོད་བརྒྱུད་ནང་བསྟན་དང་སྤྱི་ཚོགས་རིང་ལུགས་བར་འཕྲོད་མཐུན་ཡོང་བར་སྐུལ་འདེད་ཏན་ཏིག་གཏང་དགོས། དགོན་པ་དོ་དམ་དང་གསར་སྐྲུན་བྱེད་པར་ཁྱོན་ཡོངས་ནས་ཤུགས་སྣོན་བརྒྱབ་སྟེ་དགོན་པའི་དོ་དམ་དེ་ཕན་ཡུན་རིང་པོ་ལྡན་པའི་ལམ་ལུགས་སུ་བསྐྲུན་པར་སྐུལ་འདེད་གཏང་དགོས། ཆོས་ལུགས་ལས་རིགས་ཀྱི་འཐུས་ཚབ་མི་སྣར་སློབ་གསོ་དང་གསོ་སྦྱོང་བྱེད་ཤུགས་ཆེ་རུ་བཏང་སྟེ། ཆབ་སྲིད་ཐོག་བློས་འཁེལ་ཐུབ་པ་དང་། ཤེས་བྱའི་ཐོག་ཡོན་ཚད་ལྡན་པ། ཀུན་སྤྱོད་ཐོག་མི་རྣམས་ཀྱིས་ཁས་ལེན་པ། གནད་འགག་ཐུག་དུས་ནུས་པ་ཐོན་ཐུབ་པའི་འཐུས་ཚབ་མི་སྣའི་དཔུང་སྡེ་ཞིག་ཅི་མགྱོགས་གང་མགྱོགས་བསྐྲུན་དགོས།　　ཝང་ཏུང་མིང་གིས་ནན་གསུང་གནང་དོན།ངེས་པར་དུ་ཐོག་མཐའ་བར་གསུམ་དུ་ཁྲིམས་ལྟར་བོད་སྐྱོང་བྱ་རྒྱུ་དེ་རྩ་བའི་བྱེད་ཐབས་བྱས་ཏེ་བློ་བརྟན་འགྱུར་མེད་ཀྱིས་བོད་ཁུལ་གྱི་ཁྱོན་ཡོངས་འཆམ་མཐུན་དང་བརྟན་བརླིང་ཡོང་བར་སྲུང་སྐྱོང་བྱ་དགོས། བཅའ་ཁྲིམས་དགོན་པ་དང་འབྲོག་ཁུལ།ལས་ཁུངས།སློབ་གྲྭ་སོགས་སུ་དྲིལ་བསྒྲགས་བྱེད་པའི་ལས་ཀར་སྐུལ་འདེད་ཏན་ཏིག་གཏང་དགོས།བོད་རྒྱ་སྐད་གཉིས་མཉམ་འབྲེལ་བྱས་ཏེ་ཤུགས་ཆེན་པོས་སྒྲོག་འགྲེལ་དང་གྱོད་དོན་དཔེར་བཞག་སྟེ་བཅའ་ཁྲིམས་བཤད་པའི་ལས་ཀ་སྤེལ་དགོས།ནུས་ཤུགས་ཆེན་པོ་བཏོན་ནས་བོད་ཁུལ་སྤྱི་ཚོགས་ཀྱི་ཁྲིམས་ལྟར་བཅོས་སྐྱོང་བྱ་རྒྱུའི་རྨང་གཞི་རང་བཞིན་གྱི་ལས་ཀ་ཏན་ཏིག་བསྒྲུབ་དགོས།ཝང་ཏུང་མིང་གིས་ནན་གསུང་གནང་དོན།ངེས་པར་དུ་བདེན་ཡོད་ཞུམ་མེད་ཀྱིས་བསམ་བློ་སློབ་གསོ་དང་གླེང་ཕྱོགས་ཀྱི་སྣེ་ཁྲིད་བྱེད་པར་ཤུགས་སྣོན་བརྒྱག་དགོས།ཤུགས་ཆེན་པོས་བོད་ཁུལ་གྱི་མི་རིགས་མཐུན་སྒྲིལ་དང་འཆམ་མཐུན་ཡར་ཐོན་ཡོང་བའི་རྣམ་པ་བཟང་པོ་ཞིག་ཆགས་གང་ཐུབ་བྱ་དགོས།ཏང་གི་མི་རིགས་ཆོས་ལུགས་ཀྱི་སྲིད་ཇུས་རྒྱ་ཁྱབ་ཏུ་དྲིལ་བསྒྲགས་བྱས་ཏེ། བོད་ཁུལ་གྱི་དཔལ་འབྱོར་སྤྱི་ཚོགས་གོང་འཕེལ་ཡོང་བ་དང་།མི་རིགས་མཐུན་སྒྲིལ་དང་ཡར་ཐོན་ཡོང་བ།དབུལ་སྐྱོར་འགག་སྒྲོལ་ཐད་ཐོབ་པའི་གྲུབ་འབྲས་ཆེན་པོ་སོགས་བཏོན་ནས་ཕྱོགས་གང་ཐད་ནས་ཕྱིར་དྲིལ་བསྒྲགས་བྱེད་ཤུགས་ཆེ་རུ་གཏང་དགོས།ཝང་ཏུང་མིང་གིས་ནན་གསུང་གནང་དོན།ངེས་པར་དུ་བོད་ཁུལ་གྱི་འགོ་ཁྲིད་ཚོགས་པའི་ལས་བྱེད་པའི་དཔུང་ཁག་འཛུགས་སྐྱོང་དང་གཞི་རིམ་གྱི་ཏང་རྩ་འཛུགས་འཛུགས་སྐྲུན་ལ་ཤུགས་སྣོན་བརྒྱབ་སྟེ་བོད་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་དང་ཡུན་རིང་བདེ་འགོད་ལ་སྐུལ་འདེད་གཏོང་ཆེད་སྲ་ཞིང་བརྟན་པའི་འགན་ལེན་བྱ་དགོས།དམིགས་བསལ་གསུམ་གྱི་ཆབ་སྲིད་ཀྱི་ཚད་གཞི་དང་ལས་ཀའི་བླང་བྱ་མངོན་གསལ་ཡིན་ཞིང་།ཏན་ཏིག་གིས་ཡིན་མིན་གསལ་རྟོགས་བྱས་ཏེ་ལངས་ཕྱོགས་ཧ་ཅང་གསལ་པོ་དང་མི་རིགས་མཐུན་སྒྲིལ་ལ་སྲུང་སྐྱོང་བྱེད་པའི་བྱ་སྤྱོད་ཧ་ཅང་བརྟན་པོ།མི་རིགས་ཁག་གི་མང་ཚོགས་ལ་དགའ་ཞེན་ལྷད་མེད་ཀྱི་བརྩེ་དུང་ལྡན་པའི་ཕུལ་བྱུང་གི་ལས་བྱེད་པ་གདམ་གསེས་བྱས་ཏེ་བཀོལ་སྤྱོད་བྱ་དགོས།ཏན་ཏིག་གིས་ནན་གསུམ་དྲང་གསུམ་གྱི་ཆེད་དོན་སློབ་གསོར་དམ་འཛིན་བྱས་ཏེ།ཏང་ཡོན་ལས་བྱེད་པ་སྣེ་ཁྲིད་ནས་ནན་གསུམ་དྲང་གསུམ་གྱི་བླང་བྱ་རང་རྟོགས་ངང་ལག་ལེན་བསྟར་ཞིང་། བརྩེ་སེམས་དང་འགན་འཁྲི་ཡོད་པའི་སྒོ་ནས་ལས་དོན་ཁག་ལེགས་པར་བསྒྲུབ་དགོས།ཝུའེ་ཧུང་གིས་ཕྱོགས་བསྡོམས་གསུང་བཤད་གནང་སྐབས་བསྟན་དོན།ཧྲུའུ་ཅི་ཝང་ཏུང་མིང་གིས་གལ་ཆེའི་གསུང་བཤད་གནང་ཞིང་།ཀྲུང་དབྱང་གི་དགོངས་དོན་ལག་བསྟར་དོན་འཁྱོལ་བྱེད་པ་དང་རང་རེའི་ཞིང་ཆེན་གྱི་བོད་རིགས་ས་ཁུལ་གྱི་ལས་དོན་ལེགས་པོ་བསྒྲུབ་དགོས་པའི་བླང་བྱ་གསལ་པོ་བཏོན་པ་ལ་ཞིང་ཆེན་ཡོངས་ཀྱི་ས་གནས་ཁག་དང་སྡེ་ཚན་ཁག་གིས་ངེས་པར་དུ་སློབ་སྦྱོང་ནན་ཏན་དང་ངོས་འཛིན་ཟབ་ལེན་བྱས་ཏེ།བསམ་བློ་དེ་ཀྲུང་དབྱང་དང་ཞིང་ཆེན་ཏང་ཨུའི་ཐབས་ཇུས་བཀོད་སྒྲིག་ཐོག་གཅིག་གྱུར་ཡོང་བར་བྱ་དགོས།བོད་ཁུལ་གྱི་འཕེལ་རྒྱས་གཙོ་གནད་ཁོང་དུ་ཆུད་པ་བྱས་ནས་བོད་རིགས་ས་ཁུལ་གྱི་འགྲིམ་འགྲུལ་གྱི་རྨང་གཞིའི་སྒྲིག་བཀོད་འཛུགས་སྐྲུན་ཡག་པོར་གཟུང་རྒྱུ་རྒྱུན་འཁྱོངས་བྱ་དགོས་པ་དང་།བོད་ཁུལ་གྱི་ཡུལ་སྐོར་ལས་རིགས་འཕེལ་རྒྱས་དམ་འཛིན་མངོན་གསལ་བྱ་དགོས།དེང་རབས་ཀྱི་ཁྱད་ཆོས་ལྡན་པའི་ཞིང་འབྲོག་ལས་རིགས་གོང་འཕེལ་ཤུགས་ཆེར་གཏང་དགོས།སློབ་གསོ་སྔོན་དུ་གོང་འཕེལ་གཏང་རྒྱུ་དམ་འཛིན་ཡག་པོ་དང་སྨན་བཅོས་འཕྲོད་བསྟེན་འཛུགས་སྐྲུན།ལས་ཞུགས་སྐུལ་སྤེལ་དང་སྤྱི་ཚོགས་འགན་སྲུང་སོགས་ཐད་ཀྱི་ལས་དོན་ཧུར་ཐག་ཏན་ཏིག་བྱས་ནས་བོད་ཁུལ་གྱི་དམངས་འཚོའི་ལས་དོན་བྱེད་ཤུགས་ཆེ་རུ་གཏང་དགོས།སྲིད་ཇུས་ཁག་གི་བྱེད་ཐབས་དོན་ཐོག་ཏུ་ཏན་ཏིག་གི་སྒོ་ནས་འཁྱོལ་བར་བྱ་དགོས་སོ།།ཞིང་ཆེན་དང་།གྲོང་ཁྱེར་དང་ཁུལ་ཁག་གི་འབྲེལ་ཡོད་འགན་ཁུར་པ་ཚོགས་འདུར་ཞུགས་ཡོད།།