ཀྲུང་གོ་བོད་ཀྱི་དྲ་བའི་འཕྲིན། བོད་ལྗོངས་ཀྱིས་ཐབས་ལམ་མང་པོ་བེད་སྤྱད་དེ་སློབ་ཆེན་མཐར་ཕྱིན་སློབ་མ་ལས་ཞུགས་གང་ལེགས་ཐུབ་རྒྱུར་སྐུལ་འདེད་བཏང་ནས། ཁྲོམ་རའི་ལས་ཞུགས་འདུ་ཤེས་འཛུགས་པ་དང་ལྗོངས་ནང་ཁུལ་གྱི་རིགས་ཁག་གི་ཁེ་ལས་ལ་ལས་གནས་མཁོ་སྤྲོད་བྱེད་པའི་སྟེགས་བུ་སྐྲུན་ཆེད། རང་སྐྱོང་ལྗོངས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གིས་རིགས་ཁག་གི་མི་བེད་སྤྱོད་བྱེད་མཁན་ཚན་པ་དང་སློབ་གྲྭ་ཐོན་ནས་ལས་ཞུགས་ཐུབ་མེད་པའི་སློབ་མ། སྤྱི་ལོ2016ལོར་མཐར་ཕྱིན་པའི་སློབ་ཆེན་སློབ་མ་བཅས་ཞུགས་རྒྱུའི། སློབ་ཆེན་མཐར་ཕྱིན་སློབ་མའི་གདན་ཞུ་ཚོགས་འདུ་སྟེ་བོད་ལྗོངས་ཀྱི་སྤྱི་ལོ2015ལོའི་ཆེད་དོན་ཚོགས་འདུ་སྤྱི་ཟླ10པའི་ཚེས24(རེས་གཟའ་སྤེན་པ)ཉིན་ཚོགས་རྒྱུ་རེད།

ཞིབ་ཕྲའི་གནས་ཚུལ་གཤམ་གསལ།

དང་པོ། དུས་ཚོད་ནི་སྤྱི་ལོ2015ལོའི་ཟླ10བའི་ཚེས24ཉིན་གྱི་སྔ་དྲོའི་ཆུ་ཚོད་བཅུ་དང་ཕྱེད་ཀ་ཡིན་པ་དང་།

གཉིས་པ། ས་གནས་ནི་བོད་ལྗོངས་ལས་རིགས་ལག་རྩལ་སློབ་གླིང་གི་སློབ་ཁུལ་ནུབ་མར་ཡིན་པ།

གསུམ་པ། ལྗོངས་ནང་ཁུལ་གྱི་མི་བེད་སྤྱོད་ཀྱི་དགོས་མཁོ་ཡོད་པའི་རིགས་ཁག་གི་ཁེ་ལས་དང་བྱ་གཞག་ཚན་པས་ལས་ཞུགས་ལས་གནས་མཁོ་འདོན་ཧུར་ཐག་བྱས་ཏེ། གདན་ཞུས་ཚོགས་འདུར་ཞུགས་རྒྱུའི་མིང་ཐོ་འགོད་རྒྱུ་མ་ཟད་ཁེ་ལས་ཀྱི་ངོ་སྤྲོད་མདོར་བསྡུས་དང་ལས་གནས་ཀྱི་ཆ་འཕྲིན། གདན་ཞུས་ཀྱི་རེ་བ་སོགས་གློག་རྡུལ་ཡིག་སྒམ xzbys0891＠163.com ལ་བསྐུར་རྒྱུ།

བཞི་པ། སློབ་གྲྭ་ཐོན་ནས་ལས་ཞུགས་ཐུབ་མེད་པའི་སློབ་མ་དང་། སྤྱི་ལོ2016ལོར་མཐར་ཕྱིན་པའི་སློབ་ཆེན་སློབ་མས་རང་ཉིད་ཀྱི་ལོ་རྒྱུས་མདོར་བསྡུས་འཁྱེར་ནས་གདན་ཞུས་ཚོགས་འདུའི་ས་ཡུལ་སུ་ཞུགས་རྒྱུ་བཅས་ཡིན་ལ། འབྲེལ་གཏུགས་ཁ་པར་ཨང་གྲངས་ནི0891-6867389དང0891-6845857ཡིན།  །