ཞིན་ཧྭ་གསར་འགྱུར་ཁང་པེ་ཅིན་ནས་ཉེ་ཆར་འབྱོར་བའི་གཏམ་གསར། ཉེ་ཆར། རྒྱལ་སྲིད་སྤྱི་ཁྱབ་ཁང་གཞུང་ལས་ཐིང་གིས《སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་དང་འཕེལ་རྒྱས་ཇེ་མགྱོགས་གཏོང་བར་སྐུལ་འདེད་བྱེད་པའི་སྐོར་གྱི་སྲིད་ཇུས་ཀྱི་བྱེད་ཐབས་རབ་དང་རིམ་པ》འགྲེམས་སྤེལ་བྱས། དེའི་ཕྱིར། གསར་འགོད་པས་ཉེ་ཆར་རྒྱལ་ཁབ་འཕེལ་རྒྱས་དང་བཅོས་བསྒྱུར་ཨུ་ལྷན་གྱི་འབྲེལ་ཡོད་འགན་ཁུར་པ་ལ་བཅར་འདྲི་བྱས་པ་རེད།

　གསར་འགོད་པས། ཁྱེད་ཀྱིས་ཡིག་ཆ་བཏོན་པའི་འབྱུང་རྐྱེན་དང་བརྒྱུད་རིམ་ལ་ངོ་སྤྲོད་ཅིག་བྱ་རོགས་ཞེས་ཞུས་པར།

　ལན། 2010ལོ་ནས་བཟུང་། རྒྱལ་སྲིད་སྤྱི་ཁྱབ་ཁང་གིས་སྔོན་རྗེས་སུ་སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་དང་འཕེལ་རྒྱས་ལ་སྐུལ་འདེད་བྱེད་པའི་ཡིག་ཆ་རབ་དང་རིམ་པ་འགྲེམས་སྤེལ་དང་ལག་བསྟར་བྱས་ཡོད། ལོ་འགར་འཕེལ་རྒྱས་བྱས་པར་བརྒྱུད། སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པའི་གཞི་ཁྱོན་རྒྱ་སྐྱེད་དུ་ཕྱིན་པ་དང་ཞབས་ཞུའི་ཆུ་ཚད་རིམ་བཞིན་མཐོ་རུ་འཕར་ཞིང་། སྲིད་ཇུས་ཀྱི་ཕན་ནུས་མུ་མཐུད་ནས་མངོན་གསལ་ཐོབ་པ་རེད། ཡིན་ནའང་སྤྱིའི་ཆ་ནས་བལྟས་ན། སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པའི་གཞི་ཁྱོན་དང་ཞབས་ཞུ་བྱེད་ཚད་ཀྱི་བསྡུར་གྲངས་ཟིན་ཚད་ད་དུང་དམའ་ཞིང་། སྨན་བཅོས་ལས་རིགས་ནང་ཞུགས་དཀའ་བ་དང་ལྟ་སྐུལ་དོ་དམ་གྱི་ནང་རྐྱེན་ཆ་མི་ཚང་བ་སོགས་ཀྱི་དཀའ་ངལ་དང་གནད་དོན་ད་དུང་ཡོད་པས། སྔར་ལྷག་གིས་སྒྲིག་སྲོལ་ནང་རྐྱེན་གྱི་སྒྲིབ་དངོས་གཏོར་ཏེ་བློ་རྩེ་གཅིག་སྒྲིམ་གྱིས་སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པ་ལ་འདེགས་སྐྱོར་བྱ་དགོས་ཞེས་གསུངས་པ་རེད།

　གསར་འགོད་པས། སྤྱི་ཚོགས་ཀྱིས་དོ་སྣང་ཆེན་པོ་བྱེད་པའི་སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་དཀའ་བའི་གནད་དོན་ལ་དམིགས་ནས་ཡིག་ཆ་རུ་གསར་སྐྲུན་བྱེད་ཐབས་གང་འདྲ་བཏོན་ཡོད་དམ་ཞེས་དྲིས་པར།

　ལན། ཞིབ་བཤེར་ཆོག་མཆན་འཛུགས་པ་ནི་སྤྱི་ཚོགས་ཀྱི་སྟོབས་ཤུགས་ལ་བརྟེན་ནས་འཛུགས་གཉེར་བྱས་པའི་སྨན་བཅོས་ལས་ཁུངས་ལ་འཕྲད་དགོས་པའི་འགག་རྩ་ཐུག་ས་ཐོག་མ་དེ་ཡིན་ཞིང་། སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་དཀའ་བ་དང་ཚོད་འཛིན་མང་བ། འཕེལ་རྒྱས་གཏོང་ཁྱོན་ཆུང་བ་སོགས་ཀྱི་གནད་དོན་ལ་དམིགས་ནས《བྱེད་ཐབས》སུ་བྱེ་བྲག་གི་བྱེད་སྟངས3བཏོན་པ་རེད།

　　གཅིག་ནི་སྨན་བཅོས་ལས་ཁུངས་ཀྱིས་ཞིབ་བཤེར་ཆོག་མཆན་སྤྲད་པར་གཙང་བཤེར་དང་ཚད་ལྡན་དུ་གཏོང་བ། གཉིས་ནི་སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་ཁྱོན་ཆེ་རུ་གཏོང་བ། གསུམ་ནི་གཞུང་འཛུགས་སྨན་ཁང་གི་གཞི་ཁྱོན་ཚོད་འཛིན་བྱས་ཏེ་གཞུང་འཛུགས་སྨན་ཁང་གི་ལམ་ལུགས་བཅོས་བསྒྱུར་བྱེད་པ་ཚད་དང་ལྡན་པ་བྱ་དགོས།

　གསར་འགོད་པས། ཡིག་ཆའི་ཐོག་སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པ་དེ་རྒྱུན་མཐུད་དང་སྐྱོན་བྲལ་ངང་འཕེལ་རྒྱས་གཏོང་བར་རྒྱབ་སྐྱོར་བྱེད་པའི་བྱེ་བྲག་གི་སྲིད་ཇུས་གང་ཞིག་བཏོན་ཡོད་དམ།

　ལན། གཅིག་ནི་འཁོར་སྐྱོད་དང་ཞིབ་བཤེར་ཆོག་མཆན་གྱི་ཚོད་འཛིན་ཉུང་དུ་གཏོང་བ་དང་། གཉིས་ནི་ནོར་སྲིད་མ་དངུལ་གྱིས་འདེགས་སྐྱོར་བྱེད་ཤུགས་ཆེ་རུ་གཏོང་བ། གསུམ་ནི་སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པའི་མ་དངུལ་བསྡུ་གསོག་གི་ལམ་བུ་ཇེ་མང་གཏོང་བ་དང་མ་དངུལ་བསྡུ་རུབ་ཀྱི་སྲིད་ཇུས་བཟང་སྒྲུག་བྱེད་པ། བཞི་ནི་སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པའི་སྨན་བཅོས་ཉེན་འགོག་གི་འགྲོ་སོང་རྩིས་ཞུའི་སྲིད་ཇུས་འཐུས་སྒོ་ཚང་དུ་གཏོང་བ། ལྔ་ནི་ཏན་ཏིག་གིས་སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པའི་ཁྲལ་བསྡུ་དང་དངུལ་ལེན་པའི་སྲིད་ཇུས་ཁག་དོན་འཁྱོལ་ཡག་པོ་བྱེད་པ་བཅས་སོ།

　　གསར་འགོད་པས། སྨན་བཅོས་ཞབས་ཞུ་དང་རིག་གཞུང་ཆུ་ཚད་ཅུང་དམའ་བ་ནི་སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པའི་མི་འདང་ས་དེ་ཡིན། 《བྱེད་ཐབས》ཀྱིས་དེར་བརྟེན་བྱེ་བྲག་གི་བྱེད་སྟངས་གང་འདྲ་བཏོན་ཡོད་དམ་དམ།

　　ལན། གཅིག་ནི་སྨན་པ་དཀའ་བཅུ་པའི་ལས་གཉེར་མང་པོར་སྐུལ་འདེད་ཇེ་མགྱོགས་གཏོང་བ། སྨན་པ་དཀའ་བཅུ་པས་རིགས་མི་འདྲ་བ་དང་རིམ་པ་མི་འདྲ་བའི་སྨན་བཅོས་ལས་ཁུངས་བར་འཁོར་རྒྱུག་བྱེད་པར་སྐུལ་མ་དང་ཚད་ལྡན་གཏང་དགོས། གཉིས་ནི་གཞུང་འཛུགས་སྨན་བཅོས་ལས་ཁུངས་ཀྱིས་སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པའི་ལས་ཁུངས་ལ་སྨན་དོན་མི་སྣ་གསོ་སྐྱོང་བྱེད་པར་སྐུལ་མ་གཏང་དགོས། གསུམ་ནི་སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པའི་ལས་ཁུངས་ཀྱིས་ལག་རྩལ་གསར་པ་ནང་འདྲེན་དང་རྣམ་གྲངས་གསར་པ་སྤེལ་བ། ཁྱད་ཆོས་ལྡན་པའི་ནད་བརྟག་སྨན་བཅོས་ཞབས་ཞུ་མཁོ་འདོན་བྱེད་པར་སྐུལ་མ་གཏང་དགོས་པས་མ་ཚད། ད་རུང་གོ་མིང་དཔྱད་བསྡུར་གཏན་འབེབས་དང་ཚན་རིག་གི་ཞིབ་འཇུག་བྱ་གཞི་སུས་འཇོན་དེ་འགུག་དང་གྲུབ་འབྲས་ལ་གདེང་འཇོག་བྱེད་པ་སོགས་ཀྱི་ཐད་གཞུང་འཛུགས་སྨན་བཅོས་ལས་ཁུངས་དང་ཐོབ་ཐང་འདྲ་མཉམ་ལོངས་སུ་སྤྱོད་ཆོག་པ་ཡིན། བཞི་ནི་སྤྱི་ཚོགས་ནུས་ཤུགས་ཀྱིས་འཛུགས་གཉེར་བྱེད་པའི་སྨན་བཅོས་ལས་ཁུངས་གསོ་རིགས་ཀྱི་ལས་རིགས་མཐུན་ཚོགས་སུ་ཞུགས་པར་རྒྱབ་སྐྱོར་བྱས་ཏེ་སྤྱི་ཚོགས་ནུས་ཤུགས་ཀྱིས་འཛུགས་གཉེར་བྱེད་པའི་སྨན་བཅོས་ལས་ཁུངས་ཀྱི་མི་སྣའི་ཁྲིམས་མཐུན་ཁེ་དབང་ལ་འགན་སྲུང་བྱ་དགོས་ཞེས་གསུངས།

　གསར་འགོད་པས། སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པ་སྐུལ་འདེད་གཏོང་བ་དང་ཆབས་ཅིག་སྨན་བཅོས་ཉེན་མེད་ལ་འགན་སྲུང་ཅི་འདྲ་དང་ཞབས་ཞུའི་བྱ་སྤྱོད་ཚད་ལྡན་གང་འདྲ་བྱ་རྒྱུ་ཡིན་ནམ།

　ལན། སྤྱི་ཚོགས་ནུས་ཤུགས་ཀྱིས་འཛུགས་གཉེར་བྱེད་པའི་སྨན་བཅོས་ལས་ཁུངས་ཚུད་པའི་ཕྱོགས་གང་ཐད་ནས་ལྟ་སྐུལ་དང་ཁྲིམས་འཛིན་ནན་པོ་བྱ་དགོས་པའི་འབོད་སྐུལ་གཏང་དགོས། འདི་ནི་ནད་པར་སྲུང་སྐྱོང་བྱེད་པ་ཡིན་ལ། སྤྱི་ཚོགས་ནུས་ཤུགས་ཀྱིས་སྨན་ཁང་འཛུགས་གཉེར་བྱེད་པར་རྒྱབ་སྐྱོར་བྱེད་པའང་ཡིན། དེ་བས《བྱེད་ཐབས》ཀྱིས་བཏོན་དོན། གཅིག་ནི་སྤྱི་ཚོགས་ནུས་ཤུགས་ཀྱིས་འཛུགས་གཉེར་བྱེད་པའི་སྨན་བཅོས་ལས་ཁུངས་ཀྱི་འགན་ཁུར་པ་དང་འབྲེལ་ཡོད་ཀྱི་དོ་དམ་མི་སྣ་གསོ་སྐྱོང་བྱེད་ཤུགས་ཆེ་རུ་གཏང་དགོས། གཉིས་ནི་ལྟ་སྐུལ་དོ་དམ་གྱི་ནུས་པ་འཛུགས་སྐྲུན་བྱེད་ཤུགས་ཆེ་རུ་བཏང་ནས་ཁྲིམས་དང་མི་མཐུན་པའི་སྒོ་ནས་སྨན་བཅོས་བྱེད་པར་རྡུང་རྡེག་བྱ་དགོས། གསུམ་ནི་སྨན་བཅོས་ལས་ཁུངས་དང་ལས་སྒྲུབ་མི་སྣའི་ཡིད་རྟོན་ཐོ་འགོད་འཛུགས་པ་དང་འཐུས་སྒོ་ཚང་དུ་བཏང་སྟེ། ལུགས་འགལ་ཚབས་ཆེན་བྱས་ནས་ཡིད་རྟོན་མེད་པར་ཁྲིམས་ལ་བརྟེན་ནས་འབྲེལ་ཡོད་ཀྱི་ཆད་པ་གཅད་དགོས། བཞི་ནི་སྨན་བཅོས་ལས་ཁུངས་ཀྱི་རིགས་བགོས་ཏེ་དོ་དམ་བྱེད་པའི་སྲིད་ཇུས་འཐུས་སྒོ་ཚང་དུ་གཏང་དགོས་པ་དང་ཁེ་གཉེར་རང་བཞིན་མིན་པའི་སྨན་བཅོས་ལས་ཁུངས་ཀྱི་དོ་དམ་ཞིབ་སྲོལ་བཏོན་ནས་ལྟ་སྐུལ་དོ་དམ་གྱི་ཐབས་ཤེས་གསལ་པོ་བཏོན་དགོས་པ་རེད།།