ཡུན་ནན་ཞིང་ཆེན་ཝུན་ཧྲན་ཀྲོང་རིགས་མིའོ་རིགས་རང་སྐྱོང་ཁུལ་ཡན་ཧྲན་རྫོང་ཧྥ་ཐུའུ་ལུང་ས་ཁུལ་ནི་ཀྲོང་རིགས་དང་དབྱིས་རིགས། མིའོ་རིགས་སོགས་ལས་གྲུབ་པའི་མི་རིགས་མང་པོའི་འདུས་སྡེ་ས་ཁུལ་ཡིན་ཞིང་། ཞིང་དུད854དང་མི4100ལྷག་ཡོད། 2012ལོ་ནས་བཟུང་། རྒྱལ་ཁབ་དང་ས་གནས་དེ་གའི་སྲིད་གཞུང་གིས་རོགས་སྐྱོར་བྱས་འོག ཧྥ་ཐུའུ་ལུང་ས་ཁུལ་གྱི་ཧྥ་ཐུའུ་ལུང་དང་། ཞང་ཧྲུའེ་ལུང་། པའེ་ཧྲི་ཡན་སོགས་གྲངས་ཉུང་མི་རིགས3གྱི་གྲོང་སྡེར་གནད་ལ་སྨིན་པའི་དབུལ་སྐྱོར་ལས་གཞི་ནང་གི་མི་རིགས་མཐུན་སྒྲིལ་གྱི་དཔེ་སྟོན་གསར་སྐྲུན་ལས་གཞི་ལག་ལེན་བསྟར་འགོ་ཚུགས་ཡོད། ལས་གཞིར་འཆར་འགོད་དང་འཛུགས་སྐྲུན་བྱེད་རིམ་ས་གནས་དེ་གའི་སྲིད་གཞུང་གིས་ཉེན་ཁ་བཟོ་བཅོས་དང་། གྲོང་སྡེའི་འགྲོ་ལམ། མི་དང་ཕྱུགས་ཟོག་གི་འཐུང་ཆུ། ཁོར་ཡུག་མཛེས་བཟོ་སོགས་དམངས་འཚོའི་ལས་གཞི་སྤེལ་བར་སྐུལ་འདེད་བཏང་སྟེ། མང་ཚོགས་ཀྱི་སྡོད་ཁང་མེད་པ་དང་། ཕྱིར་བགྲོད་མི་བདེ་བ། འཐུང་ཆུ་རག་དཀའ་བ་སོགས་ཀྱི་ཐོན་སྐྱེད་འཚོ་བའི་ཆ་རྐྱེན་མི་འདང་བའི་གནད་དོན་ཤུགས་ཆེན་པོས་ཐག་གཅོད་བྱས་ཡོད། ཐོན་ལས་ལ་རྒྱབ་སྐྱོར་དང་འཕེལ་རྒྱས་གཏོང་བའི་ཐད་ས་གནས་དེ་གའི་སྲིད་གཞུང་གིས་ཚོང་ར་དང་འཚམ་པ་དང་། ཡུལ་བབ་དང་བསྟུན་པ། མཐུན་རྐྱེན་འདོན་སྤེལ། ཁྱད་ཆོས་མངོན་གསལ་དོད་པ་ཞེས་པའི་བསམ་ལམ་ལྟར། མང་ཚོགས་སྐུལ་ཁྲིད་བྱས་ཏེ་ཡུ་གུ་ཤིང་དང་སེ་པན་འདེབས་འཛུགས་བྱེད་པ་སོགས་སྲོལ་རྒྱུན་གྱི་ཐོན་ལས་ལས་གཞི་འཕེལ་རྒྱས་གཏོང་བ་དང་། གཟན་རྩྭ་བཏབ་སྟེ་ཕྱུགས་འཚོ་བ་དང་། ཞིང་དུད་ཀྱི་སྤྲོ་སྐྱིད་ཁང་། སྲེའུ་འདེབས་འཛུགས་སོགས་ཁྱད་ཆོས་ལྡན་པའི་ཐོན་ལས་སྤེལ་བར་ནང་འདྲེན་ཧུག་ཐག་བྱས།

　2014ལོར་གྲངས་ཉུང་མི་རིགས་ཀྱི་རང་བྱུང་གྲོང་སྡེ་གསུམ་གྱི་ལོ་རེར་ཆ་སྙོམས་མི་རེའི་ཡོང་འབབ་ཁེ་གཙང་སྒོར7180ལ་བསླེབས་། ད་ལྟར་ཡན་ཧྲན་རྫོང་ཕན་ལུང་ཤང་ཧྥ་ཐུའུ་ལུང་ས་ཁུལ་གྱི་རང་བྱུང་གྲོང་སྡེ3ལ་ཁག་འབྱེད་དེ་ཀྲོང་རིགས་ཀྱི་ཁྱས་ཆོས་ལྡན་པའི་ཞིང་ལས་ཀྱི་ཡུལ་སྐོར་ལྟ་སྐོར་གྱི་དཔེ་སྟོན་གྲོང་སྡེ་དང་། མིའོ་རིགས་ཀྱི་དམངས་སྲོལ་རིགས་གནས་ཀྱི་བྱེད་སྒོ། བཟའ་བཅའ་མྱོང་ཚོར་གྱི་དཔེ་སྟོན་གྲོང་སྡེ། དབྱིས་རིགས་ཀྱི་ཁྱད་ཆོས་ལྡན་པའི་སྐྱེ་ཁམས་གདོད་མའི་དཔལ་ཡོན་འཆམ་མཐུན་དཔེ་སྟོན་གྲོང་སྡེ་སོགས་འཛུགས་ཡོད།