ཀྲུང་གོ་བོད་ཀྱི་དྲ་བའི་འཕྲིན། མཚོ་སྔོན་ཞིང་ཆེན་རིག་གནས་གསར་འགྱུར་དཔེ་སྐྲུན་ཐིན་དང་།ཞིང་ཆེན་གནས་སྐོར་ཅུའུ།ཞིང་ཆེན་རྒྱང་སྒྲོག་བརྙན་འཕྲིན་ཅུའུ།ཞིང་ཆེན་ལུས་རྩལ་ཅུའུ།ཞིང་ཆེན་ཞིང་ཕྱུགས་ཐིན།ཞིང་ཆེན་ཚོང་དོན་ཐིན་བཅས་ཀྱིས་མཉམ་འབྲེལ་སྒོས་བསྒྲུབས་པའི་ཉིས་སྟོང་བཅོ་ལྔ་ལོའི་མཚོ་སྔོན་རིག་གནས་གནས་སྐོར་དུས་ཆེན་དེ་ཚེས་བཅུ་གསུམ་ཉིན་གྱི་སྔ་དྲོར་ཟི་ལིང་གྲོང་ཁྱེར་མཁར་ལྷོའི་རྒྱལ་སྤྱིའི་འགྲེམ་སྟོན་ལྟེ་གནས་ནས་གཟབ་རྒྱས་ངང་ཚོགས།རྒྱལ་ཡོངས་དམངས་འཐུས་ཚོགས་ཆེན་གྱི་རྒྱུན་ལས་ཨུ་ཡོན།ཕྱི་དོན་ཨུ་ཡོན་ལྷན་ཁང་གི་ཀྲུའུ་རིན་ཨུ་ཡོན་གཞོན་པ།རིག་གནས་པུའུ་ཡི་སྔོན་ཆད་ཀྱི་པུའུ་ཀྲང་གཞོན་པ་ཀྲའོ་ཧའོ་ཧྭ་དང་།རྒྱལ་ཡོངས་ཕྱིར་སྡོད་རང་མི་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་གཞོན་པ་ཧུའུ་ཧྲིན་ཚེ།རྒྱལ་ཁབ་གནས་སྐོར་ཅུའུ་ཡི་ཅུའུ་ཀྲང་གཞོན་པ་ལིས་ཧྲི་ཧུང་།ཧན་གོ་རྒྱལ་ཚོགས་ཀྱི་གྲོས་མི།ཕྱི་འབྲེལ་ཚོང་འགྲུལ་གཅིག་གྱུར་ཨུ་ཡོན་ལྷན་ཁང་གི་ཨུ་ཡོན་ཚོས་ཙེ་ཆན། ཉིན་ཞ་ཧོས་རིགས་རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ཡའོ་ཨེ་ཞིན།ཀན་སུའུ་ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་ཀྲང་ཅིན་ལེང་སོགས་མགོ་ཁྲིད་དང་མཚོ་སྔོན་ཞིང་ཆེན་གྱི་ཧྲིན་ཀྲང་ཧའོ་ཕིན་དང་།ཞིང་ཆེན་ཏང་ཨུའི་རྒྱུན་ལས་ཨུ་ཡོན།ཞིང་ཆེན་ཏང་ཨུའི་དྲིལ་སྒྲོག་པུའུ་ཡི་པུའུ་ཀྲང་ཀྲང་ཞི་མེན།ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་སུའུ་ཉིན།ཧྲིན་ཀྲང་གཞོན་པ་ཧན་ཅན་ཧྭ།ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་པོ་དབྱི་ཀྲི་སོགས་དུས་ཆེན་མགོ་རྩོམ་པའི་མཛད་སྒོར་ཞུགས།རེབ་འདིའི་རིག་གནས་གནས་སྐོར་དུས་ཆེན་སྟེང“ང་རང་མཚོ་སྔོན་ལ་དགའ།རིག་གནས་ཀྱི་མཚོ་སྔོན” ཞེས་པ་བརྗོད་གཞིར་བཟུང་ཡོད་པ་དང་།དེའི་དམིགས་ཡུལ་ནི་རིག་གནས་དང་ཐོན་ལས་མང་པོ་མཉམ་འདྲེས་ངང་འཕེལ་བར་སྔར་ལས་སྐུལ་འདེད་བྱས་ཏེ།རིག་གནས་གནས་སྐོར་དུས་ཆེན་དེ་རྒྱ་ཆེའི་མང་ཚོགས་ཀྱི་དུས་ཆེན་ཞིག་ཏུ་བསྒྲུབ་རྒྱུ་དེ་རེད།རིག་གནས་གནས་སྐོར་དུས་ཆེན་གྱི་ནང་དོན་ཕུན་སུམ་ཚོགས་ལ།རྣམ་པ་ཧ་ཅང་མང་།བསྡོམས་པས་འགྲེམ་སྟོན་དང་རིག་རྩལ་འཁྲབ་སྟོན།གླེང་སྟེགས་བཅས་བྱ་འགུལ་ཆེན་པོ་གསུམ་སྤེལ་རྒྱུ་རེད།མཚོ་སྔོན་ཟློས་གར་ཁང་ཆེན་མོ་ནས«རབ་མཛེས་མཚོ་སྔོན· དར་གོས་ཚོང་ལམ་གྱི་འོད་སྣང»ཞེས་པ་སོགས་ཀྱི་འཁྲབ་སྟོན་ཆེན་མོ་ཐེངས་གསུམ་སྤེལ་རྒྱུ་ཡིན་པ་དང་།ཞིན་ཉིན་ཐང་ཆེན་དང་།ལྟེ་གནས་ཐང་ཆེན།ཞིན་ཆན་ཐང་ཆེན་སོགས་ནས་མཚོ་སྔོན་མི་རིགས་སྲོལ་རྒྱུན་གྱི་གྱོན་ལྭ་ངོམ་པ་དང་ཐང་ཆེན་རིག་རྩལ་འཁྲབ་སྟོན་སོགས་བྱ་འགུལ་སུམ་ཅུ་ཙམ་སྤེལ་རྒྱུ་རེད།གླེང་སྟེགས་མཚམས་སྦྱོར་བྱ་འགུལ་ནང་དུ་གཙོ་བོ་མཚོ་སྔོན་རིག་གནས་དང་།རྒྱང་སྒྲོགལུས་རྩལ་ཐོན་ལས་ལས་གཞི་སོགས་མཚམས་སྦྱོར་ཚོགས་འདུ་དང་།གནས་སྐོར་ཐོན་ལས་ལས་གཞིའི་མཚམས་སྦྱོར་ཚོགས་འདུ།དར་གོས་ཚོང་ལམ་གྱི་ལས་རིགས་གསར་བ་དང་ཐོན་ལས་མཉམ་བསྲེས་གླེང་སྟེགས་སོགས་ཡོད།  །