ཀྲུང་གོ་བོད་ཀྱི་དྲ་བའི་འཕྲིན། རྒྱལ་ཡོངས་མི་རིགས་ལུས་རྩལ་འགྲན་ཚོགས་སྐབས་བཅུ་བ་བདེ་ལེགས་ངང་མཇུག་སྒྲིལ།ཟླ་བརྒྱད་པའི་ཚེས་བཅུ་བདུན་ཉིན།རྒྱལ་ཡོངས་མི་རིགས་ལུས་རྩལ་འགྲན་ཚོགས་སྐབས་བཅུ་བ་དེ་མཛེས་སྡུག་དཔལ་གྱིས་སྒེག་པའི་གྲོང་ཁྱེར་ཨི་ཨར་ཏོ་ནས་བདེ་ལེགས་ངང་མཇུག་སྒྲིལ་བ་དང་།དུས་ཡུན་ཉིན་དགུའི་རིང་གི་འགྲན་རྩོད་དྲག་པོ་རབས་དང་རིམ་པ་བརྒྱུད་མཐར།གཞི་ནས་མཚོ་སྔོན་ཞིང་ཆེན་གྱི་འཐུས་ཚབ་ཚོགས་པར་བྱ་དགའ་ཨང་དང་པོ་གཅིག་ཐོབ་པ་དང་།མཚོ་སྔོན་ཞིང་ཆེན་གྱི་མི་ལྔ་ལ་བྱ་དགའ་ཨང་གཉིས་པ་ཐོབ།མི་དགུ་ལ་བྱ་དགའ་ཨང་གསུམ་པ་ཐོབ།མི་བཞི་ལ་ཀུན་སྤྱོད་དཔེ་ལེགས་ཅན་གྱི་བྱ་དགའ་བཅས་ཐོབ་ཡོད།ཐེངས་འདིའི་མི་རིགས་ལུས་རྩལ་འགྲན་ཚོགས་ཀྱིས་ཀྱང་སྔར་སྲོལ་བཞིན་མི་རིགས་རང་བཞིན་དང་བདེ་ཐང་གི་རང་བཞིན།ཁྱབ་སྤེལ་གྱི་རང་བཞིན།ལྟད་མོ་མཚར་བོ་བཅས་ཀྱི་ཁྱད་ཆོས་དམིགས་སུ་བཟུང་ཡོད་པ་དང་།གཟུགས་གཞི་བདེ་ཐང་སྦྱོང་བརྡར་རྩལ་གྱི་རྩ་བའི་གོམ་སྟབས་དང་བོད་རིགས་བྲོ་གར་གྱི་སྟངས་སྟབས།སྐོར་བྲོ།རྡོག་བྲོ་སོགས་བྲོ་གར་སྒྱུ་རྩལ་གྱི་སྣ་ཁ་མང་པོ་གཞི་གཅིག་ཏུ་བསྲེས་ནས་འཁྲབ་སྟོན་བྱས་ཡོད་པས།དེས་ལྟད་མོ་ཁྲི་སྟོང་མང་པོའི་མིག་གི་རྒྱལ་མོ་ཅིག་ཅར་དུ་འཕྲོག་ཡོད།  །