ཟླ་7ཚེས་8ཉིན།བོད་ལྗོངས་རྟེན་མཛོད་ཁང་གི་སྒོ་དབྱེའི་མཛད་སྒོ་ལྷ་སར་སྤེལ་ཞིང་།བོད་ལྗོངས་རྟེན་མཛོད་ཁང་གི་སྤྱིའི་རྒྱ་ཁྱོན་ལ་སྨི་གྲུ་བཞི་མ་ཁྲི་6.5ཟིན་པ་དང་། མཛོད་ཁང་ནང་ཉར་ཚགས་བྱས་པའི་དངོས་པོ་ཁྲི་52ལྷག་ཙམ་ཡོད་པའི་ནང་རྩ་ཆེའི་རིག་དངོས་ཁྲི་4ལྷག་ཙམ་ཡོད་ཅིང་།འདི་ནི་བོད་ལྗོངས་ཁོངས་སུ་བསྟན་བཅོས་དང་། འགྲེམས་སྟོན། ཞིབ་འཇུག། སློབ་གསོ། ཞབས་ཞུ་སོགས་ཀྱི་བྱེད་ནུས་གཅིག་ཏུ་འདུས་པའི་རྒྱལ་ཁབ་རིམ་པ་དང་པོའི་དེང་རབས་ཅན་གྱི་ཕྱོགས་བསྡུས་རྟེན་མཛོད་ཁང་ཞིག་རེད། 

   2017ལོའི་ཟླ་10པར་བོད་ལྗོངས་ཀྱི“ལོ་ལྔ་ཚན་བཅུ་གསུམ་པའི”རིང་གི་སྤྱི་པའི་རིག་གནས་དམངས་ཕན་ལས་གྲྭ་གལ་ཆེན་ཞིག་ཡིན་པའི་ངོས་ནས་རྟེན་མཛོད་ཁང་འདི་བསྐྱར་སྐྲུན་རྒྱས་སྐྲུན་དངོས་སུ་བྱེད་འགོ་ཚུགས་ནས་རྒྱལ་ཁབ་ནས་ཁྱོན་མ་དངུལ་སྒོར་དུང་ཕྱུར་6.6བཏང་ཡོད།