སྤྱི་ཟླ1པོའི་ཚེས9ཉིན་གྱི་ཕྱི་དྲོར། མཚོ་སྔོན་ཞིང་ཆེན་མི་དམངས་སྲིད་གཞུང་གསར་འགྱུར་གཞུང་ལས་ཁང་གིས་གསར་འགྱུར་ཡོངས་བསྒྲགས་ཚོགས་འདུ་ཐེངས་གསུམ་པ་འཚོགས་པ་དང་། ཞིང་ཆེན་འཕྲལ་བསྟུན་དོ་དམ་ཐིང་་དང་ཞིང་ཆེན་ས་ཡོམ་ཅུས། ཞིང་ཆེན་མེ་གསོད་སྐྱོབ་བཅོས་སྤྱི་ཁྱབ་རུ་ཁག་བཅས་ཀྱིས་མཚོ་བྱང་མིན་ཡོན“1·8”རིམ་པ6.9ཅན་གྱི་ས་ཡོམ་གྱི་གསར་བྱུང་གནས་ཚུལ་ཁྱབ་བསྒྲགས་བྱས།

བསྡོམས་རྩིས་རགས་བསྡུས་བྱས་པ་ལྟར་ན། ཞིང་ཆེན་དམག་ཉེན་རུ་དཔུང་དང་འཕྲལ་བསྟུན། མེ་གསོད། ས་ཡོམ་དང་འགྲིམ་འགྲུལ། སྡོད་ཁང་དང་ཆུ་བེད། རང་བྱུང་ཐོན་ཁུངས་དང་གློག་ཤུགས། འཕྲིན་གཏོང་དང་འཕྲོད་བསྟེན། སློབ་གསོ་སོགས་ལས་ཁུངས་དང་འབྲེལ་ཡོད་ས་ཁུལ་གྱི་མི5000ལྷག་འགུལ་སྐྱོད་ཁྲོད་ཞུགས་པ་དང་། རླངས་འཁོར1100ལྷག་འགུལ་སྐྱོད་བྱས། ཐོག་མའི་གྲལ་བཤེར་བརྒྱུད་པ་ལྟར་ན། ཟླ1པོའི་ཚེས9ཉིན་གྱི་ཆུ་ཚོད0བར། མཚོ་བྱང་ཁུལ་དུ་བསྡོམས་པས་ཁྱིམ་ཚང59213དང་མི168368། ཁང་བ28537། ཕྱུགས་ར1601། རིམ་རྩིས་བྱས་ན་གྲོང་བརྡལ་གྱི་སྡོད་ཁང་འཛུགས་བསྐྲུན་ཐོག་ཁང121དང་། འཛུགས་སྐྲུན་གྱི་རྒྱ་ཁྱོན་སྨི་གྲུ་བཞི་མ་ཁྲི38.8ལ་གྲལ་བཤེར་བྱས། སློབ་གྲྭ179དང་སྨན་བཅོས་སྒྲིག་གཞི212། སྤྱི་ཚོགས་ཞབས་ཞུ་སྒྲིག་གཞི35ལ་གྲལ་བཤེར་བྱས། གཏེར་ཁ་སོགས་བཟོ་གཏེར་ཉོ་འཚོང་ཁེ་ལས157ལ་གྲལ་བཤེར་བྱས། གཞན་མཛེས་ལྗོངས་ཁུལ་དང་ཆུ་འདོན་དྲོད་འདོན་དྲ་བ། འཕྲིན་གཏོང་སྐུད་ལམ། གློག་དྲ། འགྲིམ་འགྲུལ་ལམ་བུ། ཆུ་བེད་བཟོ་གྲྭ་དང་མངོན་མེད་ས་རྒྱུ་གནོད་འཚེ་འབྱུང་གནས་སོགས་ལ་གྲལ་བཤེར་བྱས་པའི་གནས་ཚུལ་གཤམ་གསལ་ལྟར།