བོད་ལྗོངས་ཀྱི་བོད་ཡིག་གནའ་གཞུང་ཉམས་གསོ་བྱེད་སའི་ལྟེ་གནས་དེ་ཟླ་བ7པའི་ཚེས21ཉིན་ལྷ་སར་སྒོ་བྱང་བཀལ་ནས་བཙུགས་པ་རེད།ཉིན་དེར་སྐབས་དང་པོའི་བོད་ལྗོངས་གནའ་གཞུང་ཉམས་གསོ་འཛིན་གྲྭའང་སློབ་འགོ་ཚུགས།བོད་ལྗོངས་ས་གནས་སོ་སོ་ནས་ཡོང་བའི་སློབ་མ42ཀྱིས་དུས་ཡུན་ཉིན10རིང་རིན་པ་མི་དགོས་པའི་གསོ་སྐྱོང་སྦྱོང་བརྡར་གྱི་འཛིན་གྲྭར་གནའ་གཞུང་ཉམས་གསོ་བྱ་རྒྱུའི་ལག་རྩལ་སྦྱང་རྒྱུ་ཡིན་པར་མ་ཟད།ད་རུང་གནའ་གཞུང་ཉམས་གསོ་བྱེད་མཁན་ཆེད་རམས་པས་སྣེ་ཁྲིད་བྱས་འོག་རལ་བའི་བོད་ཡིག་གནའ་གཞུང་དང་ཚད་ལྡན་ཡིག་ཆ་ལ་ཉམས་གསོ་བྱ་རྒྱུ་རེད།2008ལོར་བོད་ལྗོངས་ཀྱིས་གནའ་གཞུང་ལ་སྲུང་སྐྱོང་བྱེད་པའི་ལས་ཀ་སྤེལ་བ་ནས་བཟུང་རལ་པའི་གནའ་གཞུང་འབོར་ཆེན་རྙེད་ཅིང་དེ་དག་ལ་མྱུར་སྐྱོབ་དང་སྲུང་སྐྱོང་བྱ་དགོས་ཀྱི་ཡོད་པས།བོད་ཡིག་གནའ་གཞུང་ཉམས་གསོ་ལྟེ་གནས་བཙུགས་པ་དེ་བོད་ཡིག་གནའ་གཞུང་ཉམས་གསོ་དང་སྲུང་སྐྱོང་བྱ་རྒྱུའི་ཆུ་ཚད་མཐོ་རུ་ཆེས་ཆེར་གཏོང་ཐུབ་ངེས་རེད།