ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རང་རྒྱལ་གྱི་ལོ་སྟོད་ཀྱི་ཁྲལ་བསྡུ་དང་བཟོ་ལས་ཁེ་ལས་ཀྱི་ཕན་འབྲས།ནུས་ཁུངས་མཁོ་འདོན་སོགས་དཔལ་འབྱོར་གཞི་གྲངས་རྣམས་ཚེས་ཉེར་བདུན་ཉིན་བསྒྲགས་པ་དང་།གཞི་གྲངས་ལྟར་ན།རྒྱལ་ཁབ་ཀྱི་ཐོན་ཚད་བརྟན་འཇགས་ངང་འཕར་སྣོན་གཏོང་བའི་སྲིད་ཇུས་རབ་དང་རིམ་པའི་ཕན་འབྲས་རིམ་བཞིན་མངོན་ཡོད།རྒྱལ་ཁབ་ཁྲལ་དོན་སྤྱི་ཁྱབ་ཅུའུ་ཡིས་བསྒྲགས་པ་ལྟར་ན།ད་ལོའི་ལོ་སྟོད་དུ་རྒྱལ་ཡོངས་ཀྱི་ཁྲལ་དོན་སྡེ་ཁག་གིས་བསྡོམས་པས་ཁྲལ་བསྡུ་ཡོང་སྒོ་སྒོར་ཁྲག་ཁྲིག་ཆེན་མོ་ལྔ་དང་ཁྲག་ཁྲིག་དགུ་ཐེར་ཆེན་གསུམ་ཐེར་འབུམ་བདུན་དུང་ཕྱུར་གསུམ་དུ་བསླེབས་ནས།སྔོན་ལོའི་དུས་མཉམ་ལས་བརྒྱ་ཆའི་དྲུག་ལྷག་འཕར།དུས་ཚིགས་གཉིས་པར་ཁྲལ་བསྡུ་འཕར་ཚད་བརྒྱ་ཆའི་བརྒྱད་དང་གྲངས་ཆུང་བརྒྱད་དེ་དུས་ཚིགས་དང་བོའི་བརྒྱ་ཆའི་གསུམ་དང་གྲངས་ཆུང་བཞིའི་འཕར་ཚད་ནས་བརྒྱ་ཆའི་ལྔ་དང་གྲངས་ཆུང་བཞི་འཕར།གཞི་གྲངས་ལྟར་ན།ཐོན་ལས་གསུམ་པའི་ཁྲལ་བསྡུ་འཕར་ཚད་ཐོན་ལས་གཉིས་པ་་མཐོ་ཞིང་།བསྡུར་ཚད་ཀྱང་ཐོན་ལས་གཉིས་པ་ལས་བརྒྱ་ཆའི་བཅུ་གཉིས་ལྷག་གིས་མཐོ།
རྒྱལ་ཁབ་སྡོམ་རྩིས་ཅུའུ་ཡིས་བསྒྲགས་པ་ལྟར་ན།ད་ལོའི་ཟླ་དང་པོ་ནས་ཟླ་དྲུག་པའི་བར་དུ།རྒྱལ་ཡོངས་ཀྱི་གཞི་ཁྱོན་ཡན་གྱི་བཟོ་ལས་ཁེ་ལས་ཀྱི་ཁེ་སྤོགས་སྤྱི་གྲངས་དེ་དུས་མཉམ་ལས་བརྒྱ་ཆའི་ཐིག་དང་གྲངས་ཆུང་བདུན་མར་བབས་པ་དང་།བཟོ་ལས་རིགས་ཀྱི་ལས་རིགས་ཞེ་གཅིག་གི་ཁྲོད་ནས་ལས་རིགས་སུམ་ཅུའི་ཁེ་སྤོགས་སྤྱི་གྲངས་དུས་མཉམ་ལས་ཇེ་མང་དུ་སོང་བ་དང་།ལས་རིགས་བཅུ་གཅིག་གི་ཁེ་སྤོགས་མར་བབས།  །