ཀྲུང་གོ་བོད་ཀྱི་དྲ་བའི་འཕྲིན། ཉེ་ལམ།གསར་འགོད་པས་མཚོ་སྔོན་ཞིང་ཆེན་སྡོད་ཁང་མཁར་གྲོང་འཛུགས་སྐྲུན་ཐིན་ནས་རྒྱུས་ལོན་བྱུང་བ་ལྟར་ན།ད་ལོའི་ལོ་སྟོད་དུ།ཞིང་ཆེན་ཡོངས་ཀྱི་མཐོ་སྒང་གི་མཛེས་སྡུག་ཞང་སྡེ་སུམ་བརྒྱ་འཛུགས་སྐྲུན་བྱེད་པའི་བྱ་བ་བདེ་བླག་ངང་སྤེལ་བཞིན་ཡོད་པ་དང་།ཟླ6པའི་ཟླ་མཇུག་བར་དུ།རིམ་པ་སོ་སོའི་ནོར་སྲིད་མ་དངུལ་དུང་ཕྱུར6.71བཀོད་སྒྲིག་བྱས་པ་དང་།རིགས་མི་འདྲ་བའི་འཛུགས་སྐྲུན་ལས་གཞི2067ལག་བསྟར་བྱས་ལ།ལས་གཞི1088དངོས་སུ་འཛུགས་སྐྲུན་བྱེད་མགོ་བརྩམས་པ་དང་།ལས་གཞི་བརྒྱ་དང་བཅུ་གཉིས་ལེགས་འགྲུབ་བྱུང་ཡོད་ལ།དེའི་ཐད་མ་དངུལ་སྒོར་དུང་ཕྱུར8.45བཏང་།འཛུགས་སྐྲུན་སྡེ་བ280འཆར་འགོད་སྒྲིག་བཟོ་བྱ་བ་ཡོངས་འགྲུབ་བྱས་པ་དང་།ཞིང་ཆེན་དང་གྲོང་ཁྱེར།རྫོང་བཅས་ཀྱི་ཏང་སྲིད་དམག་གསུམ་དང་ཁེ་ལས་ཀྱི་མཉམ་འཛུགས་སྡེ་ཁག1019བཀོད་སྒྲིག་བྱས།
རྒྱུས་ལོན་པ་ལྟར་ན།མཐོ་སྒང་གི་མཛེས་སྡུག་ཞང་སྡེ་འཛུག་སྐྲུན་ལག་བསྟར་བྱས་པའི་ཚུན་ནས།མཚོ་སྔོན་ཞིང་ཆེན་གྱིས་ས་བབ་དང་བསྟུན་པ་དང་།རིགས་བགར་ནས་མཛུབ་སྟོན་བྱེད་པ།སྔོན་དུ་འཆར་འགོད་དང་སྒྲིག་སྲོལ་འཐུས་ཚང་དུ་གཏོང་བ།གཙོ་གནད་འབུར་ཐོན་བྱེད་པ།གཅིག་གྱུར་མཐུན་སྦྱོར་བྱེད་པའི་སྤྱིའི་རེ་བ་དང་དམ་དུ་དམིགས་ནས།ཏང་ཡོན་དཔེ་ལེགས་པས་སྣེ་ཁྲིད་བྱས་ནས།རོང་འབྲོག་དམངས་ཀྱི་སྡོད་ཁང་ཆ་རྐྱེན་ལེགས་བསྒྱུར་བྱེད་པ་དང་།སྡེ་བའི་རྨང་གཞིའི་སྒྲིག་ཆས་དང་སྤྱི་བའི་ཞབས་ཞུ་སྒྲིག་ཆས་ཆ་སྡེབས་དང་འཐུས་ཚང་དུ་གཏོང་བ།སྡེ་བའི་ཁོར་ཡུག་ལེགས་བཅོས་བྱེད་པ།ཁྱད་ཆོས་ཐོན་ལས་འཕེལ་རྒྱས་སུ་གཏོང་བ།ལས་ཞུགས་བར་སྟོང་རྒྱ་བསྐྱེད་དང་སྡེ་དམངས་ཀྱི་རང་སྐྱོང་བྱེད་པའི་སྒྲིག་སྲོལ་འཐུས་ཚང་དུ་གཏོང་བ་བཅས་གཙོར་བཟུང་ནས་སྟོབས་ཤུགས་ཡོད་རྒུས་བྱ་བ་སྤེལ།
དུས་མཚུངས་སུ།མཚོ་སྔོན་ཞིང་ཆེན་གྱིས་ད་དུང་ཆེད་དུ་མཚོ་སྔོན་ཞིང་ཆེན་གྱིས་མཐོ་སྒང་གི་མཛེས་སྡུག་ཞང་སྡེ་འཛུགས་སྐྲུན་དང་ལས་དར་དམངས་ཕྱུག་བཟོ་སྐྲུན་ལག་བསྟར་བྱེད་པའི་བསམ་འཆར་འགྲེམ་སྤེལ་བྱས་ནས།མཐོ་སྒང་གི་མཛེས་སྡུག་ཞང་སྡེ་འཛུགས་སྐྲུན་དང་ལས་དར་དམངས་ཕྱུག་བཟོ་སྐྲུན་སྤེལ་ཚད་ཇེ་མགྱོགས་སུ་བཏང་།བསམ་འཆར་ཁྲོད་མཐོ་སྒང་གི་མཛེས་སྡུག་ཞང་སྡེ་ཡིས་ས་ཞིང་དང་རྩྭ་སའི་འགན་ལེན་ཉོ་ཚོང་དབང་ཆ་སྐོར་སྐྱོད་བྱེད་པ་དང་།རྣམ་པ་མང་བའི་ཁྱད་ཆོས་ཐོན་ལས་འཕེལ་རྒྱས་སུ་གཏོང་བ།རོང་འབྲོག་ཁུལ་གྱི་སྤྱི་བའི་ཞབས་ཞུའི་རྒྱུ་སྤུས་མཐོར་འདེགས་བྱེད་པ་དང་།རོང་འབྲོག་དམངས་ཀྱི་འཚོ་བའི་རྩོལ་ནུས་ར་བ་གསར་སྐྲུན་བྱེད་པ།བག་ཕེབས་ཞིང་ལས་དང་ཞང་སྡེའི་གནས་སྐོར་འཕེལ་རྒྱས་ལ་སྐུལ་འདེད་བྱེད་པ་བཅས་བྱས་ནས།རོང་འབྲོག་དམངས་ཀྱི་ཡོང་སྒོ་ཇེ་མང་དུ་གཏོང་བར་སྐུལ་སློང་དང་རྒྱབ་སྐྱོར་བྱས་ཡོད།  །