ཟླ7པའི་ཚེས29ཉིན་ལ་སི་ཁྲོན་ཞིང་ཆེན་མི་རིགས་ཆོས་ལུགས་དོན་ལས་ཨུ་ཡོན་ལྷན་ཁང་དང་སི་ཁྲོན་ཞིང་ཆེན་མི་རིགས་སྐད་ཡིག་ལས་དོན་ཨུ་ཡོན་ལྷན་ཁང་གིས་བསྒྲུབས་པའི་སི་ཁྲོན་ཞིང་ཆེན་མི་རིགས་སྐད་ཡིག་ལས་ཀའི་ལས་སྒོ་གསོ་སྦྱོང་ཚོགས་འདུ་དེ་ཁྲེང་ཏུའུ་ལ་འཚོགས་པ་རེད།གསོ་སྦྱོང་ཚོགས་འདུ་འགོ་ཚུགས་དུས་མི་རིགས་ཆོས་ལུགས་དོན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ལིའུ་ཝུན་ཀྲི་ཡིས་མི་རིགས་སྐད་ཡིག་ལས་དོན་སྐོར་གྱི་འབྲས་བུ་དང་ད་དུང་མདུན་དུ་ལྷག་པའི་གནད་དོན་སོགས་ཀྱི་ཐད་ལ་གསུང་བཤད་གནང་།ཐེངས་འདིའི་གསོ་སྦྱོང་ཚོགས་འདུར་མི་རིགས་ས་ཁུལ་གྱི་འབྲེལ་ཡོད་ལས་ཁུངས་དང་མི་རིགས་སློབ་གླིང་།ཞིང་ཆེན་རིམ་པའི་འབྲེལ་ཡོད་ལས་ཁུངས་ཀྱི་མི་སྣ་དྲུག་ཅུ་ལྷག་ཙམ་ཞུགས་ཡོད་ལ་ཉིན་གསུམ་གྱི་རིང་ལ་ཆེད་མཁས་པ་རྣམས་ཀྱིས་སྐད་རིགས་མང་པོའི་མཐོ་རིམ་སློབ་གསོ་དང་གྲངས་ཉུང་མི་རིགས་ཀྱི་དེང་རབས་ཅན་གྱི་ཤེས་ཡོན་པ་གསོ་སྐྱོང་བྱ་རྒྱུ་དང་རང་རྒྱལ་གྱི་གྲངས་ཉུང་མི་རིགས་ཀྱི་སྐད་ཡིག་སྲིད་ཇུས་སྐོར་གྱི་བསམ་གཞིག་བཅས་ནས་འཆད་ཁྲིད་གནང་རྒྱུ་དང་ལས་ཁུངས་སོ་སོས་མི་རིགས་སྐད་ཡིག་སྐོར་ལ་བསམ་འཆར་བརྗོད་རེས་བྱ་རྒྱུ་རེད།­­