ཧྲིན་ཀྲང་ཧའོ་ཕིན་གྱིས་ས་གདན་ཐོན་རྫས་ཀྱི་སྤུས་ཚད་ལ་ལྟ་ཞིབ་བྱེད་བཞིན་པ།

ཀྲུང་གོ་བོད་ཀྱི་དྲ་བའི་འཕྲིན། ཟླ6པའི་ཚེས25ཉིན།2015ལོའི་ཀྲུང་གོའི་མཚོ་སྔོན་བོད་ཀྱི་ས་གདན་རྒྱལ་སྤྱིའི་འགྲེམ་སྟོན་ཚོགས་འདུ་མཚོ་སྔོན་རྒྱལ་སྤྱིའི་འགྲེམ་སྟོན་ལྟེ་གནས་སུ་ཚོགས་འགོ་བརྩམས།ཞིང་ཆེན་ཏང་ཨུའི་ཧྲུའུ་ཅི་གཞོན་པའམ། ཧྲིན་ཀྲང་ཧའོ་ཕིན་དང་ཀྲུང་གོའི་འཁལ་འཐག་མཉམ་འབྲེལ་ལྷན་ཚོགས་ཀྱི་ཚོགས་གཙོ་གཞོན་པའམ།དྲུང་ཡིག་ཆེན་མོ་ཀའོ་ཡོན་གཉིས་ཀྱི་མཉམ་གཅིག་ཏུ་ས་གདན་འགྲེམ་སྟོན་ཚོགས་འདུ་བསྡུ་འགོ་རྩོམ་པའི་མཛད་སྒོ་བསྡུས།ཉིན་དེའི་སྔ་དྲོར།ཐུན་མོང་མ་ཡིན་པའི་བརྗོད་དོན་ཉིན་མོའི་བྱ་འགུལ་སྤེལ་འགོ་བརྩམས་པ་དང་།  རྒྱ་གར་དང་དབྱི་ལང་།ཐུའུ་ཁུའུ་མན་སུ་ཐན་དང་ཐ་ཅེ་ཁི་སུ་ཐན།ཐུར་ཁེ།ཕྱི་སོག་དང་ནེ་པ་ལ།ཨ་ཧྥུ་ཧན།ཕ་ཁི་སི་ཐན་སོགས་རྒྱལ་ཁབ་ཀྱིས་གླུ་གར་འཁྲབ་སྟོན་དང་ས་གདན་འགྲེམ་སྟོན།གྱོན་ཆས་འགྲེམ་སྟོན་སོགས་བྱ་འགུལ་སྤེལ་ནས་ལྟད་མོ་བའི་ཡིད་དབང་བཀུག་པ་རེད།གླུ་གར་འཁྲབ་སྟོན་སོགས་བྱ་འགུལ་སྤེལ་བའི་ཁྲོད་ད་དུང་བོད་ཀྱི་ས་གདན་འཁལ་འཐག་དང་ཚོས་རྒྱག་པ།བསླས་འཐག་སོགས་ཡུལ་དངོས་སུ་འཁྲབ་སྟོན་བྱས་པ་རེད།
 

ཞིང་ཆེན་ཏང་ཨུའི་རྒྱུན་ཨུའམ།ཟི་ལིང་གྲོང་ཁྱེར་གྱི་ཏང་ཨུའི་ཧྲུའུ་ཅི་ཝང་ཞའོ་དང་ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ཚའོ་ཝུན་ཧོ།ཧྲིན་ཀྲང་གཞོན་པ་ཀོའ་དཔའ། ཧྲིན་ཀྲང་གཞོན་པ་ཧན་ཅན་དཔའ་དང་ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་མྰ་ཀྲུའུ་ཝུས་སོགས་ཞིང་ཆེན་གྱི་འགོ་ཁྲིད་དང་། ཀྲུང་གོ་རུ་སྡོད་པའི་ཨུ་རུ་སུ་དཀར་པོའི་གཞུང་ཚབ་ཆེན་མོ་པུ་ལོས་ཡ་ཝུས་ཁུ་ཏའོ་ཕ་ཧྥུ་ལའོ་ཝུས་ཆུས་དང་ཀྲུང་གོ་རུ་སྡོད་པའི་ཐུའུ་ཁུའུ་མན་སུ་ཐན་གྱི་གཞུང་ཚབ་ཆེན་མོ་ཆུས་ན་ཨར་ལའོ་སུ་ཅེ་མའོ་ཝ།ཀྲུང་གོ་རུ་སྡོད་པའི་དབྱི་ལང་གི་གཞུང་ཚབ་ཁང་གི་ཚན་ཙན་སའེ་ཡུས་ཏུའུ་ཨ་ཡུས་གྲ་ཏའེ།ཅུས་ཨར་ཅུས་སུ་སུ་ཐན་མི་དམངས་ཚང་འཛོམས་ཚོགས་ཆེན་ཨུ་ཡོན་ལྷན་ཁང་ཀྲུའུ་ཞི་ཚོགས་པའི་ཚོགས་མི་སའོ་ལོས་མྰ་ཧྥུ་པ་ཧ་ཏའེ་ཨར་ཡུས་སུ་ཁ་ཁུ་ཝུས་ཆུས།ཀྲུང་གོའི་ཁྱིམ་བཀོལ་འཁལ་འཐག་ཐོན་རྫས་ལས་རིགས་མཐུན་ཚོགས་ཀྱི་ཚོགས་གཙོ་དབྱང་ཀྲའོ་ཧ་དང་ཀྲུང་གོའི་ཞིང་ཕྱུགས་ཟས་རིགས་ཐོན་རྫས་ཕྱི་ཚོང་ནང་འདྲེན་ཚོང་ཚོགས་ཀྱི་ཚོགས་གཙོ་པན་ཀྲུན་ཧའོ།འཛམ་གླིང་ལག་ཤེས་ས་གདན་མཐུན་ཚོགས་ཀྱི་ཀྲུའུ་ཞི་ཁའོ་ཁེ།རྒྱ་གར་ས་གདན་ཕྱི་ཚོང་སྐུལ་སྤེལ་ཨུ་ཡོན་ལྷན་ཁང་གི་ལག་བསྟར་ཨུ་ཡོན་གྱི་ཞུས་ཧྥུ་ན་རན་ཧྲའོ་ཁུ་ཨན་སོགས་ཕྱི་རྒྱལ་ས་གདན་མཐུན་ཚོགས་ཀྱི་འབྲེལ་ཡོད་འགན་ཁུར་བ་སོགས་བརྗོད་དོན་ཉིན་མོའི་བྱ་འགུལ་ལ་ཞུགས།
ཤེས་གསལ་ལྟར་ན།ཐེངས་འདིའི་འགྲེམ་སྟོན་ཚོགས་འདུ་ལ་རྒྱལ་ཁབ13གྱི་ཁེ་ལས་ཞུགས་པ་དང་།འཇར་མན་དང་སུའེ་ཙེར།ཧྥ་རན་སེ་སོགས་རྒྱལ་ཁབ5ཡི་ཕྱི་ཚོང་ཁེ་ལས22ཞུགས་ཡོད་པ་མ་ཟད།རྒྱལ་ནང་གི་ཞིན་ཅང་དང་ནང་གསོ།ཧྲན་ཏུན་དང་བོད་ལྗོངས།ཀན་སུའུ།ཅང་སའོ།ཧུ་པའེ་དང་པེ་ཅིན།ཐན་ཅིན་དང་ཀོང་ཏུང་།ཀྲའེ་ཅང་བཅས་རང་ཞིང་གི་ཞིང་ཆེན་དང་གྲོང་ཁྱེར་གྱི་ཁེ་ལས88ཞུགས་ཡོད་པ་རེད།  །