མི་དམངས་དྲ་བའི་འཕྲིན།ཟླ6ཚེས27ཉིན་གསར་འགོད་པས་སི་ཁྲོན་ཞིང་ཆེན་རྔ་བ་རྫོང་དྲིལ་བསྒྲགས་པུའུ་ནས་ཤེས་རྟོགས་བྱུང་བ་ལྟར་ན།སི་ཁྲོན་ཞིང་ཆེན་རྔ་བ་རྫོང་དུ་བྱུང་བའི"6•26"ཆུ་སྐྱོན་ལས་མི6ལ་རྨས་སྐྱོན་ཕོག་པ་དང་།མི2རྐྱེན་ལམ་དུ་ཤོར་ཞིང་།རྫོང་ཡོངས་ཀྱི་ཁྱིམ་དུད4329ཡི་མི་གྲངས་ཁྲི་2ལྷག་ཙམ་ལ་གནོད་སྐྱོན་ཕོག་པ་མ་ཟད།ས་གཤིས་ཀྱི་གནོད་འཚེ་མངོན་མེད་རྐྱེན་ངན་གནས་ས་གསར་པ16མང་དུ་སོང་བ་རེད།
ཟླ6ཚེས26ཉིན་གྱི་ཕྱི་དྲོའི་ཆུ་ཚོད20ནས23བར་རྔ་བ་རྫོང་དུ་ཆར་རླུང་དྲག་པོ་དང་སེར་བ་དྲག་པོ་འབབ་པའི་གནམ་གཤིས་བྱུང་ཞིང་།གློག་འཁྱུག་ཅིང་འབྲུག་སྒྲ་གྲགས་པ་དང་།ཆར་པ་དང་སེར་བ་དྲག་པོ་ཆུ་ཚོད་གསུམ་ལྷག་ཙམ་རྒྱུན་མཐུད་འབབ་ནས་ཆར་པ་འབབ་ཚད་ཧའོ་སྨི33ཟིན་པ་རེད།ཐེངས་འདིར་ཆར་པ་དྲག་པོ་འབབ་ཚད་ཆེ་བ་དང་དུས་ཡུན་རིང་བས།གློ་་བུར་དུ་ཆུ་ལོག་དང་འདམ་རྡོའི་ཆུ་རུད་བཅས་པའི་རང་བྱུང་གནོད་འཚེ་ཚབས་ཆེན་ཁྱབ་རྒྱ་ཆེ་ཞིང་སྣ་མང་ལ་གཏོར་བརླག་གི་རང་བཞིན་ཆེ་བ་བྱུང་ནས་ཞིང་ཁ་གཞི་རྒྱ་ཆེ་བ་དང་།ཟམ་པ་དང་བགྲོད་ལམ་མང་པོ་ཆུས་གཤིག་པ་རེད།དུས་ད་ལྟའི་བར་རྔ་བ་རྫོང་ཡོངས་དུ་ཁྱིམ་དུད4329ཡི་མི་གྲངས་ཁྲི2ལྷག་ཙམ་ལ་གནོད་སྐྱོན་ཕོག་པ་དང་།ས་གཤིས་ཀྱི་གནོད་འཚེ་མངོན་མེད་རྐྱེན་ངན་གནས་ས་གསར་པ16མང་དུ་སོང་བ་མ་ཟད།ཆུ་སྐྱོན་གནོད་འཚེ་ལས་མི6ལ་རྨས་སྐྱོན་ཕོག་པ་དང་།མི2རྐྱེན་ལམ་དུ་ཤོར་བ་རེད།