ཀྲུང་གོ་བོད་ཀྱི་དྲ་བའི་འཕྲིན། བོད་རང་སྐྱོང་ལྗོངས་ཏང་ཨུ་རྒྱུན་ལས་ཨུ་ཡོན་ལྷན་ཁང་གིས་ཟླ་དྲུག་པའི་ཚེས་སུམ་ཅུ་ཉིན་ཞིབ་འཇུག་བྱས་མཐར། ཀྲུང་གུང་བོད་ལྗོངས་མི་རིགས་སློབ་ཆེན་ཨུ་ཡོན་ལྷན་ཁང་དང་ཀྲུང་གུང་བོད་ལྗོངས་མི་རིགས་སློབ་ཆེན་གྱི་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་འཛུགས་རྒྱུར་མོས་མཐུན་བྱུང་བ་དང་། དེས་བོད་ལྗོངས་མི་རིགས་སློབ་ཆེན་ཏང་སྲིད་ཚན་ཁག་དེ་དངོས་སུ་ལས་ཁུངས་གསར་པ་ལྟར་འཁོར་རྒྱུག་བྱས་པ་མཚོན་ཡོད།

བོད་རང་སྐྱོང་ལྗོངས་སློབ་གསོ་ཐིན་གྱིས་ངོ་སྤྲོད་བྱས་པར་ལྟར་ན། བོད་ལྗོངས་མི་རིགས་སློབ་གླིང་གི་མིང་བསྒྱུར་བ་དེ་ནི་སློབ་གསོ་པུའུ་ཡིས་ད་ལོའི་ཟླ་བཞི་པར་ཆོག་མཆན་གནང་བ་ཡིན་ལ། མིང་བསྒྱུར་དོན་ནི་སློབ་གྲྭའི་མ་འོངས་པའི་འཕེལ་རྒྱས་ཀྱི་ཆེད་དུ་རེད། བོད་ལྗོངས་མི་རིགས་སློབ་གླིང་ནི་བོད་ལྗོངས་ཀྱི་སློབ་ཆེན་ཐོག་མ་ཡིན་ཏེ། གཅིག་དགུ་ང་གཅིག་ལོར་བོད་ཞི་བས་བཅིངས་འགྲོལ་བཏང་རྗེས། བོད་ལྗོངས་ས་གནས་དེ་གའི་མི་རིགས་ལས་བྱེད་པ་གསོ་སྐྱོང་བྱ་ཆེད། རང་རྒྱལ་གྱིས་བོད་ལྗོངས་ནང་སའི་སློབ་གྲྭ་བསྒྲུབས་ཏེ་བོད་རིགས་གཞོན་ནུ་རྣམས་ནང་སར་བསྐྱལ་ནས་གསོ་སྐྱོང་བྱ་རྒྱུ་ཐག་བཅད་པ་རེད།  །