ཀྲུང་གོ་བོད་ཀྱི་དྲ་བའི་འཕྲིན། ཟླ5ཚེས16ཉིན་ནས་ཟླ8ཚེས16ཉིན་བར“བོད་ཀྱི་མཆོག་ནོར—བོད་ཀྱི་སྐྱེད་ཚལ་རིག་དངོས་འགྲེམས་སྟོན”དེ་ཀྲུང་གོ་སྐྱེད་ཚལ་རྟེན་རྫས་བཤམས་མཛོད་ཁང་དུ་གཉེར་རྒྱུ་ཡིན་པ་རེད།　ཐེངས་འདིའི་འགྲེམས་སྟོན་ཐོག་བོད་ཀྱི་ནོར་བུ་གླིང་ཁར་ཉར་ཚགས་བྱས་པའི་རྩ་ཆེའི་རིག་དངོས་མང་པོ་པེ་ཅིང་དུ་འགྲེམས་སྟོན་བྱེད་ཐེངས་དང་པོ་ཡིན་པ་དང་།　འགྲེམས་སྟོན་ནང་ནོར་བུ་གླིང་ཁར་ཉར་ཚགས་བྱས་པའི་སྤུས་ལེགས་ཀྱི་བོད་བཟོའི་རིག་དངོས108འགྲེམས་སྟོན་བྱས་པའི་ཁྲོད་རྒྱལ་ཁབ་ཀྱི་རིམ་པ་དང་པོའི་རིག་དངོས་ཡོད་ལ་སུང་རྒྱལ་རབས་ཀྱི་སྟོན་པའི་གསེར་ཟངས་བཞེངས་སྐུ་དང་ཨ་ཏི་ཤའི་ཟི་ཁྱིམ་སྐུ་བརྙན་སོགས་རྩ་ཆེའི་རིག་དངོས་ཀྱང་ཡོད་པ་རེད།
ཀྲུང་གོའི་སྐྱེད་ཚལ་རིག་གནས་ཀྱི་ལོ་རྒྱུས་རིང་ལ་ནང་དོན་གཏིང་ཟབ་པོ་ཡོད་ཅིང་།　བྱང་ཕྱོགས་ཀྱི་སྐྱེད་ཚལ་འགྲེམས་སྟོན་ཐོག་ནས་བརྗིད་ཉམས་ལྡན་པ་དང་གཟི་མདངས་འཕྲོ་བའི་ཁོག་ཡངས་ཀྱི་ཉམས་འགྱུར་མཚོན་པ་དང་།　ལྷོ་ཕྱོགས་ཀྱི་སྐྱེད་ཚལ་འགྲེམས་སྟོན་ཐོག་ནས་ཞི་འཇམ་ཉམས་ཆུང་དང་སྒེག་མོའི་སྒེག་ཉམས་ཀྱི་ཚིག་འཇམ་མངོན་ཆུང་གི་ཉམས་འགྱུར་མཚོན་པ།　མཚོ་བོད་ས་མཐོའི་བོད་ལུགས་སྐྱེད་ཚལ་གྱི་དཔེ་མཚོན་མཚོན་བྱེད་ཡིན་པའི་ནོར་བུ་གླིང་ཁར“ནོར་བུའི་གླིང་ཁ”ཞེས་པའི་མཚན་སྙན་ལྡན་ཡོད།　ངོ་སྤྲོད་བྱས་པར་གཞིགས་ན།　འགྲེམས་སྟོན་བྱས་པའི་རྩ་ཆེའི་རིག་དངོས108ནང་ནང་བསྟན་གྱི་སྐུ་འདྲ་དང་།　འཚོ་བའི་རྒྱུན་སྤྱོད་ཡོ་བྱད།　ཐང་ག　མཆོད་ཆས་བཅས་དང་དེ་བཞིན་པར20ལྷག་ཙམ་ཡོད་པ་ཚང་མ“ཨ་ཡོད་ནང་གི་ད་ཡོད”ཡིན་པས་བཟོ་ལུགས་སྐྱེད་ཚལ་གྱི་ཁྱད་འཕགས་ཉམས་འགྱུར་མངོན་པ་མ་ཟད།　ད་དུང་སྐྱེ་བོ་ཀུན་ལ་ལོ་རྒྱུས་ཡུན་རིང་ལྡན་པ་དང་།　ལག་ཤེས་ཁྱད་དུ་འཕགས་པ།　མཛེས་ཤིང་ལྟ་ན་སྡུག་པ་བཅས་ཀྱི“ནོར་བུའི་གླིང་ཁ”ཞིག་ཕྱོགས་ཡོངས་ནས་མངོན་ཡོད་པ་རེད།  །