སྡེ་དགེ་རྫོང་གིས་ཞིང་འབྲོག་དུད་ཚང་ལ་དཔེ་གསར་ཅན་གྱི་འབྲུ་མཛོད་ཆུང་ཆུང་བྱིན།

དངོས་གྲུབ་སྒྲོལ་མས་བསྒྱུར། 2015-06-12

ཉེ་ཆར། སྨྱུག་འཛིན་པས་སྡེ་དགེ་རྫོང་འཕེལ་རྒྱས་དང་བཅོས་བསྒྱུར་ཅུས་ནས་ཤེས་རྟོགས་བྱུང་བར་གཞིགས་ན། ད་ལོར་སྡེ་དགེ་རྫོང་གིས་ཞིང་འབྲོག་དུད་ཚང18400ལ་དཔེ་གསར་ཅན་གྱི་འབྲུ་མཛོད་ཆུང་ཆུང་བྱིན་ནས་གཞི་རྩའི་ཐོག་ཞིང་ཁུལ(རོང་མ་འབྲོག)དང་ཞིང་འབྲོག་དུད་ཚང་ཡོངས་ལ་ཁྱབ་པར་བྱ་རྒྱུ་ཡིན་པ་རེད།ཤེས་རྟོགས་བྱུང་བར་གཞིགས་ན། ཞིང་འབྲོག་དུད་ཚང་གིས་ཚན་རིག་དང་མཐུན་པའི་འབྲུ་རིགས་གསོག་འཇོག་བྱེད་པའི་ལས་ཀ་བདེ་བླག་ངང་སྤེལ་བར་སྐུལ་འདེད་གཏོང་བར་ཁག་ཐེག་བྱས་ཏེ། དངོས་གནས་ཀྱིས་ཞིང་ཕན་སྲིད་ཇུས་འདི་གནས་སུ་འབྱོར་བ་དོན་འཁྱོལ་བྱེད་ཆེད། རྫོང་དེས་ཚན་རིག་དང་མཐུན་པའི་འབྲུ་རིགས་གསོག་འཇོག་བྱེད་སྟངས་ཀྱི་འཆར་འགོད་གཏན་འབེབས་བྱས་པའི་རྨང་གཞིའི་ཐོག ཚན་རིག་དང་མཐུན་པའི་འབྲུ་རིགས་གསོག་གཇོག་གི་ཆེད་གཉེར་འཛུགས་སྐྲུན་བྱེད་མཁན་འགོ་ཁྲིད་ཚོ་ཆུང་བཙུགས་ནས་ཤང་དང་གྲོང་རྡལ་སོ་སོར་ཕྱིན་ནས་ཚན་རིག་དང་མཐུན་པའི་སྒོས་འབྲུ་རིགས་གསོག་འཇོག་བྱས་ཏེ། གྱོང་གུན་ཇེ་ཉུང་དང་ཡོང་འབབ་འཕར་སྣོན་གཏང་རྒྱུས་བརྗོད་བྱ་གཙོ་བོ་བྱེད་པའི་དྲིལ་བསྒྲགས་བྱེད་སྒོ་སྤེལ་མཐར། མང་ཚོགས་ཚོའི་འབྲུ་རིགས་ལ་གཅེས་སྤྲས་དང་གྲོན་ཆུང་བྱ་རྒྱུའི་འདུ་ཤེས་ཇེ་དྲག་ཏུ་གཏོང་གང་ཐུབ་བྱས་པ་རེད།ཤེས་རྟོགས་བྱུང་བར་གཞིགས་ན། ཐེངས་འདིར་བྱིན་པའི་དཔེ་གསར་ཅན་གྱི་འབྲུ་མཛོད་ཆུང་ཆུང་རེར་རིན་གོང་སྒོར420ཡིན་ཞིང་། རྫོང་དེས་མ་དངུལ་བསྡོམས་འབོར་སྒོར་ཁྲི772.8གཏོང་འཇོག་བྱས་པའི་ནང་ནས་ཞིང་ཆེན་ནོར་སྲིད་ཀྱིས་འབྲུ་མཛོད་ཆུང་ཆུང་རེ་ལ་ཁ་གསབ་རོགས་དངུལ་སྒོར370རེ་སྦྱིན་རྒྱུ་དང་ཞིང་འབྲོག་དུད་ཚང་རང་གིས་སྒོར50རེ་རང་གྲབས་བྱ་རྒྱུའི་བྱེད་ཐབས་སྤྱད་ནས་བཀྲམ་པ་རེད། མིག་སྔར།ཞིང་ཆེན་ནོར་སྲིད་ཀྱིས་ཆ་ཚང་བསྒྲིགས་པའི་མ་དངུལ་སྒོར་ཁྲི680.8དོན་འཁྱོལ་བྱས་པ་རེད། །

སྡེ་དགེ་རྫོང་གིས་ཞིང་འབྲོག་དུད་ཚང་ལ་དཔེ་གསར་ཅན་གྱི་འབྲུ་མཛོད་ཆུང་ཆུང་བྱིན།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10