ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་ཟླ་དྲུག་པའི་ཚེས་བཅུ་ཉིན་མགོ་འཛིན་མཛད་དེ་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་གྲོས་ཚོགས་བསྡུས་ནས། ནོར་སྲིད་མ་དངུལ་གཅིག་གྱུར་སྒོས་འཆར་འགོད་དང་བེད་སྤྱོད་བྱེད་ཐབས་ལ་སྐུལ་འདེད་བཏང་སྟེ། ནོར་སྲིད་སྲིད་ཇུས་ལག་བསྟར་བཟང་བོ་བྱས་ནས། བརྟན་འཇགས་སྒོས་ཐོན་ཚད་འཕར་སྣོན་བྱེད་པ་དང་། སྒྲིག་གཞི་ལེགས་སྒྲིག་བྱེད་པ། དམངས་ཚིས་ལ་ཕན་བདེ་བསྐྲུན་པ་བཅས་ཀྱི་ནུས་པ་སྔར་ལས་འདོན་སྤེལ་བྱེད་དགོས་པ་གཏན་ལ་ཕབ་པར་མ་ཟད། འཛད་སྤྱོད་དངུལ་ལོར་ཀུང་ཟི་ཚོད་ལྟ་བྱེད་རྒྱུ་དེ་རྒྱལ་ཡོངས་སུ་རྒྱ་བསྐྱེད་དེ། འཛད་སྤྱོད་ཀྱིས་དཔལ་འབྱོར་ལ་སྐུལ་ཁྲིད་བྱེད་པའི་སྟོབས་ཤུགས་ཇེ་ཆེར་གཏོང་རྒྱུའི་ཐག་བཅད། རྒྱལ་ཁོངས་ལས་བརྒལ་བའི་གློག་རྡུལ་ཚོང་ལས་ལས་དོན་བདེ་བླག་དང་མགྱོགས་མྱུར་སྒོས་འཕེལ་རྒྱས་སུ་གཏོང་བ་དང་། སྒོ་འབྱེད་རང་བཞིན་གྱི་དཔལ་འབྱོར་འཕེལ་རྒྱས་ཀྱི་རིམ་པ་སྤོར་བར་སྐུལ་འདེད་གཏོང་བར་བཀོད་སྒྲིག་བྱས་ཏེ། ཞིང་བ་ཞོར་ལས་པ་སོགས་མི་སྣ་ཕྱིར་ཕ་ཡུལ་དུ་ལོག་ནས་ལས་སྐྲུན་བྱེད་པའི་སྐོར་གྱི་སྲིད་ཇུས་ལ་རྒྱབ་སྐྱོར་བྱས་ཏེ། དམངས་ཡོངས་ཀྱི་ལས་སྐྲུན་ལས་སྤེལ་བྱེད་པའི་སྟོབས་ཤུགས་ཇེ་ཆེར་གཏོང་རྒྱུའི་ཐག་བཅད།

གྲོས་ཚོགས་སྟེང་ད་རུང་དོན་དག་གཞན་པར་ཞིབ་འཇུག་བྱས།  །