ཀྲུང་གོ་བོད་ཀྱི་དྲ་བའི་འཕྲིན། བོད་རང་སྐྱོང་ལྗོངས་ཀྱིས2009ལོ་ནས་ད་ལྟའི་བར་དུ་བྱེ་འགོག་བྱེ་བཅོས་བྱེད་ཚད་མུའུ་ཁྲི188.4ཟིན་པ་དང་། ཀྲུང་དབྱང་གི་སྔོན་རྩིས་མ་དངུལ་སྒོར་དུང་ཕྱུར3.74དངོས་འབེབས་བྱས་ཏེ། བྱེ་འགོག་བྱེ་བཅོས་བྱ་བར་ཕན་འབྲས་མངོན་གསལ་ཐོབ་ཡོད་ཅིང་། བོད་ལྗོངས་ཀྱི་ས་གཞི་བྱེ་ཐང་ཅན་དུ་རྒྱ་བསྐྱེད་པའི་གནས་ཚུལ་ལ་སྔོན་འགོག་བྱེད་ཐུབ་པ་བྱུང་།

བོད་ལྗོངས་ནགས་ལས་ཐིན་གྱི་ཐིན་ཀྲང་ལེ་ཀུའེ་ལུང་གིས་བཤད་རྒྱུར། ལོ་ལྔའི་འཆར་གཞི་བཅུ་གཉིས་པའི་རིང་ལ། བོད་ལྗོངས་ཀྱི་ནགས་ལས་སྡེ་ཁག་གིས་བྱེ་འགྱུར་ས་གཞི་བཅོས་སྒྲིག་བྱེད་པའི་བྱ་བའི་གནད་འགག་གཏན་ཁེལ་བྱས་ཏེ། སྲིད་ཇུས་དང་། སྐྱེ་དངོས། བཟོ་སྐྲུན་རང་བཞིན་གྱི་བྱེད་ཐབས་བེད་སྤྱད་དེ། སྐྱེ་ཁམས་བདེ་འཇགས་འགོག་རགས་ལ་བརྟེན་ནས་བྱེ་འགོག་བྱེ་བཅོས་བྱེད་པ་དང་། རང་སྐྱོང་ལྗོངས་ནོར་སྲིད་ཀྱི་ཆེད་དོན་བྱེ་འགོག་བྱེ་བཅོས་བྱ་བ་ལག་བསྟར་བྱེད་པ། འགོག་སྲུང་ནགས་ཚལ་འཛུགས་སྐྲུན་བྱེད་པ་སོགས་བྱས་ཏེ་བྱེ་འགོག་བྱེ་བཅོས་ལས་གཞི་ལག་བསྟར་བྱས། དེ་མིན་བྱེ་འགྱུར་ས་གཞི་བཀག་སྡོམ་སྲུང་སྐྱོབ་བྱས་ཏེ་ཁ་གསབ་རོགས་དངུལ་སྟེར་བའི་ཚོད་ལྟའི་རྣམ་གྲངས་སྤེལ་བར་གྲུབ་འབྲས་མངོན་གསལ་བླངས་ཡོད་ཟེར།

བོད་ལྗོངས་ཀྱིས2013ལོར་ཐོག་མར་བྱེ་འགྱུར་ས་གཞི་བཀག་སྡོམ་སྲུང་སྐྱོབ་བྱས་ཏེ་ཁ་གསབ་རོགས་དངུལ་སྟེར་བའི་ཚོད་ལྟའི་རྣམ་གྲངས་ལག་བསྟར་བྱེད་མགོ་བརྩམས་ཤིང་། ཚོད་ལྟའི་རྣམ་གྲངས་དེ་ཐོག་མར་མངའ་རིས་ས་ཁུལ་གྱི་སྒར་རྫོང་དང་གཞིས་རྩེ་གྲོང་ཁྱེར་གཏིང་སྐྱེས་རྫོང་ནས་སྤེལ་བ་ཡིན་ལ། མིག་སྔར་བྱེ་འགྱུར་ས་གཞི་བཀག་སྡོམ་བྱས་ཏེ་སྲུང་སྐྱོབ་བྱེད་པའི་རྒྱ་ཁྱོན་མུའུ་ཁྲི30ལ་བསླེབས་ཡོད་པ་རེད།  །