ཀྲུང་གོ་བོད་ཀྱི་དྲ་བའི་འཕྲིན། ཉིན་ཤས་གོང་མཚོ་བོད་ལྕགས་ལམ་ཀུང་སི་ནས་ཤེས་རྟོགས་བྱས་པར་གཞིགས་ན། མཚོ་བོད་ལྕགས་ལམ་གྱི་ཕྱོགས་གཉིས་ནས་འགྲོ་འོངས་བྱེད་མཁན་ཡུལ་སྐོར་བ་ཉིན་རེ་བཞིན་མང་དུ་འགྲོ་བའི་དགོས་མཁོ་བསྐོངས་ཆེད། མཚོ་བོད་ལྕགས་ལམ་ཀུང་སིས་སྤྱི་ཟླ6ཚེས5ཉིན་ནས་བཟུང་ཕྱོགས་གཉིས་ནས་འགྲོ་སྐྱོད་བྱེད་མཁན་ཐད་གཏོང་འགྲུལ་སྐྱེལ་མེ་འཁོར་རེ་གསབ་གཏོང་བྱས་ཏེ་རྒྱ་ཆེའི་ཡུལ་སྐོར་བར་སྟབས་བདེ་སྐྲུན་འགོ་བཙུགས་ཡོད་པ་རེད།
མཚོ་བོད་ལྕགས་ལམ་ཀུང་སིའི་བཀོད་སྒྲིག་ལ་གཞིགས་ན། སྤྱི་ཟླ6ནའི་ཚེས5ནས་ཚེས28ཉིན་བར་ཟི་ལིང་ནས་ལྷ་ས་བར་ཉིན་ལྟར་མེ་འཁོར z9815གསབ་གཏོང་བྱེད་རྒྱུ་ཡིན་པ་དང་། སྤྱི་ཟླ6པའི་ཚེས6ནས་ཚེས29ཉིན་བར་ལྷ་ས་ནས་ཟི་ལིང་བར་ཉིན་ལྟར་མེ་འཁོར z9816གསབ་གཏོང་བྱེད་རྒྱུ་རེད། གོང་གསལ་གྱི་མེ་འཁོར་སྡོད་འདོད་ཡོད་པའི་འགྲུལ་པས་མཚོ་བོད་ལྕགས་ལམ་ཀུང་སིའི་དྲ་ཚིགས12306བརྒྱུད་མེ་འཁོར་གཏོང་རྒྱུའི་ཆ་འཕྲིན་བློ་འདྲི་བྱེད་ཆོག་པ་དང་། དྲ་ཚིགས12306དང་ཡང་ན་ཁ་པར་དང་། བབས་ཚུགས། པ་སེ་ཚབ་འཚོང་བྱེད་ས་སོགས་ཀྱི་ཐབས་ལམ་བརྒྱུད་ནས་པ་སེ་ཉོ་ཆོག་གི་ཡོད་པས་འགྲུལ་པས་ཕྱིར་སྐྱོད་བཀོད་སྒྲིག་གང་ལེགས་བྱེད་ཆོག་གི་ཡོད་པ་རེད།  །