རང་རྒྱལ་གྱི་ལག་རྩལ་རྩེ་གྲས་ཀྱི་བཟོ་སྐྲུན་ལས་རིགས་དབྱར་མཚོ་རྒྱས་པ་ལྟར་གོང་འཕེལ་བྱུང་།ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ12པའི་ཚེས16ཉིན་འབྱོར་བའི་གཏམ་གསར།ཐེངས་གསུམ་པའི་རྒྱལ་ཡོངས་ཀྱི་དཔལ་འབྱོར་ཡོངས་ཁྱབ་ཞིབ་བཤེར་བྱས་པའི་གྲངས་ཀ་གཙོ་བོ་དེ་ཚེས16ཉིན་ཁྱབ་བསྒྲགས་བྱས་ཡོད།  གྲངས་ཀའི་ཐོག་ནས་མཚོན་པར་གཞིགས་ན།ལོ་ལྔའི་རིང་ལ་རང་རྒྱལ་གྱི་ལག་རྩལ་རྩེ་གྲས་ཀྱི་ལས་སྐྲུན་ལས་རིགས་ཀྱི་གཞི་ཁྱོན་རྒྱུན་ཆད་མེད་པར་རྒྱ་སྐྱེད་ཕྱིན་ཡོད་ཅིང་།ཞིབ་འཇུག་གསར་གཏོད་དང་མ་དངུལ་གཏོང་འཇོག་བྱེད་ཚད་ཆེས་ཆེར་བསྣན་ཡོད།  གསར་སྐྲུན་བྱེད་ནུས་བརྟན་བརླིང་ངང་མཐོ་རུ་ཕྱིན།  ཐོན་རྫས་གསར་པའི་ཕྱིར་འཚོང་ཡོང་འབབ་ཀྱིས་བཟུང་བའི་བསྡུར་ཚད་རིམ་བཞིན་མཐོ་རུ་ཕྱིན་པ་རེད།
ཁེ་ལས་ཀྱི་གྲངས་འབོར་ཐད།2013ལོའི་ལོ་མཇུག་ལ་སླེབས་དུས་རང་རྒྱལ་གྱི་གཞི་ཁྱོན་ལྡན་པའི་ལག་རྩལ་རྩེ་གྲས་ཀྱི་བཟོ་སྐྲུན་ལས་རིགས་ནང་ཞུགས་མཁན་གྱི་ཁེ་ལས26894ཡོད་པ་དེ2008ལོ་ལས་ཁེ་ལས1077འཕར་ཡོད་ཅིང་།གཞི་ཁྱོན་ལྡན་པའི་བཟོ་སྐྲུན་ལས་རིགས་ལ་ཞུགས་པའི་ཁེ་ལས་ཀྱི་གྲངས་འབོར་བསྡུར་ཚད་བརྒྱ་ཆ7.8ལ་ཟིན་པ་དེ2008ལོ་ལས་བརྒྱ་ཆའི་གྲངས་ཀ1.3འཕར་བ་རེད།
ཁེ་ལས་ཀྱི་ལས་ཞུགས་བྱེད་ཁྱོན་ཐད།2013ལོར་རང་རྒྱལ་གྱི་ལག་རྩལ་རྩེ་གྲས་ཀྱི་བཟོ་སྐྲུན་ལས་རིགས་ལ་ལས་ཞུགས་བྱེད་མཁན་གྱི་ཁེ་ལས་ཁྲི1293.7ཡོད་པ་དེ2008ལོ་ལས་བརྒྱ་ཆ36.9འཕར་ཡོད་ཅིང་།བཟོ་སྐྲུན་ལས་རིགས་ལ་ཞུགས་མཁན་ཁེ་ལས་ཀྱི་བསྡུར་ཚད་བརྒྱ་ཆ15.1ལ་ཟིན་པ་དེ2008ལོ་ལས་བརྒྱ་ཆ2.9འཕར་ཡོད།
དཔལ་འབྱོར་ཕན་འབྲས་ཐད།2013ལོར་རང་རྒྱལ་གྱི་ལག་རྩལ་རྩེ་གྲས་ཀྱི་བཟོ་སྐྲུན་ལས་རིགས་ལ་ཁེ་ཕན་བསྡོམས་འབོར་སྒོར་དུང་ཕྱུར7233.7ཐོབ་སྟེ2008ལོ་ལས་བརྒྱ་ཆ165.5འཕར་ཡོད།འཕར་ཚད་དེ་གཞན་དག་གི་བཟོ་སྐྲུན་ལས་རིགས་ཀྱི་ཆ་སྙོམས་ཆུ་ཚད་ལས་བརྒྱ་ཆའི་གྲངས་ཀ11.5འཕར་ཡོད།ལག་རྩལ་རྩེ་གྲས་ཀྱི་བཟོ་སྐྲུན་ལས་རིགས་ཀྱི་ཁེ་ཕན་བསྡོམས་འབོར་དེ་བཟོ་སྐྲུན་ལས་རིགས་ཐམས་ཅད་ཀྱི་བསྡུར་ཚད་བརྒྱ་ཆ13.1ལ་ཟིན་པ་དེ2008ལོ་ལས་བརྒྱ་ཆའི་གྲངས་ཀ0.5་མཐོ་རུ་ཕྱིན།
ཞིབ་འཇུག་གསར་གཏོད་ལ་གཏོང་འཇོག་བྱས་པའི་ཐད།2013ལོར་རང་རྒྱལ་གྱི་གཞི་ཁྱོན་ལྡན་པའི་ལག་རྩལ་རྩེ་གྲས་ཀྱི་བཟོ་སྐྲུན་ལས་རིགས་ལ་ཞིབ་འཇུག་དང་གསར་གཏོད་བྱེད་ཡས་ཀྱི་མ་དངུལ་སྒོར་དུང་ཕྱུར2034.3བཏང་སྟེ2008ལོ་ལས་བརྒྱ་ཆ178.2འཕར་ཡོད།འཕར་ཚད་དེ་བཟོ་སྐྲུན་ལས་རིགས་གཞན་དག་གི་ཆ་སྙོམས་ཆུ་ཚད་ལས་བརྒྱ་ཆའི་གྲངས་ཀ8.7མཐོ་རུ་ཕྱིན།གོང་ཚེས་ཉིན་ཁྱབ་བསྒྲགས་བྱས་པའི་གྲངས་ཀའི་ཐོག་ནས་ད་དུང་མཚོན་པར་གཞིགས་ན།རང་རྒྱལ་གྱི་བཟོ་ལས་ཁེ་ལས་ཞིབ་འཇུག་གསར་གཏོད་བྱེད་པར་གཏོང་འཇོག་བྱེད་ཚད་རྒྱུན་ཆད་མེད་པར་མཐོ་རུ་ཕྱིན་ཡོད།2013ལོར་རྒྱལ་ཡོངས་ཀྱི་གཞི་ཁྱོན་ལྡན་པའི་བཟོ་ལས་ཁེ་ལས་ལ་ཞིབ་འཇུག་གསར་གཏོད་བྱེད་ཡས་ཀྱི་མ་དངུལ་སྒོར་དུང་ཕྱུར8318.4ལ་བསླེབས་ཏེ2008ལོ་ལས་བརྒྱ་ཆ170.7འཕར།ཞིབ་འཇུག་གསར་གཏོད་ལ་བཏང་བའི་མ་དངུལ་དེ་སྤྱི་ཚོགས་ཡོངས་ཀྱི་ཞིབ་འཇུག་གསར་གཏོད་མ་དངུལ་གྱི་བསྡུར་ཚད་བརྒྱ་ཆ70.2ལ་ཟིན་པ་དེ2008ལོ་ལས་བརྒྱ་ཆའི་གྲངས་ཀ3.6མཐོ་རུ་ཕྱིན།   བཟོ་ལས་ཁེ་ལས་ལ་ཞིབ་འཇུག་གསར་གཏོད་ཀྱི་མ་དངུལ་གཏོང་བའི་གོ་གནས་གཙོ་བོར་སྔར་ལས་ཇེ་དྲག་ཏུ་ཕྱིན།  དེ་མིན།  2013ལོར་གཞི་ཁྱོན་ལྡན་པའི་བཟོ་ལས་ཁེ་ལས་ཀྱི་ཐོན་རྫས་གསར་པའི་ཕྱི་འཚོང་ཡོང་འབབ་འཕར་སྣོན་མགྱོ གས་ཙམ་བྱུང་ཡོད་ལ།  ཐོན་རྫས་གསར་པའི་ཕྱིར་འཚོང་ཡོང་འབབ་དེ་གཙོ་གཉེར་ལས་རིགས་ཡོང་འབབ་ཀྱི་བསྡུར་ཚད་བཟུང་ཚད་ཀྱང་མཐོ་རུ་ཕྱིན་ཡོད་པ་རེད།