ཟླ་བདུན་པའི་ཚེས་བཅུ་དགུ་ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་མགོ་འཛིན་བྱས་ཏེ་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་གྲོས་ཚོགས་བསྡུས་ཏེ། ཀྲུང་གོ་གསར་བཟོ་ཉིས་སྟོང་ཉེར་ལྔ་ལོའི་རྒྱལ་ཁབ་རིམ་པའི་དཔེ་སྟོན་ས་ཁུལ་གསར་སྐྲུན་བྱས་ཏེ། གསར་བཟོ་ལས་རིགས་མྱུར་དུ་ཚུལ་སྒྱུར་རིམ་འཕར་བྱེད་རྒྱུ་བཀོད་སྒྲིག་བྱས་ཤིང་། འོས་འགན་སློབ་གསོའི་སློབ་མས་སློབ་གྲྭར་འགྲོ་མཚམས་བཞག་པ་སྔོན་འགོག་བྱེད་པའི་བྱེད་ཐབས་བཏོན་ནས། ལོ་ལྔའི་འཆར་གཞི་བཅུ་གསུམ་པའི་འོས་འགན་སློབ་གསོའི་བརྟན་འཇགས་དམིགས་འབེབན་མངོན་འགྱུར་བྱེད་པ་འགན་སྲུང་བྱེད་རྒྱུ་གཏན་འཁེལ་བྱས་པ་དང་། དུས་སྐབས་རྒུད་སྐྱོབ་ལམ་ལུགས་ལག་བསྟར་བྱས་ཏེ། སྔར་ལས་ཕན་འབྲས་ལྡན་པའི་སྒོ་ནས་དཀའ་ཁག་ཆེ་བའི་མང་ཚོགས་ཀྱི་གཞི་རྩའི་འཚོ་བ་འགན་སྲུང་བྱེད་རྒྱུ་བཀོད་སྒྲིག་བྱས།