ཉེ་ཆར། བསམ་བློ་རིག་གནས་ལས་ཀར་སྐུལ་འདེད་ཏན་ཏིག་གཏོང་ཆེད། ཉག་རོང་རྫོང་གིས་བསམ་བློའི་རིག་གནས་དྲིལ་བསྒྲགས་ལས་ཀའི་སྐུལ་འདེད་ཚོགས་འདུ་འཚོགས་པ་རེད།

ཚོགས་འདུའི་ཐོག་ཏུ་རྒྱལ་ཡོངས་དང་ཞིང་ཆེན་གྱི་བསམ་བློའི་རིག་གནས་དྲིལ་བསྒྲགས་ལས་ཀ་ཚོགས་འདུའི་དགོངས་དོན་དང་ཁུལ་ཡོངས་ཀྱི་ཏང་འཛུགས་ལས་ཀའི་ཚོགས་འདུ། དྲིལ་བསྒྲགས་པུའུ་ཀྲང་ཚོགས་འདུའི་དགོངས་དོན་སོགས་བརྒྱུད་བསྒྲགས་བྱས་ཤིང་། 2016ལོའི་ཕྱི་སྒྲོག་ལས་ཀ་ཐད་སྔོན་ཐོན་གྱི་ཐུན་མོང4དང་ཕྱི་སྒྲོག་ལས་ཀའི་སྔོན་ཐོན་མི་སྣ6ལ་གཟེངས་བསྟོད་བྱས། རྫོང་ཨུ་དང་བང་སྨད་ཤང་ཏང་ཨུ་བར་ཏང་ཨུའི་འདུ་ཤེས་འཛིན་སྟངས་ཀྱི་ལས་ཀ་དོན་ཐོག་འཁྱོལ་བའི་འགན་འཁྲི་ཆིངས་ཡིག་འཇོག་པ་དང་།  རྫོང་ཨུ་དང་གསེར་འོད་ཤང་ཏང་ཨུ་བར་གྲོང་ཡག་པོ་བཞི་དང་དཔལ་ཡོན་གྲོང་སྡེ་གསར་འཛུགས་བྱེད་པའི་འགན་འཁུར་ཆིངས་ཡིག་བཞག་པར་མ་ཟད2017ལོའི་བསམ་བློའི་རིག་གནས་དྲིལ་བསྒྲགས་ལས་ཀར་བཀོད་བསྒྲིགས་བྱས་པ་རེད།

ཚོགས་འདུའི་ཐོག་ལ་གཅིག་ནི་བསམ་བློ་གཅིག་འགྱུར་བྱས་ནས་བསམ་བློའི་རིག་གནས་དྲིལ་བསྒྲགས་ལས་ཀ་དམ་འཛིན་ཡག་པོ་བྱ་དགོས་པ་དང་། གཉིས་ནི་དོན་དངོས་དང་ཟུང་འབྲེལ་བྱས་ནས་བསམ་བློའི་རིག་གནས་དྲིལ་བསྒྲགས་ལས་ཀར་སྐུལ་འདེད་ཏན་ཏིག་གཏང་དགོས། གསུམ་ནི་དོན་ཐོག་ཏུ་གཟབ་འཇུག་བྱས་ནས་རྫོང་ཡོངས་ཀྱི་ལས་ཀ་སོ་སོ་ལེགས་སྤེལ་བྱེད་པར་སྣང་ཚུལ་ཡག་པོ་ཞིག་བསྐྲུན་དགོས་པའི་བླང་བྱ་བཏོན་པ་རེད།