ཀྲུང་གོ་གུང་ཁྲན་ཏང་སི་ཁྲོན་ཞིང་ཆེན་གྱི་སྐབས་བཅུ་པའི་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་བཅུ་པ་དེ2017ལོའི་ཟླ5བའི་ཚེས24ཉིན་ནས27ཉིན་གྱི་བར་དུ་ཁྲེན་ཏུའུ་ནས་འཚོགས་རྒྱུ་ཡིན། ཐེངས་འདུའི་ཚང་འཛོམས་གྲོས་ཚོགས་སྟེང་ཞིང་ཆེན་ཏང་ཨུའི་ཨུ་ཡོན73དང་། ཞིང་ཆེན་ཏང་ཨུའི་རྗེས་སྣོན་ཨུ་ཡོན15ཡོད་པ་རེད། ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་དང་འབྲེལ་ཡོད་ཕྱོགས་ཀྱི་འགན་ཁུར་བློ་མཐུན་རྣམས་ཟུར་ཞུགས་བྱས། 

ཞིང་ཆེན་ཏང་ཨུའི་རྒྱུན་ལས་ཨུ་ཡོན་ལྷན་ཁང་གིས་ཚང་འཛོམས་གྲོས་ཚོགས་ལ་གཙོ་སྐྱོང་གནང་ཞིང་།  ཞིང་ཆེན་ཏང་ཨུའི་ཧྲུའུ་ཅི་ཝང་ཏུང་མིང་གིས་ཚོགས་ཐོག་ཏུ་གསུང་བཤད་གལ་ཆེན་གནང་།
   ཚང་འཛོམས་གྲོས་ཚོགས་ཐོག་ཏུ་སྐབས་བཅུ་པའི་ཞིང་ཆེན་ཏང་ཨུས་ཀྲུང་གོ་གུང་ཁྲན་ཏང་སི་ཁྲོན་ཞིང་ཆེན་གྱི་འཐུས་མི་ཚོགས་ཆེན་ཐེངས་བཅུ་གཅིག་པའི་བྱ་བའི་སྐོར་གྱི་སྙན་ཞུར་གྲོས་ཞིབ་བྱས་ནས་གྲོས་འཆམ་བྱུང་བར་མ་ཟད། སྙན་ཞུ་དེ་ཞིང་ཆེན་གྱི་ཏང་གི་འཐུས་མི་ཚོགས་ཆེན་ཐེངས་བཅུ་གཅིག་པའི་ཐོག་ཏུ་གྲོས་ཞིབ་བྱ་རྒྱུར་དབུལ་རྒྱུའི་ཐག་བཅད། དེ་མིན་ཚང་འཛོམས་གྲོས་ཚོགས་ཀྱིས་འདེམས་ཤོག་འཕང་སྟེ་སི་ཁྲོན་ཞིང་ཆེན་གྱིས་ཏང་གི་མི་དམངས་འཐུས་མི་ཚོགས་ཆེན་ཐེངས་བཅུ་དགུ་བའི་ཐོག་ཞུགས་རྒྱུའི་བདམས་བྱའི་འོས་མིའི་གྲ་སྒྲིག་མི་སྣའི་མིང་ཐོ་གཏན་ཁེལ་བྱས་པ་དང་། སྐབས་བཅུ་གཅིག་པའི་ཞིང་ཆེན་ཏང་ཨུའི་ཨུ་ཡོན་དང་རྗེས་སྣོན་ཨུ་ཡོན། ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་བདམས་བྱའི་འོས་མིའི་གྲ་སྒྲིག་མི་སྣའི་མིང་ཐོ་ལ་གྲོས་མོལ་བྱས་ལ། ཞིང་ཆེན་གྱི་ཏང་གི་འཐུས་མི་ཚོགས་ཆེན་ཐེངས་བཅུ་གཅིག་པ་ལ་སྤྲོད་རྒྱུའི་འབྲེལ་ཡོད་ཀྱི་དོན་ཚན་ཁག་ལ་གྲོས་ཞིབ་བྱས།
   ཚང་འཛོམས་གྲོས་ཚོགས་སྟེང་ཀྲུང་གོ་གུང་ཁྲན་ཏང་སི་ཁྲོན་ཞིང་ཆེན་གྱི་འཐུས་མི་ཚོགས་ཆེན་ཐེངས་བཅུ་གཅིག་པ་དེ2017ལོའི་ཟླ5བའི་ཚེས24ཉིན་ནས་ཚེས27ཉིན་གྱི་བར་ཁྲེན་ཏུའུ་ནས་འཚོགས་རྒྱུར་གཏན་འབེབས་བྱས།།