ཀྲུང་གོའི་བོད་ཀྱི་དྲ་བའི་འཕྲིན། ཟླ5བའི་ཚེས16ཉིན། ཞང་ཀང་གི་ན་གཞོན་ཚོགས་པས་བོད་ཀྱི་རིག་གནས་སྒྱུ་རྩལ་བརྟག་དཔྱད་བྱེད་པའི་བྱ་འགུལ་ཟི་ལིང་གྲོང་ཁྱེར་ནས་སྤེལ་འགོ་བརྩམས་པ་དང་། ཐེངས་འདིའི་བརྟག་དཔྱད་བྱ་འགུལ་ནི“ཞང་ཀང་གི་ན་གཞོན་མི་རིགས་རིག་གནས་ཞིབ་འཇུག་སློབ་སྦྱོང་བྱེད་པའི་འཆར་གཞི”ནང་གི་ནང་དོན་གཅིག་ཡིན་པ་དང་། ཞང་ཀང་ནས་ཐོན་པའི་ན་གཞོན20ལྷག་མཚོ་སྔོན་གྱི་ཕུན་སུམ་ཚོགས་པའི་བོད་ཀྱི་རིག་གནས་སྒྱུ་རྩལ་རྒྱུས་ལོན་དང་རོལ་མྱོང་བྱས།

ཤེས་གསལ་བྱུང་བ་ལྟར་ན། ཞང་ཀང་གི་ན་གཞོན་ཚོགས་པས་བོད་ཀྱི་རིག་གནས་སྒྱུ་རྩལ་བརྟག་དཔྱད་བྱ་འགུལ་སྤེལ་བ་ནི་རིག་གནས་པུའུ་ཞང་ཀང་དང་ཨའོ་མིན་གཞུང་སྒྲུབ་ཁང་དང་ཞང་ཀང་དམིགས་བསལ་སྲིད་འཛིན་ཁུལ་སྲིད་གཞུང་སློབ་གསོ་ཅུའུ་ཡིས་རྒྱབ་སྐྱོར་བྱེད་པ། ཀྲུང་གོའི་མི་རིགས་དམངས་ཁྲོད་རིག་གནས་སྒྱུ་རྩལ་བརྗེ་རེས་ལྟེ་གནས་ཀྱིས་གཙོ་སྒྲུབ་བྱེད་པ། རིག་གནས་པུའུ་མི་རིགས་དམངས་ཁྲོད་སྒྱུ་རྩལ་དར་སྤེལ་ལྟེ་གནས་དང་ཞིང་ཆེན་རིག་གནས་གསར་འགྱུར་པར་བསྐྲུན་ཐིན་གཉིས་ཀྱིས་མཉམ་དུ་རོགས་སྒྲུབ་བྱེད་པའི་བྱ་འགུལ་ཐེངས་ཤིག་ཡིན་ལ་དུས་ཡུན་ཉིན་ལྔ་ཡིན། ཞང་ཀང་ནས་ཐོན་པའི་ན་གཞོན་ཚང་མ་ཞིང་ཆེན་དངོས་མང་བཤམས་སྟོན་ཁང་དང་མཚོ་སྔོན་པོ། རེབ་གོང་སྒྱུ་རྩལ་གྱི་ཕ་ས་སྟེ་ཐུན་རིན་རྫོང་། སྐུ་འབུམ་བྱམས་པ་གླིང་སོགས་ས་ཁུལ་དུ་ལྟ་སྐོར་འཚམས་འདྲི་བྱས་པ་བརྒྱུད། བོད་ཀྱི་རིག་གནས་སྒྱུ་རྩལ་ཤེས་བྱའི་འཆད་ཁྲིད་ལ་ཉན་རྒྱུ་དང་ཐང་ག་འབྲི་བཞེངས་རོལ་མྱོང་བྱེད་པ། ས་གནས་ཀྱི་སློབ་འབྲིང་དང་བསམ་བློ་བརྗེ་རེས་བྱེད་པ་བཅས་མཚོ་སྔོན་གྱི་ལོ་རྒྱུས་འཕེལ་རྒྱས་དང་སྤྱི་ཚོགས་གནས་བབ། དམངས་སྲོལ་རིག་གནས། རིག་གནས་སྒྱུ་རྩལ་ལ་ཁྱོན་ཡོངས་ནས་རྒྱུས་ལོན་དང་རོལ་མྱོང་བྱེད་རྒྱུ་རེད།  །