ཀྲུང་གོ་བོད་ཀྱི་དྲ་བའི་འཕྲིན། ཉེ་བའི་ལོ་འགའི་རིང་ལ།བོད་ལྗོངས་མངའ་རིས་ས་ཁུལ་གྱིས་བྱེད་ཐབས་ནུས་ལྡན་བེད་སྤྱད་དེ།མི་རིགས་སྲོལ་རྒྱུན་རིག་གནས་ཀྱི་སྲུང་སྐྱོབ་དང་འཕེལ་རྒྱས་བྱ་བར་སྐུལ་འདེད་ནན་མོ་བཏང་།བསྡོམས་རྩིས་བྱས་པ་ལྟར་ན།ལོ་ལྔའི་འཆར་གཞི་བཅུ་གཉིས་པའི་སྐབས་སུ།ས་ཁུལ་ཡོངས་ཀྱིས་བསྡོམས་པས་རྒྱལ་ཁབ་དང་རང་སྐྱོང་ལྗོངས་ཀྱི་རིག་དངོས་སྲུང་སྐྱོབ་རྣམ་གྲངས་ཐད་ཀྱི་དངུལ་གཏོང་སྒོར་དུང་ཕྱུར2.6བརྩོན་ལེན་བྱས།
མིག་སྔར།སྙན་ཞུ་འབུལ་བའི་བྱ་བར་བརྩོན་ལེན་བྱས་པ་བརྒྱུད།མངའ་རིས་ས་ཁུལ་གྱི་རྒྱལ་ཁབ་རིམ་པའི་རིག་དངོས་སྲུང་སྐྱོབ་སྡེ་ཁག4ཡོད་པ་དང་།རང་སྐྱོང་ལྗོངས་རིམ་པའི་རིག་དངོས་སྲུང་སྐྱོབ་སྡེ་ཁག29ཡོད།ལོ་ལྔའི་འཆར་གཞི་བཅུ་གཉིས་པའི་སྐབས་སུ།མངའ་རིས་ས་ཁུལ་དུ་རང་སྐྱོང་ལྗོངས་རིམ་པའི་འཆར་འགོད་ཁྲོད་ཚུད་པའི་རིག་དངོས་སྲུང་སྐྱོབ་རྣམ་གྲངས་ཐད་བསྡོམས་པས་མ་དངུལ་སྒོར་དུང་ཕྱུར2.6བཏང་ཡོད་ཅིང་།ལག་བསྟར་བྱས་ཟིན་པ་དང་ད་ལྟ་ལག་བསྟར་བྱེད་བཞིན་པའི་རྣམ་གྲངས་ཐད་ཀྱི་དངུལ་གཏོང་སྒོར་དུང་ཕྱུར2.2ལ་བསླེབས་ཡོད་དེ།གུ་གེ་རྒྱལ་བོའི་གནའ་ཤུལ་དང་།འཁོར་ཆགས་དགོན་པའི་གནའ་ཤུལ་སོགས་རིག་དངོས་སྲུང་སྐྱོབ་སྡེ་ཁག་གལ་ཆེན་སྐོར་ཞིག་ལ་ཉམས་གསོ་དང་སྲུང་སྐྱོབ་ནུས་ལྡན་བྱུང་།ས་ཁུལ་ཡོངས་སུ་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་སྲུང་སྐྱོབ་རྣམ་གྲངས3ཡོད་པ་དང་།རང་སྐྱོང་ལྗོངས་རིམ་པའི་གཟུགས་འདས་ཤུལ་བཞག་རིག་གནས་རྣམ་གྲངས17།རྫོང་རིམ་པའི་གཟུགས་འདས་ཤུལ་བཞག་རིག་གནས་རྣམ་གྲངས48ཡོད།རང་སྐྱོང་ལྗོངས་རིམ་པའི་གཟུགས་འདས་ཤུལ་བཞག་རིག་གནས་རྣམ་གྲངས་རྒྱུད་འཛིན་པ་མི4དང་།སྙན་ཞུར་ཕུལ་བའི་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་རྣམ་གྲངས་རྒྱུད་འཛིན་པ2བཅས་ཡོད་པ་རེད།  །