རྒྱལ་ཡོངས་ལས་རིགས་སློབ་གྲྭ་ཆེན་མོའི་ལག་རྩལ་འགྲན་སྡུར་ཆེན་མོ་ཐེངས་བཅུ་བའི་མགོ་རྩོམ་པའི་མཛད་སྒོ་ཚེས་བརྒྱད་ཉིན་ཐེན་ཅིན་ནས་བསྡུས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་འགྲན་སྡུར་ཆེན་མོར་ཆོག་མཆན་མཛུབ་སྟོན་གལ་ཆེན་གནང་།

ཆོག་མཆན་མཛུབ་སྟོན་ལས་བཀོད་དོན། ལས་རིགས་སློབ་གསོའི་ཆུ་ཚད་མཐོར་འདེགས་སུ་གཏོང་རྒྱུ་ནི་རང་རྒྱལ་སློབ་གསོའི་ལས་དོན་འཕེལ་རྒྱས་སུ་གཏོང་བའི་ནང་དོན་གལ་ཆེན་ཞིག་ཡིན། དེང་སྐབས། རང་རྒྱལ་གྱི་དཔལ་འབྱོར་ཚུལ་སྒྱུར་རིམ་སྤོར་གྱི་གནད་འགག་གི་དུས་སུ་བསླེབས་ཏེ། ལག་རྩལ་ཤེས་ལྡན་མི་སྣ་འབོར་ཆེན་སྐྱེད་སྲིང་བྱེད་པར་ཐུག་ཡོད་པས། ལག་རྩལ་འགྲན་སྡུར་ཆེན་མོས་འཕེལ་རྒྱས་ཀྱི་འདུ་ཤེས་གསར་བ་ལག་ལེན་མཐར་ཕྱིན་བྱས་ནས། སྣེ་ཁྲིད་དཔེ་སྟོན་གྱི་ནུས་པ་འདོན་སྤེལ་གང་ལེགས་བྱེད་པ་དང་། ལས་རིགས་སློབ་གསོས་ཚོང་རར་ཁ་ཕྱོགས་པ་དང་འཕེལ་རྒྱས་ལ་ཞབས་ཕྱི་སྒྲུབ་པ། ལས་ཞུགས་ལ་ཡར་སྐུལ་གཏོང་བ་བཅས་ཀྱི་སློབ་སྒྲུབ་ཁ་ཕྱོགས་སྔར་ལས་རྒྱུན་འཁྱོངས་བྱས་ཏེ། ཀུན་སྤྱོད་དང་ལག་རྩལ་མཉམ་དུ་སྦྱོང་བ་རྒྱུན་འཁྱོངས་བྱེད་པ་དང་། བཟོ་རྩལ་པའི་སྙིང་སྟོབས་སྐྱེད་སྲིང་དང་དར་སྤེལ་བྱེད་པ་རྒྱུན་འཁྱོངས་བྱས་ནས། སྤུས་ཚད་མཐོ་བའི་ཐོན་ལས་དཔུང་ཆེན་སྔར་ལས་མང་པོ་ཧུར་ཐག་སྒོས་སྐྱེད་སྲིང་བྱེད་པ་དང་། དམངས་ཀྱིས་བྱ་བཞག་སྐྲུན་པ་དང་ཀུན་གྱིས་གསར་གཏོད་བྱེད་པའི་བྱ་འགུལ་ཁྲོད་ཞུགས་ཏེ། རང་རྒྱལ་གྱི་མི་ཤུགས་དང་ཤེས་ལྡན་མི་སྣའི་ཐོན་ཁུངས་ཀྱི་ཁྱད་སྟོབས་སྔར་ལས་འདོན་སྤེལ་བཟང་བོ་བྱས་ནས། ཀྲུང་གོའི་ཐོན་རྫས་གྲགས་ཅན་འཛམ་གླིང་དུ་སྐྱོད་པ་དང་། དངོས་ཕུང་དཔལ་འབྱོར་ཆུ་ཚད་མཐོ་འབྲིང་དུ་སྐྱོད་པར་སྐུལ་འདེད་གཏོང་བར་བྱས་རྗེས་སྔར་ལས་ཆེན་པོ་འཇོག་པར་རེ་བ་བྱེད་ཀྱིན་ཡོད་ཟེར།

ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ལིག་ཡན་ཏུང་འགྲན་སྡུར་ཆེན་མོའི་མགོ་རྩོམ་པའི་མཛད་སྒོར་ཞུགས་པར་མ་ཟད་གཏམ་བཤད།