ཉེ་ཆར། ཁུལ་ཡོངས་ཀྱི་ཆུ་འབྲུབ་དུས་ཀྱི་ས་གཤིས་གནོད་སྐྱོན་འགོག་བཅོས་ལས་ཀའི་བརྙན་འཕྲིན་ཁ་པར་ཚོགས་འདུ་དར་མདོ་རུ་འཚོགས་པ་རེད། ཁུལ་སྲིད་གཞུང་གི་ཁུལ་དཔོན་གཞོན་པ་ཀྲང་ཡུས་ཏེ་ཚོགས་འདུར་ཞུགས་ནས་གསུང་བཤད་གནང་བ་རེད།

　ཚོགས་འདུའི་ཐོག རོང་བྲག་དང་། ཕྱག་ཕྲེང་། འབའ་ཐང་བཅས་རྫོང་གསུམ་གྱིས་ས་གཤིས་གནོད་སྐྱོན་འགོག་བཅོས་ལས་ཀའི་སྐོར་བསམ་འཆར་བརྗེ་རེས་ཀྱི་གཏམ་བཤད་བྱས་ཡོད།ཁུལ་གནམ་གཤིས་ཅུས་ཀྱིས་ད་ལོའི་ཆུ་འབྲུབ་དུས་ཁུལ་ཡོངས་ཀྱི་གནམ་གཤིས་སྔོན་དཔག་གི་གནས་ཚུལ་བརྡ་ཁྱབ་གཏོང་བ་དང་། ཁུལ་རྒྱལ་ཁོངས་ཐོན་ཁུངས་ཅུས་ཀྱིས་ད་ལོའི་ས་གཤིས་གནོད་སྐྱོན་འགོག་བཅོས་སྐོར་གྱི་ཞིབ་ཕྲའི་ལས་ཀ་སོ་སོ་བཀོད་སྒྲིག་བྱས་པ་རེད།

　ཀྲང་ཡུང་ཏེ་ཡིས་ཐུགས་རེ་གནང་དོན།རྫོང་ཁག་སོ་སོ་དང་འབྲེལ་ཡོད་སྡེ་ཁག་གིས་ཁུལ་ཡོངས་ཀྱི་ས་གཤིས་གནོད་སྐྱོན་འགོག་བཅོས་བྱ་རྒྱུའི་ལས་ཀའི་གནས་བབ་ཚབས་ཆེ་ལ་ངོས་འཛིན་ཟབ་མོ་བྱས་ནས་སྟེས་དབང་དང་དཀའ་ངལ་ལ་སྐྲག་པའི་བསམ་ཚུལ་ཁྱད་དུ་བསད་ནས་རྒྱུན་ཆད་མེད་པར་འགོག་བཅོས་ཀྱི་ཐབས་ཤེས་སོ་སོ་འཐུས་སྒོ་ཚང་དུ་བཏང་ནས། ས་གཤིས་གནོད་སྐྱོན་འགོག་བཅོས་བྱེད་ནུས་དང་ཆུ་ཚད་མཐོ་རུ་གཏོང་གང་ཐུབ་བྱས་ནས། ས་གཤིས་གནོད་སྐྱོན་འགོག་བཅོས་བྱེད་པའི་ལས་ཀར་སྐུལ་འདེད་ཏན་ཏིག་གཏང་དགོས། ལས་ཀའི་བྱེད་ཐབས་དོན་འཁྱོལ་དང་ལས་ཀའི་གཙོ་གནད་དམིགས་སུ་ཐོན་པ་བྱ་དགོས། ས་གཤིས་གནོད་སྐྱོན་གྱི་མངོན་མེད་རྐྱེན་ངན་ཞིབ་བཤེར་དང་། ཉེན་འགོག་བྱེད་ཐབས་དང་འགན་འཁྲི་དོན་འཁྱོལ། དྲིལ་བསྒྲགས་གསོ་སྦྱོང་དང་མཁོ་བསྟུན་སྦྱོང་བརྡར།ལྟ་ཞིབ་ཚད་ལེན་སྔོན་བརྡ་དང་།རང་འགུལ་གྱིས་ཉེན་གཡོལ་བྱེད་པ།དོགས་ཟོན་དང་འགོག་བཅོས་སོགས་ཀྱི་ལས་ཀ་སྣ་ཚོགས་ལ་ཇེ་མགྱོགས་སུ་སྐུལ་འདེད་བཏང་ནས།མཐུན་སྦྱོར་མཉམ་འགུལ་ཅན་གྱི་ལས་ཀའི་ནང་རྐྱེན་གྲུབ་པ་དང་།བདེ་འཇགས་དོགས་ཟོན་བྱེད་ཤུགས་ཆེར་རུ་བཏང་ནས་ས་གཤིས་གནོད་སྐྱོན་གྱི་འགོག་བཅོས་ལས་ཀར་དམ་འཛིན་བྱས་ཏེ་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་ཉེན་མེད་བདེ་འཇགས་ཡོང་བར་ཁག་ཐེག་བྱ་དགོས། འགོ་ཁྲིད་སྒྲིག་འཛུགས་བྱེད་ཤུགས་ཆེ་རུ་བཏང་ནས་འགན་འཁྲི་དོན་འཁྱོལ་བྱ་རྒྱུར་དམ་འཛིན་བྱ་དགོས། ས་གཤིས་གནོད་སྐྱོན་སྔོན་འགོག་ལས་ཀའི་འགོ་ཁྲིད་ཚོ་ཆུང་ལེགས་སྒྲིག་འཐུས་ཚང་བྱས་ཏེ་སྔོན་འགོག་ལས་ཀའི་མཉམ་འབྲེལ་གྲོས་ཚོགས་ཀྱི་ལམ་ལུགས་འཐུས་ཚང་གཏོང་བར་བརྟེན།འགོ་ཁྲིད་སྒྲིག་འཛུགས་བྱེད་ནུས་ཡོད་པ་དང་མ་དངུལ་གཏོང་འཇོག་གནས་སུ་འབྱོར་བར་ཁག་ཐེག་བྱས་ནས། ས་གཤིས་གནོད་སྐྱོན་སྔོན་འགོག་ལས་ཀ་བདེ་བླགས་ངང་སྤེལ་བ་དང་འགན་སྲུང་བརྟན་པོ་བྱ་དགོས། ལྟ་སྐུལ་ཞིབ་བཤེར་བྱ་རྒྱུར་ཤུགས་སྣོན་བརྒྱབ་ནས་ལས་ཀའི་བྱེད་ཐབས་དོན་འཁྱོལ་བྱ་རྒྱུ། མི་འདང་ས་ཡོངས་བསྒྲགས་དང་སྲིད་འཛིན་གྱི་འགན་འཁྲི་རྩད་གཅོད་བྱེད་ཕོད་པ་དང་།ཐུན་མོང་དུ་རྐྱེན་འགོག་ཉེན་སེལ་ལས་ཀ་ཡག་པོ་བསྒྲུབས་ཏེ། ཁུལ་ཡོངས་ཀྱི་ས་གཤིས་གནོད་འཚེ་སྔོན་འགོག་ལས་ཀ་དེ་ཡང་བསྐྱར་སྐས་རིམ་གསར་པ་ཞིག་གི་ཐོག་སླེབས་ཐུབ་པ་ཁག་ཐེག་བྱ་དགོས་པ་སོགས་ཀྱི་བླང་བྱ་བཏོན་པ་རེད།།