རྒྱལ་སྤྱིའི་དྲུག་གཅིག་བྱིས་པའི་དུས་ཆེན་སླེབས་ལ་ཉེ་བའི་སྐབས་སུ།རྫོང་ཡོངས་ཀྱི་བྱིས་པས་བདེ་སྐྱིད་དོན་སྙིང་ལྡན་པའི་དུས་ཆེན་ཞིག་རོལ་ཆེད། ཟླ་བ5པའི་ཚེས27ཉིན་དང་ཚེས28ཉིན།རྫོང་འཕྲོད་བསྟེན་དང་མི་འབོར་འཆར་ལྡན་བུ་བཙའ་ཅུས།རིག་གནས་ཡུལ་སྐོར་དང་རྒྱང་བསྒྲགས་བརྙན་འཕྲིན་ལུས་རྩལ་ཅུས་ཀྱིས་བྱིས་པ་ཚོར་བྱེད་སྒོ་རབ་དང་རིམ་པ་སྤེལ་བ་རེད།

　རྫོང་འཕྲོད་བསྟེན་འཆར་ལྡན་བུ་བཙའ་ཅུས་ཀྱི་ལས་བྱེད་མི་སྣས་དབུལ་ཕོངས་དུད་ཚང4ཡི་སློབ་ཆུང་སློབ་མར་མཚམས་འདྲི་ཞུས་པ་སྟེ། དབུལ་ཕོངས་དུད་ཚང4ཡི་སློབ་ཆུང་སློབ་མར་གོས་དང་དཔེ་ཁུག སློབ་སྦྱོང་ཡོ་བྱད་བྱིན་ནས་ཁོ་ཚོའི་འདོད་བློ་ཆུང་ཆུང་དེ་མྱུར་དུ་མངོན་འགྱུར་བྱུང་བ་རེད། སློབ་མ270ལ་བདེ་ཐང་ཞིབ་བཤེར་དང་མིག་ཤུགས་བདེ་སྲུང་།འཚོ་བཅུད་ཚོད་དཔག་བཅས་བྱས་པ་རེད།

　ཟླ་བ5པའི་ཚེས27ཉིན། དཔལ་ཡུལ་རྫོང་རིག་གནས་ཡུལ་སྐོར་དང་རྒྱང་བསྒྲགས་བརྙན་འཕྲིན་ལུས་རྩལ་ཅུས་ཀྱི་གློག་བརྙན་གཏོང་མཁན་རུ་ཁག་རྫོང་ཡོངས་ཀྱི་སློབ་གྲྭ་ཆུང་འབྲིང་སོ་སོར་ཕྱིན་ནས་རྒྱལ་གཅེས་རིང་ལུགས་ཀྱི་སློབ་གསོ་དང་ལྗར་འགོག་དམག་འཁྲུག་རྒྱལ་ཁ་ཐོབ་ནས་ལོ70འཁོར་བའི་གློག་བརྙན་སློབ་གྲྭའི་ནང་བསྐྱལ་བ་རེད།ཐེངས་འདིའི་བྱེད་སྒོའི་ནང་གློག་བརྙན་《གངས་རི་རྩྭ་ཐང་ལས་བརྒལ་བ》དང་།《རྩལ་མཆོང་རྒྱུག་མཁས་པ》། 《རྒྱལ་ཁའི་ཆེད་དུ》སོགས་རྒྱལ་གཅེས་རིང་ལུགས་སློབ་གསོའི་བརྗོད་བྱ་ལྡན་པའི་གློག་བརྙན་སློབ་མ་རྣམས་ལ་བཏང་བ་རེད།།