ཀྲུང་གོ་བོད་ཀྱི་དྲ་བའི་འཕྲིན། གསར་འགོད་པས་ཟླ5བའི་ཚེས19ཉིན་མཚོ་སྔོན་ཞིང་ཆེན་རིག་གནས་གསར་འགྱུར་པར་བསྐྲུན་ཐིན་ནས་ཤེས་གསལ་ལྟར་ན། ཞིང་ཆེན་མི་རིགས་སྐད་ཡིག་འགུལ་རིས་བརྙན་འཕྲིན་ཟློས་གར་དར་སྤེལ་ལྟེ་གནས་ཀྱིས་སྐད་སྦྱོར་བྱས་པའི་བོད་སྐད་ཀྱི་འགུལ་རིས་བརྙན་འཕྲིན་ཟློས་གར༼ཀྲུང་ཧྭའི་ཀུན་སྤྱོད་སློབ་གསོ་གཏམ་རྒྱུད༽ཁག་དང་པོ་ན་ནིང“སྤྱི་ཚོགས་རིང་ལུགས་ཀྱི་དཀྱིལ་སྙིང་རིན་ཐང་ལྟ་བའི་ཕུལ་བྱུང་པར་སྐྲུན་དངོས་རྫས་དཀར་ཆག”ནང་བདམས་རྗེས།ད་ལོ་ཡང་བསྐྱར“2015ལོའི་རྒྱལ་ཡོངས་ན་གཞོན་ལ་ཕུལ་བྱུང་སྒྲ་བསྐྱེད་པར་སྐྲུན་དངོས་རྫས་དཀར་ཆག”ནང་བདམས་པ་རེད།

བོད་སྐད་ཀྱི་སྐད་སྦྱོར་བྱས་པའི་འགུལ་རིས་བརྙན་འཕྲིན་ཟློས་གར༼ཀྲུང་ཧྭའི་ཀུན་སྤྱོད་སློབ་གསོ་གཏམ་རྒྱུད༽ཁག་དང་པོ་ནི་ཀྲུང་ཧྭ་མི་རིགས་ཀྱི་ཕུལ་དུ་བྱུང་བའི་སྲོལ་རྒྱུན་རིག་གནས་ལས་གྲུབ་ཡོད་ལ། བསྡོམས་པས་ལེའུ104དང་སྐར་མ་དུས་ཚོད38ཡིན།

མཚམས་སྦྱོར་བྱས་པ་ལྟར་ན། ཞིང་ཆེན་མི་རིགས་སྐད་ཡིག་འགུལ་རིས་བརྙན་འཕྲིན་ཟློས་གར་དར་སྤེལ་ལྟེ་གནས་ཀྱིས་རྗེས་མར་མུ་མཐུད་དུ་ན་གཞོན་རྣམས་ལ་ཁ་ཕྱོགས་ནས་པར་སྐྲུན་བྱ་བར་ལེགས་པོ་སྒྲུབ་རྒྱུ་ཡིན་པ་དང་། དུས་དང་རྣམ་པ་ཀུན་ཏུ་སྤྱི་ཚོགས་རིང་ལུགས་ཀྱི་དཀྱིལ་སྙིང་ལྟ་ར་དང་ཀྲུང་གོའི་ཕུགས་འདུན་སོགས་བརྗོད་དོན་དུ་བཟུང་ནས་དྲིལ་བསྒྲགས་བྱེད་རྒྱུ་དང་སྤྱི་ཚོགས་སྟེང་ལ་ཁ་ཕྱོགས་ལེགས་ཤིང་། རྒྱུ་སྤུས་བཟང་བ། རྒྱ་ཆེའི་ན་གཞོན་ཚོའི་དགའ་བསུ་བྱེད་པའི་སྒྲ་བསྐྱེད་གློག་རྡུལ་པར་སྐྲུན་དངོས་རྫས་ཐོན་སྐྱེད་བྱེད་པར་བརྩོན་ལེན་བྱེད་རྒྱུ་རེད། །