ཀྲུང་གོ་ས་ཡོམ་དྲ་བས་དངོས་སུ་གཏན་འཁེལ་བྱས་པར་གཞིགས་ན།སྤྱི་ཚེས25ཉིན་གྱི་ཕྱི་དྲོའི་ཆུ་ཚོད2དང་སྐར་མ11ཐོག་ནེ་པ་ལར་ས་ཡོམ་རིམ་པ8.1བརྒྱབ་པ་དང་ས་ཡོམ་གྱི་གཏིང་ཚད་རིང་པོ་མེད་ལ་ཡོམ་ཤུགས་ཆེན་པོ་ཡོད་པ་རེད།ས་ཡོམ་ཤུགས་ཆེན་པོ་ཡོད་པའི་རྐྱེན་གྱིས་གཞིས་རྩེ་གྲོང་ཁྱེར་སྐྱིད་རོང་རྫོང་སྐྱིད་རོང་གྲོང་རྡལ་གྱི་ཁང་པ་ཁག་ཅིག་ལོགས་པ་དང་།སེར་ཁ་རྒྱུགས་པ་སོགས་བྱས་ཡོད་པ་རེད།བོད་ལྗོངས་སྤྱི་བདེ་མཐའ་སྲུང་སྤྱི་ཁྱབ་རུ་ཁག་སྐྱིད་རོང་མཐའ་མཚམས་ཞིབ་བཤེར་ས་ཚིགས་ཀྱི་དཔོན་དམག་ཚོས་ཕྲལ་མར་མྱུར་སྐྱོབ་ལས་དོན་སྤེལ་བ་མ་ཟད།གནོད་འཚེ་འཕོག་ཁུལ་གྱི་མང་ཚོགས་གནས་སྤོས་དང་གུར་རྒྱབ་རོགས་སོགས་བབ་བསྟུན་གེགས་སེལ་མྱུར་སྐྱོབ་ལས་དོན་ཡང་སྤེལ་ཡོད་པ་རེད།