རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲིན་ཧྲིན་གྱིས་ཚེས་བཅུ་བདུན་ཉིན་ཏེའོ་ཡུས་ཐེ་རྒྱལ་མགྲོན་ཁང་ནས་ཁམ་ཕུ་ཀྲེ་ཡི་རྒྱལ་བོ་ཞི་ཧ་མའོ་ཉི་དང་རྒྱལ་མོ་མའོ་ཉི་ལའེ་ལ་མཇལ་འཕྲད་གནང་།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲིན་ཧྲིན་གྱིས་ཚེས་བཅུ་བདུན་ཉིན་ཏེའོ་ཡུས་ཐེ་རྒྱལ་མགྲོན་ཁང་ནས་ཁམ་ཕུ་ཀྲེ་ཡི་རྒྱལ་བོ་ཞི་ཧ་མའོ་ཉི་དང་རྒྱལ་མོ་མའོ་ཉི་ལའེ་ལ་མཇལ་འཕྲད་གནང་།ཡུས་ཀྲིན་ཧྲིན་གྱིས་རྒྱལ་བོ་ཞི་ཧ་མའོ་ཉི་དང་རྒྱལ་མོ་མའོ་ཉི་ལའེ་རྣམ་གཉིས་ལ་ཀྲུའུ་ཞི་ཞི་ཅིན་ཕེན་གྱིས་བརྩེ་བའི་འཚམས་འདྲི་མཛད་པ་བརྒྱུད་སྒྲོག་གནང་།ཡུས་ཀྲིན་ཧྲིན་གྱིས་བསྟན་དོན།ཀྲུང་གོ་དང་ཁམ་ཕུ་ཀྲེ་རྒྱལ་ཁབ་གཉིས་བར་ཡུན་རིང་གི་མཛའ་མཐུན་ལྡན་ཞིང་།ནམ་ཡིན་ཡང་ཕན་ཚུན་ཡིད་ཆེས་དང་།ཕན་ཚུན་རྒྱབ་སྐྱོར་བྱས་ཏེ།ཁྱོན་ཡོངས་ནས་འཐབ་ཇུས་མཉམ་ལས་རྒྱུན་ཆད་མེད་པར་གཏིང་ཟབ་ཏུ་སྤེལ།རྒྱལ་བོ་ཞི་ཧ་མའོ་ཉི་ཡིས་རྒྱལ་བོ་ཞི་ཧ་ནོའུ་ཁི་ཡི་རྒྱལ་རྒྱུད་བསྐྱངས་ནས་ཀྲུང་གོ་དང་ཁམ་ཕུ་ཀྲེ་ཡི་སྲོལ་རྒྱུན་མཛའ་བཤེས་ཇེ་ཟབ་ཏུ་གཏོང་བར་ཤུགས་བསྣན་ནས།རྒྱལ་ཁབ་གཉིས་ཀྱི་འབྲེལ་བ་འཕེལ་རྒྱས་སུ་གཏོང་བར་བྱས་རྗེས་གསར་བ་འཇོག་རྒྱུ་ནི་ང་ཚོའི་རེ་བ་ཡིན་ཟེར།ཀྲུང་གོ་ཕྱོགས་ཀྱིས་མུ་མཐུད་དུ་ཁམ་ཕུ་ཀྲེ་ལ་མཛའ་མཐུན་སྲིད་ཇུས་ལག་བསྟར་བྱས་ནས།ཁམ་ཕུ་ཀྲེ་ཕྱོགས་དང་གཞོགས་འདེགས་བྱེད་པ་དང་།ནན་ཏན་སྒོས་རྒྱལ་ཁབ་གཉིས་ཀྱི་མཐོ་རིམ་དཔོན་པོའི་བར་བྱུང་བའི་ཐུན་མོང་གི་ལྟ་བ་དངོས་འབེབས་བྱེད་འདོད་ཡོད་ཟེར།རྒྱལ་བོ་ཞི་ཧ་མའོ་ཉི་ཡིས་ཡུས་ཀྲིན་ཧྲིན་ལ་ཁོང་དང་རྒྱལ་མོ་མའོ་ཉིས་ལའེ་རྣམ་གཉིས་ཀྱིས་ཀྲུའུ་ཞི་ཞི་ཅིན་ཕེན་ལ་སྨོན་འདུན་བཟང་བོ་ཞུ་བཞིན་ཡོད་པ་བརྒྱུད་སྒྲོག་བྱེད་རོགས་ཞུས།ཁོང་གིས་ཀྲུང་གོས་ཁམ་ཕུ་ཀྲེ་ཕྱོགས་ལ་ནམ་ཡིན་ཡང་རྒྱབ་སྐྱོར་གནང་བར་བཀའ་དྲིན་ཞུས་པ་དང་།ཁམ་ཕུ་ཀྲེའི་གོང་མ་ཚང་གིས་མུ་མཐུད་དུ་ཁམ་ཕུ་ཀྲེ་དང་ཀྲུང་གོའི་མཛའ་མཐུན་རྒྱུན་འཛིན་བྱས་ནས།རྒྱལ་ཁབ་གཉིས་ཀྱི་འབྲེལ་བ་འཕེལ་རྒྱས་སུ་གཏོང་འདོད་ཡོད་ཟེར།  །