ཟོན་ཐར་རྒྱལ་གྱི་གློག་བརྙན་བརྩམས་ཆོས༼གཙང་བོ༽ཞེས་པ་དེ་པུར་ལིན་རྒྱལ་སྤྱིའི་གློག་བརྙན་དུས་ཆེན་སྐབས་དྲུག་ཅུ་རེ་ལྔ་རུ་ཚུད་ཅིང་། ཉེ་ལམ་ཟི་ལིང་དུ་བརྙན་གཟིགས་ཚོགས་ཆུང་ཞིག་སྤེལ་བ་རེད།
     གློག་བརྙན་འདིར་རྩྭ་ཐང་གི་བུ་མོ་ཞིག་གི་མཐོང་རྒྱ་ལས་འཛམ་གླིང་གི་རྣམ་པ་སྣ་ཚོགས་ཤིག་ངོམ་ཞིང་། དེར་ཕན་ཚུན་བཀག་རྒྱ་ལྡན་ཞིང་སྤྲོ་སེམས་མེད་པ། མགོ་གཡོག་མགོ་སྐོར་དང་རྫུན་སོགས་ཀྱིས་ཁེངས་ནའང་། དེ་ལས་ཀྱང་མང་ཆེ་ཤོས་ནི་བྱམས་བརྩེ་ལྡན་ཞིང་ཕན་ཚུན་བློ་དཀར་ལ། མཛེས་སྡུག་ལྡན་པའི་སྒོ་ནས་མི་དང་རང་བྱུང་། མི་དང་མི། མི་དང་སྲོག་ཆགས་དབར་ཐིམ་ཡོད།