མིག་སྔར།ཀན་སུའུ་ཞིང་ཆེན་གྱི་ལས་རིགས་སློབ་གསོའི་དྲིལ་བསྒྲགས་ཟླ་བའི་བྱེད་སྒོའི་འགོ་འཛུགས་མཛད་སྒོ་དེ་ལན་གྲུ་ཐོན་ཁུངས་ཁོར་ཡུག་ལས་རིགས་ལག་རྩལ་སློབ་གླིང་དུ་སྤེལ་བ་རེད།ཀན་སུའུ་ཞིང་ཆེན་ནང་ཁུལ་གྱི་ལས་རིགས་སློབ་གླིང་འགའི་དགེ་སློབ་ཀྱི་འཐུས་མིས་ཡུལ་དངོས་སུ་ལས་རིགས་ཀྱི་ལག་རྩལ་སྟོན་པ་རེད།
ཤེས་རྟོགས་བྱུང་བར་གཞིགས་ན།དེང་རབས་ལས་རིགས་སློབ་གསོའི་འཕེལ་རྒྱས་ཇེ་མགྱོགས་སུ་གཏོང་བ་དང་ཀན་སུའུ་ཞིང་ཆེན་གྱི་དེང་རབས་ལས་རིགས་སློབ་གསོའི་མ་ལག་འཛུགས་སྐྱོང་བྱ་ཆེད།ཀན་སུའུ་ཞིང་ཆེན་སྲིད་གཞུང་གིས་བྱེད་ཐབས་རབ་དང་རིམ་པ་བཏོན་པ་རེད།2015ལོ་ནས་བཟུང་།ཀན་སུའུ་ཞིང་ཆེན་གྱི་འབྲིང་རིམ་ལས་རིགས་སློབ་གསོའི་སློབ་རིན་ཡོངས་རྫོགས་མི་དགོས་པ་དང་།ཀན་སུའུ་ཞིང་ཆེན་གྱི་ཞིང་ཆེན་རིམ་པའི་ནོར་སྲིད་ཀྱིས་ལོ་རེར་ལས་རིགས་སློབ་གསོའི་ཆེད་གཉེར་འགྲོ་སོང་སྒོར་དུང་ཕྱུར1ལས་མི་དམའ་བ་གསར་སྣོན་བྱ་རྒྱུ་སོགས་ཀྱི་རྒྱབ་སྐྱོར་བྱེད་ཐབས་འདུས་ཡོད་པ་རེད།